Aizaya 65:25 - O̩TAKADA O̩LA O̩JO̩ 1970

²⁵ O̩gu kpʼo̩mala ajo̩ ajije̩, idu alʼegbe dab okuno; ebutu la achʼuje̩wñ amejo. Ma ñʼache e̩wñ du e̩bie̩ne̩ n, ma la akpʼe̩wñ bie̩ ugbo du uwo-mi kiafo̩ le̩ n, Jihofa ka-i.

Aizaya 65:25 ပူးပေါင်းရင်းမြစ်များ

Maika 4:3

Owñ la akajo̩ agbagba amone̩ ojoji ojoji wewe, i akpoji o̩la abo uche̩ichi uche̩ichi ki gbiti ku ma jʼo̩najiji; tak ama akʼo̩kwo̩chageii-ma gwʼuko̩che̩, ma la akʼo̩kwo̩-ma gwʼujegbe; abo uche̩ichiʼka ñʼakʼo̩kwo̩chageli akobʼabo uche̩ichi omune̩ n, ma ñʼako̩che̩ ogu e̩ja ge̩ n.

O̩la E̩bite 14:1

Me̩ la go, u li O̩mala le̩ kʼi dago oj uwo Zayo̩n, one̩ icham nyʼo̩gwo̩ko̩ ugbo o̩gbo̩ mebie nyoke me̩le̩ jʼugbo-wñ, ma fʼodu e-wñ kpʼe-Ata-wñ ko nyʼo̩gboji-ma.

Abo Rom 16:20

Oñ O̩jo̩ e-ure̩do̩ la akpi Setan fo̩ ef e̩re̩-me̩ ofeje̩i. Ufe̩de̩nyo̩ Ondu-wa Jisusi Kraisti ki dʼugbo me̩.

E̩wñ kʼAme̩nukpuche̩ Che 9:1

Oñ So̩l nʼiñmi ef o̩ko̩ kpai one̩ ekpa añmi rʼamako̩che̩ Ondu waa, ab i nyʼugbo agboji amatama

Ze̩karaya 8:3

Abu ki Jihofa aka de̩ kakini, Omi mudabi wa Zayo̩n me̩, omi ñʼadodo alumeji Je̩rusale̩m, taku ma ado̩ Je̩rusale̩m ko̩ ewo ugbo kʼochochi de̩, ma la ado̩ uwo Jihofa ki nʼe̩wñ du ko̩ Uwo kiafo.

Maika 7:17

ma afʼebutu na dab ejo, dab ame̩wñ kʼi afa ane̩pe̩te̩; ama akwef aku aku-ma dufu kpʼo̩la egagogodo, ma achokpo arida tʼugbo Jihofa, O̩jo̩-wa, ailo-we̩ la aba ma.

Izikie̩l 43:11

I la che̩wñ kʼanyo̩ e̩wñ du ku ma che le̩ fʼuma mu, mak e̩ je̩ ñwu ma ma alu kʼunyi le̩ de̩ eju, kpai alu kʼe̩wñ chʼe̩te̩ru jʼef uwñ, kpʼo̩na aledufu-wñ kpʼo̩na egudu nyʼejefu-wñ kpʼalu kʼi ade̩ eju chaka, kpʼe̩wñ uhio̩me̩-wñ chaka kpʼalu du ki ade̩ eju chaka kpʼuko̩-o̩la-wñ chaka, kʼe̩ fʼu ko̩ eju-ma; kʼama ki de o̩gbo̩-wñ du yiili chaka, kpʼe̩wñ uhio̩me̩-wñ chaka, ku ma che teju-wñ.

Aizaya 65:11

I muda chʼame̩ ku me̩ hiu Jihofa tinyo̩, kʼame̩ gbenyo̩ uwo-mi kiafo̩, ku me̩ la ñwʼitebulu che ñw Ejile, kʼame̩ la fʼomi pu nyʼomune̩ todu awo̩ ku ma do̩ ko̩ o̩jo̩ che;

Aizaya 35:9

Idu du adʼo̩mo̩ n, e̩la ki adʼo̩de̩ du atʼoji-wñ n; ma ali ma o̩mo̩ n, chai abo ku ma gba ma tane̩ muda alule̩ o̩mo̩.

Aizaya 2:4

Owñ la akajo̩ agbagba abo uche̩ichi uche̩ichi, i akpoji o̩la amone̩ ojoji ojoji wewe; tak ama akʼo̩kwo̩chageli-ma gwʼuko̩che̩, ma la akʼo̩kwo̩-ma gwʼujegbe; abo uche̩ichiʼka ñʼakʼo̩kwo̩chageli akobʼabo uche̩ichi omune̩ n, ma ñʼako̩che̩ ogu eja ge̩ n.

2 Pita 3:13

Awa muda jo̩ aneju efojale etito̩ kpai ane̩-ile̩ etito̩ e-kʼo̩kpakpa dodo ef uwñ teju alu kʼi ko̩la-wñ tane̩ le̩.

Job 5:23

Todu uwe̩ kpʼokuta oko ajʼalu, oñ ure̩do̩ adʼagbagba uwe̩ kpʼame̩wñ iñmi oko.

Aizaya 56:7

nakʼabo e-le̩ wʼugbo uwo-mi kiafo̩, oñ naje̩ ñw ma yo̩ ef unyi aduwa-mi; ma agbʼe̩wñ e̩gujo ku ma kowa kpai e̩wñ iche̩bo̩-ma tʼoji ubo̩ iche̩bo̩-mi; todu ma adʼodu unyi-mi ko̩ unyi aduwa todu amone̩ du.

Aizaya 66:20

Tak ama akʼamo̩maye-me̩ chaka nʼoj amanya kpai ef o̩kogu kpai ef iga kpai oj o̩ke̩ke̩te̩ kpai oj e̩wñ ojoji ojoji kwef abo uche̩ichi du wa Je̩rusale̩m, uwo-mi kiafo̩ le̩, ku ma chʼe̩wñ ele ekowa ñw Jihofa, alu kʼabo Israe̩l akʼe̩wñ ele eduwa-ma nyʼe̩wñ eku ki fe̩ wʼef unyi Jihofa, Jihofa ka-i.

Danie̩l 11:45

Tak i afa unyabo onu-wñ agbagba ohimini abadi kpʼuwo alifai kiafo̩ le̩; ida-wñ muda awa chuu, i la anʼe̩ne̩ ki ate̩ko owñ n.