Akwodufu 12:41 - O̩TAKADA O̩LA O̩JO̩ 1970

⁴¹ Oñ i lewatu e̩gba kʼo̩do̩-wñ jo̩ ulo̩ko̩ nyʼogue̩gwa, o̩jo̩ le̩ gbage̩de̩, o̩gbo̩ abo Jihofa du kwʼoj ane̩ Ijipti dufu.

Akwodufu 12:41 ပူးပေါင်းရင်းမြစ်များ

E̩wñ kʼAme̩nukpuche̩ Che 1:7

I ka ñwu ma kakini, Ema iko e̩wñ kpai ewo e̩wñ kʼAta du tef o̩da e-wñ ame̩ nʼe-le̩ n.

Jo̩n 7:8

Ame̩ ki te̩gu nyʼugbo ujeju ucholo-i; omi ate̩gu nyʼugbo ujeju ucholo-i ta n, todabu kʼiko-mi ma jo̩ kpa ta n.

Habakuk 2:3

Todu ane̩ kʼe̩ go le̩ chʼutod iko-wñ ki che̩date̩ ta; i nahiane̩ alo rʼo̩wo̩ oji-wñ ekpa— i la arena n. Dagba i che̩du eju-we̩, e̩ nede-wñ ta; todu i awa tila, i achiñelebu n.

Danie̩l 9:24

Ma fʼebie ebie ugbo e̩te̩gwa ñwate̩ abʼoji amone̩-we̩ kpʼewo-we̩ kiafo̩ le̩ ma, ku ma fʼoji echada kpa, ku ma la fʼoji adure kpa hioko, ku ma fʼe̩wñ e̩boma che tod udu ku ma fe̩, ku ma laño̩ dʼo̩kpakpa e-ogbegbele̩ wa, ku ma fʼane̩ ego kpai ache̩ eka hiuko̩, ku ma ño̩ fʼekpo ba tʼuña kiafo̩ e-efo̩ le̩.

Eli Eko̩ DʼO̩jo̩ 102:13

Uwe̩ akwane̩kʼe̩ li Zayo̩n ejumomi; todu iko eli owñ eju jo̩ me̩; ochochi, iko ku ma da te̩ le̩ lewa me̩.

Jo̩shua 5:14

Oñ i kakini, O̩da; ama todu kʼu chʼagboji abogu Jihofa oñ u wa-i. Taku Jo̩shua lewa fʼeju bʼane̩ ma, oñ i dojikane̩, i la ka ñw u kakini, Ab odu-mi aka ñw adu-wñ-i?

Akwodufu 12:51

O̩jo̩ le̩ gbage̩de̩ oñ Jihofa mʼamo̩ma Israe̩l ko kwʼoj ane̩ Ijipti dufu, udala udala-ma.

Akwodufu 12:17

Me̩ ki fejutʼe̩wñ kʼo̩jo̩wu ma dʼo̩ n-i; todu o̩jo̩ kide̩ gbage̩de̩ oñ omi ko me̩ kwʼoj ane̩ Ijipti dufu, udala udala: todule̩ me̩ afejutʼo̩jo̩-i gbogbo nyʼo̩hio̩gu-me̩ kʼi chʼuko̩ ogbegbele̩ kʼu te̩ ñwu me̩.

Akwodufu 7:4

Fero muda anyʼuwe̩ eti n; tak u nadʼo̩wo̩-mi no ane̩ Ijipti, kʼu ko abudala udala-mi, owñ chʼamone̩-mi amo̩ma Israe̩l-i, kwʼoj ane̩ Ijipti lugbo udu lile kʼu nabu ñwu ma.

Akwodufu 3:10

Fai, e̩ lewa kʼu kpʼe̩ nyʼugbo Fero kʼuwe̩ ki mʼamone̩-mi, amo̩ma Israe̩l le̩, ko kwʼoj ane̩ Ijipti dufu.

E̩wñ kʼAme̩nukpuche̩ Che 7:36

Owñ le̩ ne̩ ma dufu abu kʼi fʼuno̩ kpʼe̩wñ ujiwe che Ijipti kpʼef Ohimini Ekpikpa kpʼef aje̩tachi o̩do̩ o̩gbo̩ meji le̩.

Akwodufu 3:8

omi la gwo̩ru wa kʼu mʼuma gba kwef o̩wo̩ abo Ijipti-i, kʼu laño̩ mʼuma ko kwʼoj ane̩ le̩ tʼane̩ ki nyo̩, kʼi laño̩ chenana, owñ chʼoj ane̩ ugbo kʼomi e̩nya kpai iño̩ acha, tʼuña abo Kenan kpai abo He̩t kpai abo Amo̩r kpai abo Pe̩re̩z kpai abo Hifai kpai abo Je̩bius.

Akwodufu 6:6

Todule̩ e̩ naka ñw amo̩ma Israe̩l kakini, Omi Jihofa de̩, nako me̩ kwef uko̩lo̩ adu e-abo Ijipti, oñ nagba me̩ kwef uko̩lo̩ adu-ma eche, nanʼo̩wo̩ ki nadala te̩ kpai udu elile ebu ñwu ma gba me̩ tane̩.

