Akwodufu 1:11 - O̩TAKADA O̩LA O̩JO̩ 1970

¹¹ Taku ma chi amagboji ku ma ñwʼuko̩lo̩ o̩pe̩cha ñwu ma ku ma fʼuma dema; oñ ma fʼewo Pitam kpai Raamse̩s, ugbo ku Fero akʼane̩ jo̩, ko̩ ñw u.

Akwodufu 1:11 ပူးပေါင်းရင်းမြစ်များ

Abakwane̩ 15:13

Tak i ka ñw Ebram kakini, Uwe̩ ki ma ogbolo ka kʼugbe̩-we̩ achʼilowa ojane̩ ki ma che e-ma n, amugbe̩-we̩ le̩ achʼadu-ma, abo le̩ la afʼuma dema o̩do̩ ulo̩ko̩;

Akwodufu 3:7

Taku Jihofa kakini, Omi fʼo̩bata amone̩-mi ku ma jʼIjipti li me̩, u la gbo̩ ukwa-ma noji abo ku ma chi tu ma ofe; u chema iwo̩-ma,

Akwodufu 2:11

Oñ i lewatu e̩gba ku Mose̩s gbakpa, i dufu nyʼugbo amo̩maye-wñ, i la go uko̩lo̩ o̩pe̩cha-ma ku ma che; oñ i li e̩ne̩ Ijiptiʼka kʼi agwo e̩ne̩ Hibru, o̩maye-wñʼka.

Abakwane̩ 47:11

Taku Jose̩f hiʼata-wñ kpai amo̩maye-wñ gugu, i la bʼane̩ ñwu ma ku ma ne̩ ane̩ Ijipti, ugbo kʼane̩ nyo̩ tule, oj ane̩ Ramese̩s, alu ku Fero ñwa te̩.

Eli Eko̩ DʼO̩jo̩ 81:6

U mʼojika-wñ du bʼadu ene̩ te̩; o̩wo̩-wñ la kwotane̩ bʼagba te̩.

O̩lo̩da Eduwa Onukeji 26:6

Tak abo Ijipti chane̩ eche wa e̩bie̩ne̩, ma la fʼuwa dema, oñ ma dʼuko̩lo̩ adu ki gbiti nʼuwa oji.

Ekaluka 20:15

alu kʼamata-wa gwo̩ru nyi Ijipti, kʼa la jo̩ Ijipti gbane̩ gbane̩; oñ abo Ijipti chʼawa kpai amata-wa e̩bie̩ne̩;

Ita, Ita 27:4

E̩dofulu chʼo̩lachi, uwe̩do̩ la chʼuwobi omi; e̩ne̩ muda abʼelie̩na jo̩?

Eli Eko̩ DʼO̩jo̩ 105:13

ku ma tale ef abo uche̩ichi uche̩ichi, ma kwʼojane̩ oka tef amone̩ ojoji,

Eli Eko̩ DʼO̩jo̩ 68:13

e̩gba kʼame̩ dachi alumeji iga iga amala le̩— ame̩ dab ika ikede ku ma dʼajifa ru, ku ma la dʼo̩jamalia emimi rʼedudu-wñ.

2 Iko Iko E̩wn 8:4

Tak i fu Tadmo̩r ef aje̩tachi ko̩, kpʼewo ewo du ugbo ku ma akʼane̩ jo̩ Hemat.

1 Amonu 9:19

kpai ewo ojoko ojoko du ugbo ki So̩lo̩mo̩n ne̩ ki akʼuje̩wñ jo̩, kpʼewo ewo kʼi ne̩ todu o̩ko̩ ogu-wñ, kpʼewo ewo tod amanʼanya-wñ, kpʼe-ki So̩lo̩mo̩n tene kʼi ko̩ Je̩rusale̩m todu ki nʼuyo̩ ñw u, kpʼoji Le̩bano̩n, kpʼoj ane̩ ugbo kʼo̩da-wñ te̩ kade chaka.

Akwodufu 5:15

Tak amako̩takada abo Israe̩l le̩ lewa raku nyu Fero o̩la, ma kakini, E̩wñ chi kʼuwe̩ ache amadu-we̩-i abe̩i?

Akwodufu 1:14

oñ ma che kʼudeju-ma chʼelañu noji uko̩lo̩ adu eche, ma je̩ ñwu ma chʼuko̩lo̩ adu ef ike̩te̩ egwa kpai o̩tubeli ebo̩ kpai uko̩lo̩ oko ojoji ojoji du. Uko̩lo̩ adu du ku ma je̩ ñwu ma che chʼuko̩lo̩ o̩lachi.

Akwodufu 5:10

Oñ abo ku ma chi tʼamone̩ le̩ ofe kpai amako̩takada-ma ledufu, oñ ma ka ñw amone̩ le̩ kakini, Abu ku Fero ka de̩ kakini, Nakʼegbe ñwu me̩ ge̩ n.

2 Iko Iko E̩wn 16:4

Taku Be̩n-hedad netiru Esa onu, oñ i fʼamagboji abogu-wñ kpe̩ nyʼakʼogu bʼewo ewo Israe̩l; ma la fʼIjo̩n kpai Dan kpai Ebe̩l-meim gwoda, kpʼewo Naftali du ugbo kʼaka jo̩.

Eli Eko̩ DʼO̩jo̩ 129:1

Ma te̩tachʼumi o̩pe̩cha nana akwʼo̩jo̩ o̩ko̩lobia-mi gbogbo wa-i, Israe̩l ki ka ke—

Akwodufu 5:8

Aluka otubeli ku ma te̩tabo̩ akwoubi, me̩ ki bu ñwu ma abe̩le̩ waa, me̩ ki bʼu wane̩ kilikili n; todu o̩kpo̩ ma che le̩; todule̩ ma kwa kakini, Je̩ ñw a lo kʼa fʼiche̩bo̩ che ñw O̩jo̩-wa.

Eli Eko̩ DʼO̩jo̩ 129:2

Ma te̩tachʼumi o̩pe̩cha nana akwʼo̩jo̩ okolobia-mi gbogbo wa-i, ma muda du mi n.