Aizaya 65:15 - O̩TAKADA O̩LA O̩JO̩ 1970

¹⁵ Ame̩ la atʼodu-me̩ no̩ tane̩ ñw abo-mi kʼu chi kʼi chʼoli ina ñw ma, todu Ondu Jihofa adʼe̩ kpa; tak i adʼodu ojoji ñw amadu-wñ.

Aizaya 65:15 ပူးပေါင်းရင်းမြစ်များ

Aizaya 62:2

Tak abo uche̩ichi uche̩ichi ali o̩kpakpa-we̩, amonu du la ali ojima-we̩; ma la adʼuwe̩ odu etito̩ e-kʼalu Jihofa aka.

Abo Rom 9:26

Oñ i ade̩ ka kʼugbo ku ma ka ñwu ma kakini, Ame̩ chʼabo e-mi n, o̩mo̩ pitii ma ado̩ ma ko̩ Amo̩ga o̩ma O̩jo̩ ki deju.

E̩wñ kʼAme̩nukpuche̩ Che 11:26

Tak abu kʼi fʼu li i mʼu duwa Antio̩k. Abe̩le̩ o̩do̩ odukulu ma bʼuma jeju ef ujeju abudo̩ Ondu, ma la ño̩ ko̩ o̩wo̩ amone̩ elile e̩wñ, Antio̩k oñ ma do̩ amako̩che̩ ko̩ abo Kraist o̩mama.

Ze̩karaya 8:13

Oñ i awatu alu kʼame̩ te̩te̩chʼoli ina ef abo uche̩ichi uche̩ichi, O abunyi Juda kpai abunyi Israe̩l, alu le̩ najadu me̩, oñ ame̩ amud e̩nyo̩ jo̩. Me̩ ki railo n, o̩wo̩-me̩ ki gbo.

Je̩re̩maya 29:22

Todu ma, oñ abo ku ma ño̩ kwo Juda nyi Babilo̩n le̩ chaka anʼina-i abu kakini, Jihofa ki dʼuwe̩ ehe kʼe̩ dʼalu ku Ze̩de̩kaya kpai Ehab de̩, owñ chʼabo kʼonu Babilo̩n fu ro̩ ef una,

Aizaya 65:22

Ama ako̩ kʼe̩ne̩ omune̩ awa dodo ef uwñ n; ama akʼe̩wñ gbe̩ kʼe̩ne̩ omune̩ awa je̩ n; todu alu kʼoli akpojolugbo, abe̩le̩ abo-mi akpojolugbo ge̩, oñ abo-mi kʼu chi anʼe̩wñ kʼo̩wo̩-ma che gbogbo tak e̩wñ le̩ gbo.

Aizaya 65:9

Omi la adʼugbe̩ʼka kwefu Jeko̩b dufu, kpai e̩ne̩ ki aje̩ uwo uwo-mi e̩wñ ogu kwefu Juda dufu; abo kʼomi chi ma aje̩ e-le̩ ogu, oñ amadu-mi adodo o̩mo̩.

1 Te̩s 2:16

Ma jʼagbʼo̩na nyʼuwa kʼa we o̩la ki ajadu abo uche̩ichi eka ñw uma; todu ku ma gbʼadure-ma nyʼu e̩gba du ki jo̩ kpa. Uwe̩do̩ le̩ muda lewa bʼuma ma tʼukpoji me̩.

Matiu 21:41

Ma ka ñw u kakini, Ame̩ne̩bie̩ne̩ le̩, i akpa ma rinyo̩ bie̩ne̩ bie̩ne̩, tak i adʼuche̩ achiwebe̩te̩ma le̩ nyʼamaluche̩ omune̩ o̩wo̩, abo le̩ akʼe̩ro-wñ ñw u iko iko-wñ.

Aizaya 66:15

Todu go, Jihofa alʼef una wa, o̩kogu-wñ la adab ofutu, kʼi afʼuke̩do̩fulu e̩do̩-wñ wo̩ru ma, kʼi la anʼo̩go̩ una fʼuka-wñ nu.

Aizaya 65:12

omi la adʼo̩jo̩ che me̩ ñw o̩kwo̩chageli, oñ o̩chaka-me̩ adʼoji lo̩ ñw uku; todabu kʼame̩ ma je̩ e̩gba kʼu dʼudo̩ n, e̩gba kʼu ko̩la, me̩ netirʼu n, me̩ muda che e̩wñ ki bie̩ne̩ eju-mi, e̩wñ ki ma nyo̩ mi eju n, e-le̩ me̩ du.

