Akwodufu 13:5 - O̩TAKADA O̩LA O̩JO̩ 1970

⁵ Tak e̩gba ku Jihofa mʼume̩ ko wa ane̩ abo Kenan kpai abo He̩t kpai abo Amo̩r kpai abo Hifai kpai abo Je̩bius, owñ chʼe-kʼi go̩ ñw amata-me̩ ka kʼi adu ñwu me̩, ane̩ kʼomi e̩nya kpai iño̩ acha efu-wñ le̩, ame̩ ade e̩wñ ucholo kide̩ ochu-i.

Akwodufu 13:5 ပူးပေါင်းရင်းမြစ်များ

Akwodufu 3:8

omi la gwo̩ru wa kʼu mʼuma gba kwef o̩wo̩ abo Ijipti-i, kʼu laño̩ mʼuma ko kwʼoj ane̩ le̩ tʼane̩ ki nyo̩, kʼi laño̩ chenana, owñ chʼoj ane̩ ugbo kʼomi e̩nya kpai iño̩ acha, tʼuña abo Kenan kpai abo He̩t kpai abo Amo̩r kpai abo Pe̩re̩z kpai abo Hifai kpai abo Je̩bius.

Jo̩shua 24:11

Taku me̩ mu Jo̩rdan-i daba, oñ me̩ lewa Je̩riko, tak abo Je̩riko le̩ kʼogu bʼame̩, alu kʼabo Amo̩r le̩, kpai abo Pe̩re̩z, kpai abo Kenan, kpai abo He̩t, kpai abo Girgash, kpai abo Hifai, kpai abo Je̩bius ño̩ che ge̩; oñ u mʼuma ko nyʼume̩ o̩wo̩.

Akwodufu 6:8

Omi ñʼako me̩ wa oj ane̩ e-kʼomi dʼo̩wo̩-mi nyate̩ ago̩ ñw Ebraham kpai Aise̩k kpai Jeko̩b ka kʼu nadu ñwu ma; nadʼu ñwu me̩ ku me̩ ne̩. Omi Jihofa de̩.

Akwodufu 34:11

E̩ nafejutʼe̩wñ kʼu nañwa ñw e̩ eñini-i. Go, nanʼabo Amo̩r kpai abo Kenan kpai abo He̩t kpai abo Pe̩re̩z kpai abo Hifai kpai abo Je̩bius rinyo̩ bʼuwe̩ o̩gba te̩.

Akwodufu 3:17

Eka omi ka, ka kʼu nako me̩ kwʼef o̩bata Ijipti dufu wʼane̩ abo Kenan kpai e-abo He̩t kpai e-abo Amo̩r kpai e-abo Pe̩re̩z kpai e-abo Hifai kpai e-abo Je̩bius, owñ chʼane̩ ugbo kʼomi e̩nya kpai iño̩ acha.

O̩lo̩da Eduwa Onukeji 26:1

I lewatʼe̩gba kʼe̩ lewa oj ane̩ ki Jihofa O̩jo̩-we̩ adu ñw e̩ kʼi chʼe̩wñ ogu-we̩, kʼe̩ la mʼu gba kʼe̩ dodo o̩mo̩,

O̩lo̩da Eduwa Onukeji 19:1

E̩gba ku Jihofa O̩jo̩-we̩ akʼabo uche̩ichi ichi ki Jihofa O̩jo̩-we̩ adʼane̩-ma ñw e̩ da rinyo̩, kʼe̩ la gbʼe̩gu-ma je̩, kʼe̩ dodo ewo ewo-ma, kpai ef unyi-ma,

O̩lo̩da Eduwa Onukeji 12:29

E̩gba ki Jihofa O̩jo̩-we̩ fʼabo uche̩ichi ichi ko̩da bʼuwe̩ o̩gba te̩, owñ chʼugbo kʼuwe̩ anyi kʼe̩ bʼuma gbʼane̩ le̩, kʼe̩ bʼuma gba kʼe̩ la dodo oj ane̩-ma,

O̩lo̩da Eduwa Onukeji 7:1

E̩gba ki Jihofa O̩jo̩-we̩ dʼuwe̩ wʼoj ane̩ ugbo kʼuwe̩ anyi kʼe̩ ne̩ le̩, kʼi la mʼabo uche̩ichi chi rinyo̩ bʼuwe̩ o̩gba te̩, owñ chʼabo He̩t kpai abo Girgash kpai abo Amo̩r kpai abo Kenan kpai Pe̩re̩z kpai abo Hifai kpai abo Je̩bius, amuche̩ichi amone̩ mebie ku ma wewe ku ma la ño̩ gbiti tʼuwe̩ le le̩,

Ekaluka 32:11

Ochochi, eju aboke̩le̩ du ku ma kwʼ Ijipti dufu wa-i, kʼo̩do̩-ma chʼogu nyʼate̩to̩gba-wñ ado ane̩ kʼomi go̩ ñw Ebraham kpai Aise̩k kpai Jeko̩b in, todabu ku ma ma tʼumi ubi ogbolo n;

Ekaluka 14:30

ñʼawʼoj ane̩ e-kʼomi dʼo̩wo̩-mi nyate̩ ka kʼomi aje̩ ñwu me̩ dodo o̩mo̩ n, chai Kele̩b, o̩ma Jefune kpai Jo̩shua o̩ma Nun.