Abakwane̩ 50:24

Taku Jose̩f ka ñw amo̩maye-wñ kakini, Eku naku; O̩jo̩ muda awa fejudo me̩ chuu, i la ako me̩ kwʼoj ane̩-i tʼoj ane̩ e-kʼi go̩ ñw Ebraham kpai Aise̩k kpai Jeko̩b.

Akwodufu 6:26

Abo-i che Aro̩n kpai Mose̩s e-ku Jihofa ka ñwu ma kakini, Me̩ ko amo̩ma Israe̩l kwo oj ane̩ Ijipti dufu wa, udala udala-ma.

Akwodufu 13:3

Taku Mose̩s ka ñw amone̩ le̩ kakini, Me̩ nadibekado o̩jo̩ eñini-i, kʼi chʼo̩jo̩ ku me̩ kwo Ijipti dufu, kwʼef unyi adu le̩, todu lugbo ukpahiu o̩wo̩-wñ oñ Jihofa ko me̩ kwo ugbo kide̩ dufu; me̩ ki je̩ uje̩wñ du kʼo̩jo̩wu dʼefu-wñ n.

Akwodufu 13:9

I la ache ujiwe o̩wo̩-we̩ ñw e̩, i ñʼachʼutodu urewa o̩gba oji-we̩, todu kʼuko̩-o̩la Jihofa ki nadʼef alu-we̩; todu o̩wo̩ ukpahiu-wñ oñ Jihofa ne̩ mʼuwe̩ du kwʼIjipti dufu.

Akwodufu 13:14

Tak e̩gba kʼo̩ma-we̩ e̩ne̩ke̩le̩ atʼuwe̩ ene ejo̩gba-i kakini, E̩wñ che oji e-le̩? Uwe̩ aka ñw u kakini, Lʼugbo ukpahiu o̩wo̩-wñ oñ Jihofa mʼuwa ko kwʼIjipti dufu, kwef unyi adu le̩.

Akwodufu 13:16

E-le̩ ache ujiwe ef o̩wo̩-we̩ kpai e̩wñ urewa o̩gba oji-we̩; todu lugbo ukpahiu o̩wo̩-wñ oñ Jihofa mʼuwa ko kwʼoj ane̩ Ijipti wa.

Abo Lifai 23:43

todu kʼamo̩lo̩pu-me̩ ki ma ka kʼomi je̩ ñw amo̩ma Israe̩l gugu ef ala ala e̩gba kʼu ko ma kwʼoj ane̩ Ijipti wa: omi, Jihofa O̩jo̩-me̩, de̩.

Ekaluka 23:22

O̩jo̩ ko ma kwʼIjipti dufu wa-i; i chenʼukpahiu dab o̩ke̩fa.

Ekaluka 33:1

Ule̩ o̩jo̩ʼka o̩jo̩ʼka kʼabo Israe̩l ku ma jʼef o̩wo̩ Mose̩s kpai Aro̩n ku ma kwʼane̩ Ijipti dufu udala udala le de̩.

O̩lo̩da Eduwa Onukeji 4:37

Oñ todabu kʼi fe̩do̩ amata-we̩, i la mʼugbe̩-ma ko ñw o̩la-wñ ubi-ma ge̩, eju-wñ dʼane̩ oñ i nʼukpahiu-wñ ki nana dʼe̩ kwʼIjipti dufu,

O̩lo̩da Eduwa Onukeji 16:1

Fejutʼochu Abib, kʼuwe̩ ki fʼElaloji de ñwu Jihofa O̩jo̩-we̩; todu ef ochu Abib le̩ Jihofa O̩jo̩-we̩ mʼe̩ du kwʼIjipti dufu odu.

Jo̩shua 24:5

Tak u fu Mose̩s kpai Aro̩n kpe̩lo, oñ u fʼIjipti gwoda, owñ chʼe̩wñ kʼu che efu-ma le̩; ubile̩ tak u mʼume̩ ko dufu wa.

1 Amonu 6:1

Oñ i lewatʼo̩do̩ ulo̩ko̩ nyʼo̩gbo̩ me̩le̩ kʼamo̩ma Israe̩l kwʼIjipti wa, owñ chʼo̩do̩ e̩ke̩le̩ ki So̩lo̩mo̩n jʼonu Israe̩l, ochu Zif, kʼi chʼochu ekeji ef o̩do̩, kʼowñ chane̩ ekʼunyi Jihofa le̩.

2 Iko Iko E̩wn 14:12

abe̩le̩ Jihofa fʼabo Itiopia gwoda o̩gba Esa kpʼo̩gba abo Juda; tak abo Itiopia ra.

Eli Eko̩ DʼO̩jo̩ 114:1

E̩gba kʼabo Israe̩l kwʼIjipti dufu, abo unyi Je̩ko̩b kwʼef abo ichi ojoji,

Eli Eko̩ DʼO̩jo̩ 136:11

kʼi la kʼabo Israe̩l kwef uma dufu, tod ufe̩de̩nyo̩-wñ chʼogbegbele̩;