Ita, Ita 10:7

Urewa abo̩kpakpa chʼe̩nyo̩ O̩jo̩ʼka, odu ame̩ne̩bibi muda che̩ rinyo̩.

Matiu 22:7

Tak onu le̩ we̩do̩, oñ i fʼabogu-wñ kpe̩ nyʼakpʼamakpʼone̩ le̩ rinyo̩, i la fʼewo-ma gujo.

O̩la E̩bite 2:17

E̩ne̩ ki nʼeli ki nagbʼe̩wñ kʼAfu aka ñw ujeju ujeju abudo̩ Ondu-i. E̩ne̩ kʼi du, nadu mana ki maja le̩ ñw u, tak u nadʼokuta efufu ñw u, odu etito̩ kʼe̩ne̩ du ma ma n, chai e̩ne̩ kʼi gba le̩ la che̩ko̩ tʼo̩la okuta le̩.

Eli Eko̩ DʼO̩jo̩ 102:8

Ame̩nebi-mi nabʼumi ina gbogbo dʼo̩jo̩, abo ku ma we̩do̩rʼumi dʼodu-mi chʼoli ina.

Je̩re̩maya 24:9

U la ako ma jo̩ ku ma fʼume̩ ne tʼemi tʼano̩mo̩ nyʼojane̩ ojane̩ abo uche̩ichi uche̩ichi ile̩-i du kʼi bie̩ne̩ ñwu ma, ku ma mud oli ina kpai ita kpai aku kpai ama, ugbo du kʼu nane ma ru.

Je̩re̩maya 25:18

Owñ che Je̩rusale̩m, kpʼewo ewo Juda, kpʼamonu-wñ kpʼamagboji-wñ, kʼu ko ma chʼegbili e̩lanyi kpʼokuta, kpai e̩wñ ugoju, kpai e̩wñ chui kpai ama, alu ki de̩ eñini-i.

Je̩re̩maya 26:6

mak e̩gbale̩ nachʼunyi-i ki dabu Shailo, oñ nachʼewo-i ki chʼina ñw abo uche̩ichi du ane̩ ile̩-i.

Je̩re̩maya 29:18

Tak u nanʼo̩kwo̩chageli kpai o̩kpo̩ta kpai e̩wñ ibi rano ma, kʼu mʼuma ko jo̩ ku ma ko ma rikpolo tʼemi tʼano̩mo̩ tʼojane̩ ojane̩ ane̩-ile̩ du, ku ma mud e̩wñ ihie̩ne̩ kpai e̩wñ ugoju kpai e̩wñ chui, kpai oli ina ef abo uche̩ichi uche̩ichi du ugbo kʼu ne ma ru le̩.

Je̩re̩maya 42:18

Todu abu ki Jihofa ki nʼe̩wñ du, O̩jo̩ Israe̩l le̩, aka de̩ kakini, Alu kʼu kʼuwe̩do̩-mi kpʼe̩do̩fulu-mi danyʼoji abo ku ma dodo Je̩rusale̩m, abe̩le̩ e̩do̩fulu-mi adanyʼume̩ oji, e̩gba ku me̩ mugudu tʼoj ane̩ Ijipti. Ame̩ la achʼama, kpai awuwu kpai oli ina kpai ina; eju-me̩ la ñʼadʼuña-i ge̩ n.

Je̩re̩maya 44:12

Tak omi akʼabo e̩bo̩bo̩ Juda ku ma fʼeju-ma gwanyi enyʼIjipti ku ma ge̩ne̩ o̩mo̩, ma alie̩ rinyo̩ chaka, ma awane̩, oj ane̩ Ijipti. O̩kwo̩chageli kpʼukpo̩ta ako ma mi. Ama aku akwʼe-ki nya gbogbo wa e-ki nana tule, lʼalu o̩kwo̩chageli kpʼukpo̩ta. Ama la ache ama kpai awuwu kpai oli ina kpai ina.

Izikie̩l 14:8

Nafʼeju-mi kparʼe̩ne̩ le̩, kʼu mʼowñ du chʼe̩wñ awuwu kʼi mud ujiwe kpai ita te̩, tak u nakʼo̩ da bʼalumeji abo-mi te̩. E̩gba le̩ ame̩ ama ka kʼomi Jihofa de̩.