Aizaya 8:18 - O̩TAKADA O̩LA O̩JO̩ 1970

¹⁸ Me̩ go, omi kpʼamo̩ma ki Jihofa ko ñw mi chʼujiwe kpai e̩wñ aye ki jo̩ Israe̩l kwʼugbo Jihofa ki nʼe̩wñ du kʼi gugu oj uwo Zayo̩n le̩.

Aizaya 8:18 ပူးပေါင်းရင်းမြစ်များ

Luku 2:34

taku Simeo̩n kadua ñwu ma, oñ i ka ñwu Me̩ri iye-wñ kakini, Go, ma mʼowñ-i dute̩ kʼamone̩ wewe ef abo Israe̩l ki ñwanane̩ ku ma ño̩ kwane̩; kʼi laño̩ chʼujiwe ku ma nʼalu kpʼo̩ bie̩;

Ze̩karaya 8:3

Abu ki Jihofa aka de̩ kakini, Omi mudabi wa Zayo̩n me̩, omi ñʼadodo alumeji Je̩rusale̩m, taku ma ado̩ Je̩rusale̩m ko̩ ewo ugbo kʼochochi de̩, ma la ado̩ uwo Jihofa ki nʼe̩wñ du ko̩ Uwo kiafo.

Eli Eko̩ DʼO̩jo̩ 71:7

Omi dabe̩ne̩ kʼe̩wñ uno̩ ñw amone̩ wewe; uwe̩ muda chʼokoubi-mi ki gbiti.

Ze̩karaya 3:8

Gbo̩ ta, uwe̩ Joshua agboji amatama-i, uwe̩ kpai ame̩numana-we̩ ku ma gugu o̩gba-we̩ le̩; todu ujiwe e̩wñ oñ abo-i che; todu go, omi adʼadu-mi E̩pa le̩ dufuwa.

Aizaya 53:10

I chaka dʼabe̩le̩ i ru Jihofa e̩do̩ kʼi fʼu gwenunu; i fʼu dahi te̩ ñw o̩ga o̩bata; e̩gba ku ma dʼonugo-wñ chʼe̩wñ iche̩bo̩ abi eje̩, i ali ugbe̩-wñ, i akpojolugbo, oñ e̩wñ ki ru Jihofa e̩do̩ ara ef o̩wo̩-wñ;

Eli Eko̩ DʼO̩jo̩ 22:30

Ugbe̩ʼka arʼo̩, e-le̩ ma acholi ñw Ondu nyʼo̩gba ki awa,

Eli Eko̩ DʼO̩jo̩ 9:11

Me̩ ki keli do̩ Jihofa ki dodo Zayo̩n! Dʼe̩wñ kʼi che kpogo ñw amone̩ du!

Abo Hibru 12:22

ame̩ muda dufu wa ugbo uwo Zayo̩n kpʼugbo ewo e-O̩jo̩ ki deju owñ che Je̩rusale̩m e-efojale, kpʼugbo amonuche̩ icham nyʼo̩gwo̩ko̩ wewe,

Aizaya 24:23

Tak eju ochu aku e̩bo̩no̩, oñ anyo̩ amu olu; todu Jihofa ki nʼe̩wñ du ajʼonu-wñ oj uwo Zayo̩n kpai efu Je̩rusale̩m ojima la ate̩ eju abogijo-wñ.

Aizaya 12:6

Fʼogu kpa, kwa taa, uwe̩ kʼe̩ dodo Zayo̩n le̩, todu E̩ne̩ Kiafo̩ e-Israe̩l tabale alumeji-we̩.

Aizaya 7:16

Todu o̩gba tak imo̩to̩ le̩ ma kʼi ko̩ e̩bie̩ne̩ kʼi mʼe̩nyo̩ du, ma ahi ane̩ kʼamonu-wñ meji kʼuwe̩ o̩la-i tinyo̩.

Aizaya 14:32

Abʼone̩ adohi ñw amonuche̩ abo uche̩ichi ta? Jihofa mu Zayo̩n du nyane̩ me̩, e̩no̩bata ef abo-wñ achubiyʼo̩.

