Akwodufu 12:3 - O̩TAKADA O̩LA O̩JO̩ 1970

³ Me̩ ka ñw abo o̩gbadu Israe̩l chaka ka kʼo̩jo̩ e̩ke̩gwa ochu-i e̩ne̩ne̩ne̩ne̩ ki mʼe̩wño̩re̩ egini du alu kʼuwewe akwo̩ra unyi ata-wñ de̩, e̩wño̩re̩ eginiʼka todu akwo̩ra unyiʼka;

Akwodufu 12:3 ပူးပေါင်းရင်းမြစ်များ

1 Abo Ko̩rint 5:7

Me̩ ki fʼo̩jo̩wu e-igbele le̩ gwe̩ rinyo̩, todu kʼame̩ ki chʼodukulu etito̩, alu ku me̩ de̩ ku me̩ ma nʼo̩jo̩wu n le̩. Todu ma ño̩ fʼElaloji-wa kpa me̩— owñ che Kraist.

Jo̩n 1:29

O̩jo̩ñwa-wñ i li abu ki Jisus awʼugbo-wñ, oñ i kakini, Go, O̩mala O̩jo̩ ki adʼadure abile̩ kwʼemi le̩ de̩.

Abo Lifai 5:6

tak i adʼe̩wñ iche̩bo̩ abi-wñ wa ñwu Jihofa tod edure kʼi dure, i adʼoleʼka kwef ame̩wño̩re̩ egini wa, dagba i chʼala abe̩k ewo, kʼi chʼe̩wñ iche̩bo̩ adure; tak atama ache e̩wñ e̩boma tod u wñ tod adure-wñ.

Abo Lifai 1:2

E̩ nako̩la ñw amo̩ma Israe̩l, kʼe̩ ka ñwu ma kakini, E̩gba kʼe̩ne̩ke̩le̩ du efu-me̩ dʼe̩wñ O̩jo̩ wa ñwu Jihofa, me̩ adʼe̩wñ O̩jo̩-me̩ le̩ kwef ame̩la abe̩re̩me̩le̩ abe̩k okuno̩ abe̩k ame̩wño̩re̩ egini wa ñw u.

Jo̩n 12:12

O̩jo̩ñwa-wñ abu kʼo̩wo̩ amone̩ lile ku ma wʼugbo-ujeju ucholo le̩ gbo ka ku Jisus awa Je̩rusale̩m,

Jo̩n 1:36

Oñ abu kʼi kejuru Jisus kʼi alule̩, i kakini, Go, O̩mala e-O̩jo̩ de̩.

2 Iko Iko E̩wn 35:7

Taku Josaya kʼame̩wño̩re̩ egini owñ chʼamo̩mala kpai amo̩mewo wa ne ate̩ tod amo̩ma amone̩ le̩, o̩chaka-wñ chʼutodu e̩wñ iche̩bo̩ Elaloji, tod abo du kʼeju mu dane̩ o̩mo̩; aluka-wñ che icham nyʼo̩gwo̩ko ogue̩gwa, manyʼamo̩kokuno̩ icham nyʼo̩gwo̩ko̩ me̩ta: e̩wñ-i kwef e̩wñ kʼonu ne̩.

Ekaluka 15:11

Abe̩le̩ ma ache tod o̩kokuno̩ okoka, abe̩k okolo okoka, abe̩k o̩ma e̩wño̩re̩ egini okoka.

Akwodufu 12:6

tak ame̩ ade gbogbo wʼo̩jo̩ e̩ke̩gwe̩le̩ ochu-i, e̩gbale̩ ujeju o̩gbadu abo Israe̩l chaka akpa e̩gba ane̩.

Akwodufu 6:6

Todule̩ e̩ naka ñw amo̩ma Israe̩l kakini, Omi Jihofa de̩, nako me̩ kwef uko̩lo̩ adu e-abo Ijipti, oñ nagba me̩ kwef uko̩lo̩ adu-ma eche, nanʼo̩wo̩ ki nadala te̩ kpai udu elile ebu ñwu ma gba me̩ tane̩.

