Aizaya 66:23 - O̩TAKADA O̩LA O̩JO̩ 1970

²³ Akwʼiko kʼochuʼka ne gbogbo wʼiko kʼochu omune̩ ne kpai akwʼo̩jo̩ uñmiʼka wʼo̩jo̩ uñmi omune̩, o̩re̩la du awa adojikane̩ o̩gba-mi, Jihofa aka-i.

Aizaya 66:23 ပူးပေါင်းရင်းမြစ်များ

Izikie̩l 46:1

Abu kʼOndu Jihofa aka de̩ kakini, O̩jo̩ uko̩lo̩ me̩fa alaku anuku kʼi kpejurʼo̩wo̩ olodudu abi n; ma muda abi o̩jo̩ uñmi, ma ñʼabi o̩jo̩ kʼochu ne etito̩.

Ze̩karaya 14:16

Oñ i awatu ka kʼe̩ne̩ du ki bo̩ ef abo uche̩ichi du ku ma wa kobo̩ Je̩rusale̩m anyʼo̩mo̩ o̩do̩ o̩do̩ ku ma dojikane̩ ñw Onu, Jihofa ki nʼe̩wñ du, ku ma laño̩ de uje̩wñ e-ebu emu le̩.

Izikie̩l 46:6

Oñ o̩jo̩ kʼochu ne etito̩ i la chʼo̩mʼo̩kokuno̩ kʼi ma nʼe̩nyo̩lo̩ n kpʼamo̩mala me̩fa kpʼokoloʼka, ma la anʼe̩nyo̩lo̩ n.

Eli Eko̩ DʼO̩jo̩ 86:9

Abo uche̩ichi du kʼuwe̩ che awa dojikane̩ o̩gba-we̩, O Ondu, ama la adojima ñw odu-we̩.

O̩la E̩bite 15:4

E̩ne̩ ma arailo n, Ondu, e̩ne̩ ma la adʼojima ñw odu-we̩ n? todabu kʼuwe̩ kate che̩fe̩; todabu kʼabo uche̩ichi du awa dojikane̩ o̩gba-we̩, todabu kʼo̩da o̩da o̩kpakpa-we̩ kwotejugede me̩.

Jo̩n 4:23

Ama adiko auwa awa, owñ la chʼifa-i, kʼabo ku ma dojikane̩ ogbolo adojikane̩ ñw Ata ef afu kpai ef ochochi; todu Ata do̩mo̩ afeju abo ki dʼabʼe-i ku ma dojikane̩ ñw u.

Malakai 1:11

Todu akwugbo kʼolu akwane̩ odudu gbogbo tʼugbo kʼi atunyʼane̩, odu-mi anana ef abo uche̩ichi; oñ ugbo tʼugbo du ma akʼe̩wñ ki akpo wa ñw odu-mi, kpai e̩wñ ele ki fe̩; todu odu-mi anana ef abo uche̩ichi, Jihofa ki nʼe̩wñ du ka-i.

Ze̩karaya 14:14

Juda la ade̩ Je̩rusale̩m ajogu. Oñ ma akʼe̩wñ anana abo uche̩ichi du ku ma donyʼuma le̩ wa jʼugboʼkate, tʼo̩jamalia, tʼajifa, tʼukpo, i ajʼo̩mo̩ be̩le̩ke̩te̩.

Eli Eko̩ DʼO̩jo̩ 65:2

O uwe̩ kʼe̩ gbʼadua le̩! O̩re̩la du awʼugbo we̩.

2 Amonu 4:23

Tak i kakini, E̩wñ chi kʼuwe̩ anyʼugbo-wñ eñini? Ochu ne etito̩ n, i la chʼo̩jo̩ uñmi de̩ n. Tak i kakini, I ra ke.

Aizaya 19:21

Taku Jihofa aje̩ ñw abo ijipti ki fʼowñ ma, oñ abo Ijipti la ama Jihofa o̩jo̩ kʼa ka-i; ochochi, ma anʼe̩wñ iche̩bo̩ kpai e̩wñ ele wa adojikane̩ ñw u, ma la adoji ñw Jihofa, taku ma ache.

