Aizaya 8:19 - O̩TAKADA O̩LA O̩JO̩ 1970

¹⁹ Tak e̩gba ku ma aka ñw e̩ kakini, E̩ natene ugbo abo ku ma dʼaje̩nu kpai abo ku ma dʼe̩bo̩ ku ma ko̩la etikpo̩gu kpai abo ku ma ko̩la ñw o̩la-ma: i dukpe̩ kʼamone̩ atene ugbo o̩jo̩-ma n? Ma ñʼatʼabo ki ku ene tod abo ki deju?

Aizaya 8:19 ပူးပေါင်းရင်းမြစ်များ

1 Iko Iko E̩wñ 10:13

Abe̩le̩ So̩l leku tod e̩re̩ ubi ki ro̩ ñwu Jihofa, tod o̩la Jihofa kʼi ma de n; kpai ukpe̩ kʼi tene ohi o̩la ugbo abifa

Abo Lifai 20:6

Onugo e̩ne̩ du kʼi arida tugbo amake̩ma kpai amabifa, ku ma jo̩ko̩ rʼuma ubi, eju-mi akparʼe̩ne̩ le̩, oñ nakʼo̩ da bʼef amone̩-wñ te̩.

2 Iko Iko E̩wn 33:6

I ño̩ je̩ ñw amo̩ma-wñ lale gu ef una du ef o̩go̩ o̩ma Hino̩m le̩; i nago akpa, i nʼe̩wñ ifamu ache, i chʼe̩wñ obochi, i chʼe̩wñ kpʼamadaje̩nu kpʼamochu; i fʼe̩wñ ki bie̩ne̩ eju Jihofa che dabo̩ta, kʼi biʼi eju.

Eli Eko̩ DʼO̩jo̩ 106:28

Ma kʼo̩la-ma dama kpai Beal-peo̩r, oñ ma fʼe̩wñ ku ma kpa ñw abo ki ku je̩;

Abo Lifai 19:31

Me̩ ki rida tugbo abo ku ma dʼ iche̩kpa kpai ake̩ma n; me̩ ki tejane̩ ma ku ma fʼume̩ bie̩ n; omi, Jihofa, O̩jo̩-me̩, de̩.

Aizaya 29:4

Ma la ahi uwe̩ wane̩, ef ane̩pe̩te̩ oñ uwe̩ ade̩ ako̩la, uko̩la-we̩ la akwʼo̩gane̩ o̩gane̩ kwef ebutu; omuko̩la-we̩ la adab omuko̩la ibegu, ef ane̩ i akwo, uwe̩ adʼef ebutu aka ye̩ye̩.

Aizaya 19:3

une̩do̩ Ijipti la adafo alumeji-wñ; u ñʼakʼo̩la ku ma lo mi; taku ma atene ugbo ode ode, kpai ugbo amachifamu, kpai abo ku ma dʼiche̩kpa kpai amake̩ma.

1 Samiue̩l 28:8

Taku So̩l fe̩wñʼka fo̩ nyʼeju, oñ i mʼe̩wñ o̩la omune̩ ojoji ko nyi, oñ i le, aboke̩le̩ meji ño̩ lebʼo̩, oñ ma lewʼugbo onobule̩ le̩ odu: oñ i kakini, Bʼumi ifa, nagbo̩ko̩bʼe̩, kʼe̩ ke̩ma ñwu mi, kʼe̩ ño̩ dʼe̩ne̩ du kʼu naka ñw e̩ kwane̩ ñwu mi.

O̩lo̩da Eduwa Onukeji 18:11

abe̩k achifamu, abe̩k abo ku ma dʼiche̩kpa, abe̩k ake̩ma, abe̩k agomi,

Je̩re̩maya 10:10

Jihofa muda chʼO̩jo̩ ogbolo; owñ chʼO̩jo̩ ki deju, kʼi la chʼonu ogbegbele̩. Eju-wñ kpa ane̩ ile̩ aga, abo uche̩ichi neke bʼe̩do̩fulu-wñ jo̩ n.

2 Amonu 21:6

Oñ i je̩ ñw o̩ma-wñ lale gu ef una le̩ du, i agʼile̩ gʼegu, i la nʼe̩wñ ojoji kʼi nago tak i ako̩la, i che̩ne̩ uma kpai abo ku ma gʼomi kpai amachobochi ge̩; i fʼe̩wñ ki bie̩ne̩ eju Jihofa che nana nana, kʼi nyʼowñ uwe̩do̩.

2 Amonu 1:3

Ama onuche̩ Jihofa ka ñwu E̩laija e̩ne̩ Tishbi le̩ kakini, Kwane̩, kʼe̩ ledo amonuche̩ onu Samaria, kʼe̩ ka ñwu ma kakini, Ukpe̩ kʼO̩jo̩ du ma dʼIsrae̩l in, oñ ame̩ nyʼatene ugbo Bee̩l-zebub, o̩jo̩ E̩kro̩n le̩?

2 Amonu 23:24

Anubi le̩ ge̩, Josaya mʼabo ku ma gomi kpai abo ku ma ke̩ma kpai amude kpai ode kpai e̩wñ ihie̩ne̩ du ku ma li ane̩ Juda kpai Je̩rusale̩m ko rinyo̩, todu ki fʼuko̩-o̩la ku ma ko̩ nyʼef o̩takada ku Hilkaya atama le̩ li ef unyi Jihofa lonyane̩.