Akwodufu 4:30

Tak Aro̩n mʼo̩la du ku Jihofa ka ñwu Mose̩s du ka ñwu ma, i laño̩ che ujiwe le̩ eju amone.

Abakwane̩ 22:8

Tak Ebraham kakini, O̩ma-mi, O̩jo̩ ali o̩mala ñw o̩la-wñ todu iche̩bo̩ e̩gujo. Abe̩le̩ amameji kpe̩re̩ alo.

Abakwane̩ 4:4

Ebe̩l ge̩, i ño̩ chi kwef amo̩mojo̩do̩ ame̩wño̩re̩-wñ egini wa, e-ki yoyo efu-ma. Jihofa la go Ebe̩l kpai e̩wñ ele kʼi kowa,

O̩la E̩bite 13:8

Oñ abo du ku ma dodo ane̩ ile̩-i ku ma ma kʼodu-ma rʼef ibuku e-iñmi e-O̩mala ku ma kpa akwʼe̩gba ku ma kpʼe̩re̩ ile̩ n le̩, adojikane̩ ñw u.

1 Samiue̩l 7:9

Taku Samiue̩l mʼo̩mala kʼi añmʼe̩nya du, oñ i mʼu du che iche̩bo̩ e̩gujo odukulu ñwu Jihofa. Samiue̩l ño̩ kwado̩ Jihofa todu Israe̩l; Jihofa la mʼohi du ñw u.

Jo̩shua 7:14

Todule̩ ama ako me̩ wa, o̩lo̩pu o̩lo̩pu, odudu o̩na; tak abu i ade̩ de̩, o̩lo̩pu ki Jihofa mu adufu wa ikpunyi ikpunyi; tak ikpunyi ki Jihofa mu adufu wa akwo̩ra unyi akwo̩ra unyi, tak abo akwo̩ra unyi ki Jihofa mu adufu wa okʼoka.

Akwodufu 20:19

oñ ma ka ñwu Mose̩s kakini, Uwe̩ ko̩la ñw a oñ awa agbo̩; O̩jo̩ ki muda ko̩la ñw a n, tode̩gba kʼa ku.

Akwodufu 14:15

Taku Jihofa ka ñwu Mose̩s kakini, E̩wñ chi kʼe̩ raku do̩ mi-i? Ka ñw amo̩ma Israe̩l ku ma chʼe̩re̩ nyʼo̩gba.

Jo̩n 12:1

Todule̩ Jisus lewa Be̩tani o̩jo̩ me̩fa tak Elaloji wane̩, owñ chʼugbo ku Lazaro̩s e-ku Jisus dʼu kwane̩ kwef abo ki ku le̩ de̩.

Akwodufu 12:2

Ochu-i achʼagboji ochu du ñwu me̩; ochu ejodudu o̩do̩ du, i ache ñwu me̩.

Akwodufu 12:4

i la che̩wñ kʼakwo̩ra unyi le̩ nyaru e̩wño̩re̩ eginiʼka, e̩gbale̩ tak one̩ kpai ekeji-wñ kʼunyi-wñ ro̩ne amʼoka du alu kʼuwewe amone̩-ma de̩; alu kʼe̩ne̩ne̩ne̩ne̩ neke je̩ alu le̩ me̩ akaluka one̩-wñ todu e̩wño̩re̩ eginiʼka.

Akwodufu 12:21

Taku Mose̩s fʼabogijo Israe̩l du do̩ wa, oñ i ka ñwu ma kakini, Me̩ ki tu ame̩wño̩re̩ egini ku me̩ ko alu kʼabo akwo̩ra unyi akwo̩ra unyi-me̩ de̩, ku me̩ fʼElaloji kpa.

Izikie̩l 40:1

O̩do̩ ogu nyoke me̩lu ku ma mu wa lo, e̩gba uchane̩ o̩do̩ le̩, o̩jo̩ e̩ke̩gwa ochu, owñ chʼo̩do̩ e̩ke̩gwe̩le̩ ku ma kpʼewo le̩ fo̩, eñeñini o̩jo̩ le̩, o̩wo̩ Jihofa nʼumi oji, oñ i mʼumi du nyʼomo̩.