Aizaya 19:23

O̩jo̩ kʼa ka-i ikpadala ate̩ akwʼ Ijipti nyi Asiria, oñ e̩ne̩ Asiria awʼIjipti, oñ e̩ne̩ Ijipti anyʼAsiria, tak abo ijipti kpai abo Asiria adojikane̩ ñw O̩jo̩ ugbokate.

Aizaya 27:13

Oñ i awatu iko le̩ kʼama afa o̩kakachi lile, tak abo ku ma jo̩ alenyo̩ oj ane̩ Asiria kpai abo ku ma ne bʼane̩-ma te̩ ku ma jo̩ ane̩ Ijipti awa ku ma dojikane̩ ñw Jihofa oj uwo kiafo̩ Je̩rusale̩m le̩.

Aizaya 49:7

Abu ki Jihofa, kʼi chʼAgba Israe̩l tane̩ kpai E̩ne̩-wñ Kiafo̩, aka ñw e̩ne̩ kʼabo ile̩ ache̩de̩te̩-wñ le̩, owñ chʼe̩ne̩ kʼabo ichi-i ahihie̩ne̩-wñ, kʼi laño̩ chʼadu abo̩da de̩ kakini, Amonu ali, ma la akwane̩; kpai amagboji taku ma adojikane̩; todu Jihofa ki achubi one̩, kʼi chʼE̩ne̩ Kiafo̩ e-Israe̩l kʼi chi we̩.

Izikie̩l 20:40

Todu oj uwo-mi kiafo̩, owñ chʼuwo ki gbo̩gba ane̩ Israe̩l, o̩mo̩ abunyi Israe̩l chaka, o̩gbo̩ ma du, are̩ mi oj ane̩ le̩, Ondu Jihofa ka-i; o̩mo̩ omi agba ma; o̩mo̩ u la atene e̩wñ ku me̩ ko nyʼate̩ le̩, kpʼejo̩ga e̩wñ ku me̩ tʼe̩re̩ kpʼe̩wñ-me̩ kiafo̩ chaka.

Izikie̩l 45:17

Oñ i adukpe̩ kʼidachi le̩ ki kʼe̩wñ iche̩bo̩ e̩gujo, kpʼe̩wñ ele, kpʼe̩wñ iche̩bo̩ omi wa, ef uje̩wñ uyo̩-ma, kpʼiko ochu etito̩, kpʼo̩jo̩ uñmi o̩jo̩ uñmi, kpʼe̩gba kʼiko du kʼo̩jo̩ uje̩wñ ku ma date̩ ñw abo unyi Israe̩l jo̩; owñ le̩ añwʼe̩wñ iche̩bo̩ adure kpʼe̩wñ ele kpʼe̩wñ iche̩bo̩ e̩gujo kpʼe̩wñ iche̩bo̩ ure̩do̩ che, kʼi che e̩wñ e̩boma tod abo unyi Israe̩l.

Eli Eko̩ DʼO̩jo̩ 22:28

Todu o̩da onu chʼe-Jihofa, owñ la nʼo̩da abo uche̩ichi.

Eli Eko̩ DʼO̩jo̩ 65:3

Udu e̩fe̩ tʼumi le̩. Uwe̩ akʼe̩wñ bʼada kʼa je̩ ma.

Aizaya 2:2

I awatu e̩gba o̩jo̩ otitala kʼe̩re̩ uwo unyi Jihofa alonyane̩ oj uwo uwo du, ma la ahiʼu nyʼate̩ tʼotete otete du le; oñ abo uche̩ichi uche̩ichi du atukpo̩o̩ awʼugbo-wñ,

Ze̩karaya 14:18

I la che̩wñ kʼakwo̩ra unyi Ijipti ma le n, ku ma ma wa n, i la ade̩ ñwu ma n; egwo ki Jihofa ane̩ gwo abo uche̩ichi uche̩ichi ku ma ma nyʼade uje̩wñ uyo̩ e-ebu emu n le̩ ade̩.

Ze̩karaya 14:19

E-le̩ chʼudu adure abo Ijipti kpai udu adure abo uche̩ichi du ku ma ma nyʼade uje̩wñ uyo̩ e-ebu emu le̩ n.