Ekaluka 14:16

Todabu ku Jihofa ma neke kʼamone̩-i nyʼane̩ kʼi go̩ ñwu ma le̩ n, todule̩ i mʼuma ko kpa ef aje̩tachi-i.

Akwodufu 33:1

Taku Jihofa ka ñwu Mose̩s kakini, Kwo bʼemi te̩ alo, uwe̩ kpai amone̩ kʼe̩ ko kwʼane̩ Ijipti dufu wa le̩, kʼe̩ nyʼane̩ kʼomi go̩ ñw Ebraham kpai Aise̩k kpai Jeko̩b kakini, Ugbe̩-we̩ oñ nadʼu ñw u.

Abakwane̩ 50:24

Taku Jose̩f ka ñw amo̩maye-wñ kakini, Eku naku; O̩jo̩ muda awa fejudo me̩ chuu, i la ako me̩ kwʼoj ane̩-i tʼoj ane̩ e-kʼi go̩ ñw Ebraham kpai Aise̩k kpai Jeko̩b.

Abakwane̩ 26:3

Ge̩ne̩ ane̩-i, tak u nadʼugbo-we̩, oñ nade̩nyo̩ ñw e̩; todu nakʼane̩-i du ñw uwe̩ kpai ugbe̩-we̩, alu kʼu go̩ ñw Ebraham ata-we̩ le̩, abe̩le̩ nache.

Akwodufu 12:24

Ame̩ ki fejutʼe̩wñ-i ki chʼe̩wñ uhio̩me̩ ñw e̩ kpai amo̩ma-we̩ ogbegbele̩.

Akwodufu 13:10

Todule̩ e̩ ki de uko̩ kide̩ iko-wñ o̩do̩ tʼo̩do̩ du.

Akwodufu 13:11

Oñ e̩gba ku Jihofa mʼe̩ du wa ane̩ abo Kenan, alu kʼi go̩ ñw e̩ kpai amata-we̩, kʼi la mʼu du ñw e̩,

Akwodufu 32:13

E̩ nalibekado Ebraham kpai Aise̩k kpai Israe̩l, amadu-we̩ le̩, e-kʼuwe̩ fʼo̩la-we̩ onugo go̩ ñwu ma, kʼe̩ la ka ñwu ma kakini, Naje̩ ñw ugbe̩-me̩ wewe nyo̩gba dab awo awo ojale, oñ ane̩ kʼomi ko̩la-wñ-i du nadu ñw ugbe̩-me̩, tak i achʼe̩wñ ogu-ma ogbegbele̩.

Abo Lifai 20:24

U muda ka ñwu me̩ kakini, ame̩ ane̩ ane̩-ma, oñ nadʼu ñwu me̩ ki mud e-me̩, ane̩ ugbo kʼomi e̩nya kpai iño̩ acha i che. Omi che Jihofa, O̩jo̩-me̩, kʼi fʼume̩ daru bʼamone̩ ki bo̩ te̩.

Ekaluka 11:12

Omi ma nyefu amone̩-i chaka ñw u? Omi bi ma? kʼuwe̩ aka ñwu mi kakini, E̩ ki ne̩ ma agbe̩do̩-we̩, alu kʼata anʼo̩ma kʼi añmʼe̩nya, tʼoj ane̩ kʼuwe̩ go̩ ñw amata-ma?

Ekaluka 13:27

Taku ma ka ñw u kakini, A le tʼane̩ ugbo kʼe̩ kpe̩ wa nyi le̩; omi e̩nya kpai iño̩ la acha o̩mo̩ dab omi aji ochochi, e̩ro-wñ la de̩.

Je̩re̩maya 11:5

kʼu fʼego̩ kʼu go̩ ñw amata-me̩ lonyane̩, kʼu kʼane̩ ugbo kʼomi e̩nya kpʼomi iño̩ acha ef uwñ ñwu ma, alu ki de̩ eñini-i. Tak u dohi kakini. Ami, O Jihofa.

Je̩re̩maya 32:22

E̩ laño̩ mʼane̩-i kʼe̩ go̩ ñw amata-ma ka kʼe̩ ko ñwu ma le̩ ko ñwu ma, owñ chʼane̩ ugbo kʼomi e̩nya kpʼiño̩ nacha-i.

Izikie̩l 20:6

o̩jo̩ u dʼo̩wo̩-mi dago ñwu ma kʼu nako ma kwʼoj ane̩ Ijipti dufu wʼoj ane̩ kʼu tejane̩ ñwu ma, omi e̩nya kpʼomi iño̩ acha o̩mo̩, kʼi añʼojane̩ ojane̩ du eju.

Akwodufu 6:4

U laño̩ fʼalo-mi kpe̩ kpai ama, todu kʼu dʼane̩ Kenan ñwu ma, owñ chʼane̩ ugbo ku ma ge̩ne̩ efu-wñ ale le̩.

1 Iko Iko E̩wñ 1:15

kpai e̩ne̩ Hifai kpai e̩ne̩ Arki kpai e̩ne̩ Saini,