1 Iko Iko E̩wñ 23:25

Todu Defid kakini, Jihofa, O̩jo̩ e-Israe̩l, mʼuñmi du ñw abo-wñ me̩; i la agugu Je̩rusale̩m ogbegbele̩;

Abo Hibru 10:33

o̩wo̩ʼka-wñ chʼabu ku ma mʼume̩ ko jo̩ ñw ina kpʼo̩bata ku me̩ chʼe̩wñ igo; o̩wo̩ ekeji-wñ owñ ño̩ chʼabu ku me̩ mud abo ku ma tuta kpʼabo ku ma che ma abe̩le̩.

Aizaya 7:3

Taku Jihofa ka ñw Aizaya kakini, Fa-i uwe̩ kpai She-ar-ja-shub, o̩ma-we̩, ki dufu nyʼojikpadala oko agwʼukpo le̩, kʼe̩ ledo Ehaz alu o̩cha omi kʼi acha kwʼabukpe omi ate̩ le̩ wa,

Izikie̩l 14:8

Nafʼeju-mi kparʼe̩ne̩ le̩, kʼu mʼowñ du chʼe̩wñ awuwu kʼi mud ujiwe kpai ita te̩, tak u nakʼo̩ da bʼalumeji abo-mi te̩. E̩gba le̩ ame̩ ama ka kʼomi Jihofa de̩.

Aizaya 8:3

oñ u te̩wʼugbo akache̩ onobule̩ le̩; i la fʼefu nyo̩, oñ i fʼo̩ma e̩ne̩ke̩le̩ bi. Taku Jihofa ka ñw mi kakini, E̩ dʼodu-wñ ko̩ Mahe̩r-shalal-hash-baz;

Abakwane̩ 33:5

Tak i chi eju-wñ nyate̩ oñ i fʼabobule̩ kpai amo̩ma-ma li, i kakini, Abo ugbo jʼugbo-we̩-i? I kakini, Amo̩ma kʼO̩jo̩ du li adu-we̩ ejumomi le̩ de̩.

O̩lo̩da Eduwa Onukeji 28:46

E̩wñ-i la adʼo̩la-we̩ kʼi chʼujiwe kpai e̩wñ uno̩, i lañʼadʼo̩la amugbe̩-we̩ ogbegbele̩ ge̩.

Aizaya 20:3

Taki Jihofa kakini, Alu kʼadu-mi Aizaya-i tʼale ago ofo kpai e̩re̩ ofo o̩do̩ me̩ta kʼi chʼujiwe kpai e̩wñ awuwu ugbo o̩la Iiipti kpai o̩la Itiopia le̩,

Je̩re̩maya 44:29

E̩wñ ki la achʼujiwe-wñ ñwu me̩ de̩, Jihofa ka-i, Omi abʼudu ñwu me̩ ugbo-i todu kʼame̩ ki ma ka kʼo̩la e̩wñ e̩bie̩ne̩ kʼu ka nyʼume̩ le̩ adago chuu.

Izikie̩l 4:3

Tak e̩ mʼebije ku ma gwu kpa taka du kʼe̩ dʼu dago chʼo̩do̩ ebije agbagba we̩ kpʼewo le̩. Tak e̩ mʼejuwe̩ koru. Ma la akpala nyʼu, uwe̩ ki kpala nyʼu. E-le̩ achʼujiwe ñw abo unyi Israe̩l.

Izikie̩l 12:6

Eju-ma uwe̩ ako nʼika-we̩, kʼe̩ la ko dufu e̩gba kʼane̩ achubi; uwe̩ ki kʼe̩wñ bʼeju-we̩ ma, kʼeju-we̩ ki we eli ane̩: todu omi mʼuwe̩ du chʼujiwe te̩ ñw abo unyi Israe̩l.

Eli Eko̩ DʼO̩jo̩ 9:12

Todu ibe e̩ne̩ ki agwili e̩bie̩ ki adafo te̩ ma; i agbenyo̩ uwa ame̩no̩bata n.

Luku 2:18

Tak abo du ku ma gbʼo̩ kwoyaye o̩la kʼamadidala ka ñwu ma le̩.