Aizaya 61:8 - O̩TAKADA O̩LA O̩JO̩ 1970

⁸ Todu ajo̩ o̩kpakpa eka nyʼomi, Jihofa eju, oji eji manyʼe̩wñ bibi eche chʼe̩wñ ulaka-mi, omi la adʼakoji ñw ma lʼo̩na ochochi, tak omi akpʼalo ogbegbele̩ kpʼama.

Aizaya 61:8 ပူးပေါင်းရင်းမြစ်များ

Abakwane̩ 17:7

Nadu alo-mi dago agbagba omi kpai uwe̩ kpai ugbe̩-we̩ ubi-we̩ ge̩ gbogbo tʼo̩gba o̩gba-ma du kʼi chʼalo e-ogbegbele̩, kʼu nachʼO̩jo̩ ñw e̩ kpai ugbe̩-we̩ ubi-we̩ ge̩.

2 Samiue̩l 23:5

Ochochi, unyi-mi dʼabe̩le̩ ugbo O̩jo̩ n? I muda kpʼilo ogbegbele̩ kpʼomi, e̩wñ du chʼe̩te̩ru jʼef uwñ, i la do̩mo̩ kpaka. Todu ujadu-mi chaka kpʼe̩wñ du ki rʼumi eju la de̩, dagba i ma je̩ ñw u pa n.

Eli Eko̩ DʼO̩jo̩ 105:10

oñ i fʼu Ionyane̩ ñw Jeko̩b ki mud uhio̩me̩, i che ñw Israe̩l kʼi mud alo e-ogbegbele̩,

Eli Eko̩ DʼO̩jo̩ 11:7

Todu Jihofa chʼe̩no̩kpakpa, e̩wñ o̩kpakpa chemʼe̩ e̩do̩; ame̩ne̩do̩ kpoko ali eju-wñ.

Eli Eko̩ DʼO̩jo̩ 32:8

Nakʼe̩ ibe oñ nakʼuwe̩ o̩na kʼuwe̩ ale oñ nanʼeju-mi ñʼuwe o̩na.

Eli Eko̩ DʼO̩jo̩ 33:5

I afe̩do̩ e̩wñ o̩kpakpa kpai ajo̩ o̩kpakpa eka; ane̩-ile̩ chekpʼe̩ko̩ ñw ufe̩de̩nyo̩ Jihofa.

Eli Eko̩ DʼO̩jo̩ 37:28

Todu Jihofa afe̩do̩ ajo̩ o̩kpakpa eka; i la ahi abo ku ma kpe̩do̩rʼowñ tinyo̩ n. Ma afejute̩ ma ogbegbele̩, ma muda akʼugbe̩ ame̩ne̩bibi da rinyo̩.

Eli Eko̩ DʼO̩jo̩ 45:7

uwe̩ te̩tafe̩do̩ e̩wñ o̩kpakpa, e̩ la chulaka e̩wñ bibi. Todule̩ O̩jo̩, O̩jo̩-we̩, mʼekpo uyo̩ du danyʼuwe̩ oji tʼameje̩go̩-we̩ le;

Eli Eko̩ DʼO̩jo̩ 50:5

kakini, Kʼabo ku ma kpe̩do̩rʼumi jeju wʼugbo mi, owñ chʼabo ku ma kpʼalo kpai omi lugbo e̩wñ e̩bie̩ ekpa!

Eli Eko̩ DʼO̩jo̩ 62:10

E̩ ki ke̩do̩no e̩wñ afuma eche n, e̩ ki dʼoji eji yʼo̩la n; iche̩wñ kʼe̩wñ anana ñw e̩, e̩ ki dʼe̩do̩-we̩ tʼo̩ n.

Eli Eko̩ DʼO̩jo̩ 99:4

Ukpahiu Onu kʼi afe̩do̩ oj ajo̩ ochochi eka, uwe̩ fʼu lonyane̩ ef o̩kpakpa; uwe̩ fʼajo̩ ochochi kpai o̩kpakpa che kpa efu Jeko̩b.

Ita, Ita 3:6

E̩ ki fʼowñ ma o̩na du kʼe̩ le, tak owñ adʼikpa ikpa-we̩ o̩kpoo-lo.

Ita, Ita 8:20

Nalule̩ o̩na ugbo kʼo̩kpakpa de̩, alumeji ikpa ikpa ajo̩ o̩kpakpa,

Aizaya 28:17

Oñ naje̩ kʼajo̩ o̩kpakpa ki chʼe̩re̩-wñ ku ma fa, o̩kpakpa eche chʼiku ku ma ne̩ ñwa udago o̩kpakpa-wñ; tak okuto̩mo̩jo̩cha agba okoubi e-olemi le̩ rinyo̩, oñ omi awobi bʼuña umaja le̩ ma.

Aizaya 30:18

Todule̩ oñ Jihofa do̩mo̩ anede me̩ todu kʼi li me̩ eju; todule̩ oñ i hi o̩la-wñ ne todu kʼi li me̩ ejumomi. Todu Jihofa chʼO̩jo̩ ki akