Aizaya 66:19 - O̩TAKADA O̩LA O̩JO̩ 1970

¹⁹ tak u nadʼujiwe dago efu-ma. Oñ nakʼabo-ma ku ma fʼo̩wo̩ tane̩ kpuche̩ rʼabo uche̩ichi, nyi Tarshish kpai Pul kpai Lud ku ma tʼo̩fa, kpai Tubal kpai Jafan, tʼugbo ala ala ki jʼo̩najiji, kʼama ma gbʼuwohi-mi n, ku ma ma la li ojima-mi n; tak abo le̩ adʼojima-mi ka dufu ef abo uche̩ichi.

Aizaya 66:19 ပူးပေါင်းရင်းမြစ်များ

Abakwane̩ 10:13

Mizraim la bi abo Lud, kpai abo Anam, kpai abo Lehab, kpai abo Naftuh,

Abakwane̩ 10:2

Amo̩ma e̩ne̩ke̩le̩ Jefe̩t che: Gome̩r, kpai Mago̩g, kpai Madai, kpai Jafan, kpai Tubal, kpai Me̩she̩k, kpai Tiras.

Abakwane̩ 10:22

Amo̩ma e̩ne̩ke̩le̩ She̩m che: Elam, kpai Ashur, kpai Arpaksad, kpai Lud, kpai Aram.

Abakwane̩ 10:4

Amo̩ma e̩ne̩ke̩le̩ Jafan la che: Elisha, kpai Tarshish, Kitim, kpai Dodanim.

Abakwane̩ 9:27

O̩jo̩ ki je̩ ñwu Jefe̩t ki nana, kʼi gugu ef unyabo She̩m; Kenan ki chʼadu-wñ.

1 Iko Iko E̩wñ 1:11

Mizraim la bi abo Lud kpai abo Anam kpai abo Le̩hab kpai abo Naftuh

1 Iko Iko E̩wñ 1:7

Amo̩ma Jafan che: E̩laisha kpai Tarshish kpai Kitim kpai Rodanim.

1 Iko Iko E̩wñ 16:24

Me̩ dʼojima-wñ ka dufu ef abo uche̩ichi uche̩ichi, kpʼuko̩lo̩ awuwu ef amone̩ du!

Eli Eko̩ DʼO̩jo̩ 72:10

Amonu Tarshish kpai amonu ala ala akʼe̩wñ ele wa, amonu Shiba kpai Seba akʼe̩wñ ire̩ wa!

Aizaya 11:12

I la adʼagaliga dago tod abo uche̩ichi uche̩ichi, oñ i akʼabo Israe̩l, ku ma ne ma tʼoko oko ale, jeju, tak i akʼabo Juda ku ma fiatuka kwʼago̩go̩ me̩le̩ ile̩-i wa jo̩.

Aizaya 18:3

Ame̩ ku me̩ dodo ile̩-i chaka, kpai ame̩ ku me̩ jo̩ ane̩-ile̩-i, e̩gba ku ma dʼagaliga dago oj uwo uwo, me̩ go! Oñ e̩gba ku ma fʼo̩kakachi fa, me̩ gbo̩!

Aizaya 18:7

Iko le̩ ma anʼe̩wñ ele wa ñw Jihofa ki nʼe̩wñ du kwʼugbo amone̩ ku ma gbo̩gba kʼaño̩la-ma de̩ bo̩lo̩ bo̩lo̩ le̩, owñ chʼamone̩ ki te̩tabailo kwʼuchane̩-ma ate̩to̩gba-wñ le̩, owñ chʼabo uche̩ichi ku ma fu ñwa fu ñwa ku ma fʼe̩wñ kpetili mʼane̩, owñ chʼe-kʼohimini ohimini fʼane̩-ma kpe̩ru, ma anʼe̩ wʼuña odu Jihofa ki nʼe̩wñ du, owñ chʼuwo Zayo̩n.

Aizaya 2:16

kpai abʼoji o̩ko̩ Tarshish ma chaka, kpai abʼoji e̩wñ uñeju du ma.

Aizaya 29:24

Abo ku ma la ef afu-ma ge̩, ama le̩ ñʼawʼugbo oji e̩wñ ema, oñ abo ku ma jʼakeñmini agba e̩wñ ku ma ko̩ ma.

Aizaya 42:12

Ama ki dʼojima ñw Jihofa, ku ma dʼuñwulo̩-wñ ka dufu ala ala.

Aizaya 42:4

Ejuduu achʼo n, e̩do̩-wñ akpabie̩ n gbogbo tak i mʼajo̩ o̩kpakpa eka du dago ane̩ ile̩; ala ala aneju uko̩-o̩la-wñ.

Aizaya 43:6

naka ñw o̩wo̩ o̩pata ate̩ kakini, Dʼu tinyo̩, naka ñw o̩wo̩ o̩pata o̩gane̩ kakini, E̩ ki dʼo̩ hi tʼubi n; kʼamo̩ma e̩ne̩ke̩le̩-mi kwʼo̩najiji wa kpai amo̩ma onobule̩-mi kwʼukpoji ane̩ ile̩ wa,

Aizaya 49:1

O ala, ala, me̩ netirʼumi, me̩ gbo̩, ame̩ amone̩ ki kwʼo̩najiji. Jihofa fʼumi do̩ kwef uwile̩, akwʼefu iye-mi oñ i rʼomu dʼodu-mi.

Aizaya 49:12

Go, abo-i akwʼo̩najiji wa, e̩ la go, abo-i akwo o̩wo̩ o̩pata ate̩ kpai o̩wo̩ olane̩, abo-i la akwo ane̩ Sainim wa.

Aizaya 49:22

Abu kʼOndu Jihofa ka de̩ kakini: Nadʼo̩wo̩ nyate̩ ako̩la ñw abo uche̩ichi, oñ nadʼagaliga-mi dago ñw amone̩ uche̩ uche̩; tak ama akʼamo̩ma-we̩ e̩ne̩ke̩le̩ mʼe̩do̩ wa, ma la akʼamo̩ma-we̩ onobule̩ nʼika-ma.

Aizaya 51:5

O̩kpakpa e-mi me̩ru awa, ujadu-mi ledufu me̩, o̩wo̩ e-mi la akajo̩ amone̩ du; ala, ala anede mi; ma la akibenʼo̩wo̩-mi.

Aizaya 52:10

Jihofa mʼo̩wo̩-wñ kiafo̩ du dufu eju abo uche̩ichi du; oñ ukpoji ukpoji ane̩-ile̩-i du ali ujadu e-O̩jo̩-wa.

Aizaya 52:15

abe̩le̩ i aje̩ ñw abo ucheichi wewe jagigili; amonu ahiʼalu-ma de todu-wñ; todu e̩wñ kʼone̩ ma ka ñw ma n, ma ali, e̩wñ ku ma ma gbo̩ n, ma amʼoji-wñ.

Aizaya 55:5

Go, uwe̩ adʼo̩ abo ichiʼka kʼe̩ ma ma ma n, oñ abo̩ ichiʼka ku ma ma mʼuwe̩ n ara wʼugbo we̩, todu Jihofa O̩jo̩-we̩, kpai E̩ne̩ Kiafo̩ e-Israe̩l, todu i mʼojima du ñw e̩ me̩.

Aizaya 60:9

Ala ala aneju-mi chuu, o̩ko̩ o̩ko̩ Tarshish atʼo̩gba, ku ma kʼamo̩ma-we̩ e-e̩ne̩ke̩le̩ kwʼo̩najiji wa, ajifa kpʼo̩jamalia-ma ajʼugbo ma, ku ma ko ma wa ñw odu Jihofa O̩jo̩-we̩, kpai todu E̩ne̩ Kiafo̩ e-Israe̩l, todu i fʼo̩ñwe̩ chenyʼe̩ me̩.

Aizaya 62:10

Lale, lale gu ef alaku du, me̩ ki ñwʼo̩na amone̩-i che; me̩ fʼu du, me̩ fʼojikpadala du, me̩ fʼokuta-wñ re rinyo̩, dʼagaliga dago ñw amone̩ amone̩.

Aizaya 65:1

Abo ku ma ma tʼe̩ne̩ du e̩ne̩ n atene mi me̩; abo ku ma ma feju mi n ali mi me̩. U ka ñw abo uche̩ichiʼka ku ma ma dʼodu-mi n kakini, Go mi, go mi!

Je̩re̩maya 46:9

O amanya, me̩ mute̩gu alo ke, O o̩kogu, me̩ lo̩fu! Amagbiti ki dufu alo: abo Itiopia kpai Put ku ma gwo̩nyʼikpako, kpʼabo Lud ku ma meju o̩fa eta.

Izikie̩l 27:10

Abo Pe̩rsia kpai Lud kpai Put jʼef abogu-we̩, abo-we̩ ku ma ajogu de̩; ma kʼo̩kpatabeli kpʼukata ogu lo̩ko̩li ef uwe̩; ama je̩ ñw alifia-we̩ kʼi ne̩reju.

Izikie̩l 27:13

Jafan kpai Jubal kpai Me̩she̩k, abo le̩ chʼamanyaja ugbo we̩; ma kʼonugo one̩ kpʼe̩wñ eku ebije ikpa kpailo̩ tod e̩wñ aja-we̩.

Izikie̩l 30:5

Itiopia kpai Put kpai Lud kpʼabo ojoji ojoji ku ma kpe̩gwa nyʼomune̩ le̩ kpai Kub kpʼamo̩ma ane̩ ku ma kpʼalo kpʼama le̩, awane̩ alu o̩kwo̩chageli manyʼuma.

Izikie̩l 32:26

O̩mo̩ Me̩she̩k kpai Tubal kpʼo̩wo̩ one̩-ma chaka jo̩; ojinoji-ma lʼuma daka jo̩; o̩chaka-ma chʼabo e̩pi odukulu kʼo̩kwo̩chageli kpa ma; todu ama je̩ ñw ailo-ma ki ba oj ane̩ abo ku ma deju.

Izikie̩l 39:1

I lachʼuwe̩, o̩ma one̩, kache̩ bi Go̩g ma, kʼe̩ ka kakini, Abu kʼOndu Jihofa aka de̩ kakini, Go, omi chʼe̩nagwunyʼuwe̩, O Go̩g, idachi Ro̩sh kpai Me̩she̩k kpai Tubal le̩;

Izikie̩l 39:6

Tak u nadʼuna kpuche̩ ru Mago̩g, kpʼabʼoji abo ku ma dodo to̩ko̩o̩ o̩lʼomi omi ma; tak ama ama ka kʼomi Jihofa de̩.

Danie̩l 11:18

Ubi le̩ tak i arʼeju-wñ da tʼo̩wo̩ ane̩ o̩lomi, oñ i agba ane̩ ane̩ o̩lomi le̩ wewe. Agbojiʼka muda afʼoli nʼina-wñ kʼi abu le̩; anoji e-le̩ i aje̩ ñw ina kʼi abu le̩ ki mudabi abʼo oji-wñ onugo ma.

Ze̩fanaya 2:11

Jihofa achʼe̩wñ ubailo ñw ma; todu owñ aje̩ ñw elu amo̩jo̩ ane̩ ile̩-i du ki muda, tak ala ala abo uche̩ichi du adojikane̩ ñw u, e̩ne̩ne̩ne̩ne̩-ma ache e̩gu-wñ.

Ze̩fanaya 3:10

Abo ku ma bi mi ebi owñ chʼo̩ma onobule̩ abo-mi ku ma kpatuka le̩, akʼe̩wñ ele-mi kwʼudaba aji aji Itiopia wa.

Malakai 1:11

Todu akwugbo kʼolu akwane̩ odudu gbogbo tʼugbo kʼi atunyʼane̩, odu-mi anana ef abo uche̩ichi; oñ ugbo tʼugbo du ma akʼe̩wñ ki akpo wa ñw odu-mi, kpai e̩wñ ele ki fe̩; todu odu-mi anana ef abo uche̩ichi, Jihofa ki nʼe̩wñ du ka-i.

Matiu 28:19

Todule̩ me̩ nyʼafʼabo uche̩ichi uche̩ichi du chʼamako̩che̩; me̩ nache ma baptism tef odu Ata kpai e-O̩ma kpai e-Afu Kiafo̩;

Mark 16:15

Tak i ka ñwu ma kakini, Me̩ lo tef ile̩ du, ku me̩ natakoya uche̩nyo̩ ñw e̩wñ du kʼO̩jo̩ nyi.

Luku 2:34

taku Simeo̩n kadua ñwu ma, oñ i ka ñwu Me̩ri iye-wñ kakini, Go, ma mʼowñ-i dute̩ kʼamone̩ wewe ef abo Israe̩l ki ñwanane̩ ku ma ño̩ kwane̩; kʼi laño̩ chʼujiwe ku ma nʼalu kpʼo̩ bie̩;

Abo Rom 15:21

ki la dʼalu ku ma ko̩tane̩ kakini, Abo ku ma ma dʼinabali owñ ñwu ma n, aliʼu, oñ abo ku ma ma gbo̩ n, amʼoji-wñ.

Abo E̩fe̩sus 3:8

Omi ki nya tʼabo kiafo̩ du le, oñ ma du ufe̩de̩nyo̩ kide̩ ñw u, kʼu fʼuche̩nyo̩ unana Kraist e-kʼo̩kpa-wñ ma je̩ ate̩ n le̩ je̩ rʼabo uche̩ichi;