1 Samiue̩l 28:16

Taku Samiue̩l kakini, E̩wñ chi kʼe̩ tʼumi ene, abu ku Jihofa kwo bʼuwe̩ te̩, kʼi la mud e̩no̩la-we̩?

2 Pita 2:1

Amakache̩ olemi muda ño̩ wajo̩ ef abo le̩ dabalu kʼamakone̩ olemi ñʼajʼef ume̩ ge̩, abo le̩ akʼe̩wñ edane̩kpeju e-ulenyo̩ wa ye̩e̩ye̩, ma la anʼaire̩ Ondu Onu ki fʼuma la are̩, elenyo̩ piopio ma jʼakowaabʼo̩la-maojimale̩.

1 Samiue̩l 28:11

Tak onobule̩ le̩ kakini, E̩ne̩ nadʼu kwane̩ ñw e̩? Oñ i kakini, Du Samiue̩l kwane̩ wa.

1 Te̩s 1:9

Todu ama onugo dʼo̩la-wa ka e̩go̩ alu kʼegudu kʼa gudu wʼugbo me̩ de̩, kpai alu ku me̩ rida tʼugbo O̩jo̩ bʼode te̩ ku me̩ chʼadu ñw O̩jo̩ kʼi deju kpʼe-ogbolo;

E̩wñ kʼAme̩nukpuche̩ Che 16:16

Oñ i leatu abu kʼa alo tʼugbo ku ma chadua, imo̩to̩ onobule̩ʼka e-kʼi nʼafu Paito̩n, e-kʼuko̩lo̩ ifa ebo̩ ki ache chʼile ñw amodu-wñ nana, de kpʼawa.

Abakwane̩ 41:24

Tak acha e̩kwire̩ le̩ mʼacha mebie e-ki nyo̩ ko mi. Oñ u mudu ka ñw amachobochi, i muda nʼe̩ne̩ du kʼi neke kʼofe-wñ ñwu mi n.

Aizaya 26:14

Abo uku ma che, ma ñʼadeju n; abegu ma che, ma akwane̩ n; todule̩ oñ e̩ nyʼafejudo ma, e̩ la fʼuma kpabie̩ rinyo̩, uwe̩ la je̩ ñw urewa-ma chaka ki lenyo̩.

Aizaya 30:2

ma kʼe̩re̩ nyʼule̩ ku ma gwo̩ru nyʼIjipti, ma la tʼumi ene kʼu dʼibe-mi ñw ma n, kʼaku Fero ki gba ma nyi, kʼama ki chubiyo̩ olubo̩ Ijipti!

Aizaya 45:11

Abu ki Jihofa, E̩ne̩ Kiafo̩ e-Israe̩l le̩, kpai Acho̩na-wñ, ka de̩ kakini: Tʼumi ene o̩la e̩wñ ki awa ejo̩gba; ugbo o̩la amo̩ma-mi, kpai ugbo o̩la uko̩lo̩ kʼo̩wo̩-mi che, me̩ ñwa ñw mi.

Aizaya 47:12

Kwodago ef e̩wñ ifamu-we̩ kpʼe̩wñ inacha-we̩ ki wewe le̩, e-kʼuwe̩ te̩tachʼakanya uko̩lo̩-wñ kwʼo̩jo̩ imo̩to̩-we̩; ukani i anʼile ñw e̩, ukani e̩ fa nyi one̩ okpo.

Aizaya 47:13

Ojuju-we̩ kʼe̩ nyi wewe wewe le̩ fʼe̩ hia me̩; abo ku ma go e̩wñ ojale kpai abo ku ma gʼawo kpai abo ku ma gʼochu ki ne tito̩ ku ma kache̩ le̩, ki dago ajadu we̩ bʼe̩wñ kʼi awa abʼe̩ ma te̩ ke.

Je̩re̩maya 27:9

I la chʼe-ame̩, me̩ ki we enetirʼamakache̩-me̩ kpʼamabifa-me̩ kpʼamano̩na-me̩ kpʼabo ku ma gʼakpa ojale kpʼamochu-me̩ ku ma jʼaka ñwu me̩ kakini, Ame̩ are̩ onu Babilo̩n in.

Maika 5:12

U lañʼakʼe̩wñ amobochi da rinyo̩ bʼo̩wo̩-we̩ te̩, e̩ ñʼane̩ amagomi ge̩ n;

O̩lo̩da Eduwa Onukeji 18:10

Ama ki li e̩ne̩ʼka ef ume̩ kʼi aje̩ ñw o̩ma-wñ e̩ne̩ke̩le̩ abe̩k o̩ma-wñ onobule̩ kʼi le gu ef una du n, kpai e̩ne̩ kʼi abifa, abe̩k agegugile̩, abe̩k etikpo̩gu, abe̩k ochu,

1 Samiue̩l 28:7

Taku So̩l ka ñw abuko̩lo̩-wñ kakini, Me̩ natene onobule̩ kʼi ake̩ma ñwu mi, kʼu nanyʼugbo-wñ atene. Oñ abuko̩lo̩-wñ ka ñw u kakini, Go, onobule̩ kʼi ake̩ma dʼE̩ndo̩r.