Aizaya 65:22 - O̩TAKADA O̩LA O̩JO̩ 1970

²² Ama ako̩ kʼe̩ne̩ omune̩ awa dodo ef uwñ n; ama akʼe̩wñ gbe̩ kʼe̩ne̩ omune̩ awa je̩ n; todu alu kʼoli akpojolugbo, abe̩le̩ abo-mi akpojolugbo ge̩, oñ abo-mi kʼu chi anʼe̩wñ kʼo̩wo̩-ma che gbogbo tak e̩wñ le̩ gbo.

Aizaya 65:22 ပူးပေါင်းရင်းမြစ်များ

Eli Eko̩ DʼO̩jo̩ 91:16

Naje̩ ñw olugbo-wñ ki bo̩jo̩ alu kʼe̩do̩-wñ abo̩, oñ nadʼujadu-mi ñʼo̩.

Eli Eko̩ DʼO̩jo̩ 21:4

I bi iñmi ugbo-we̩; uwe̩ mʼu du ñw u, owñ chʼekpojolugbo ogbegbele̩ nyile̩wa.

Aizaya 65:15

Ame̩ la atʼodu-me̩ no̩ tane̩ ñw abo-mi kʼu chi kʼi chʼoli ina ñw ma, todu Ondu Jihofa adʼe̩ kpa; tak i adʼodu ojoji ñw amadu-wñ.

Aizaya 65:9

Omi la adʼugbe̩ʼka kwefu Jeko̩b dufu, kpai e̩ne̩ ki aje̩ uwo uwo-mi e̩wñ ogu kwefu Juda dufu; abo kʼomi chi ma aje̩ e-le̩ ogu, oñ amadu-mi adodo o̩mo̩.

Abakwane̩ 5:27

Abe̩le̩ o̩jo̩ Matusala chaka du la chʼo̩do̩ icham nyʼo̩gbo̩ me̩jo̩ nyoke me̩la; tak i leku.

Abakwane̩ 5:5

O̩jo̩ kʼAde̩m deju chaka du la chʼo̩do̩ icham nyʼo̩gbo̩ me̩fa nyoke me̩gwa; tak i leku.

Abo Lifai 26:16

abu kʼomi ache me̩ de̩: naje̩ ñw e̩do̩ ñwañwala ki nʼo̩da-me̩, kpai o̩ga ire̩ kpai afu ekpa kʼi aje̩ ñw eju gbe̩, kʼi lañʼafʼonugo one̩ gwegbo. Me̩ la ako e̩wñ-me̩ gbe̩ tinyo̩ ofo, todu ame̩nebi-me̩ akʼo je̩.

Aizaya 62:8

Jihofa fʼo̩wo̩ awo̩to̩ kpai o̩wo̩ ukpahiu-wñ go̩ kakini: U ñʼakʼe̩wñ e̩yo̩-we̩ ki chʼuje̩wñ ñw ame̩nebi-we̩ ge̩ n, amo̩ma ononojo añmo̩ omi achiwebe̩te̩ma-we̩ etito̩ kʼe̩ chʼakanya-wñ le̩ n;

Aizaya 62:9

chai abo ku ma ko wʼunyi aje̩, ku ma aje̩nyu ñw Jihofa, oñ abo ku ma fʼu yajo̩ añmʼo̩ ef ologbo uña-mi kiafo̩.

Aizaya 66:22

Todu alu kʼefojale efojale etito̩ kpai ane̩ ile̩ etito̩ kʼu nache jʼo̩gba-mi gbogbo alo, alu le̩ oñ ugbe̩-me̩ kpai odu-me̩ akpo̩kpe̩, Jihofa ka-i.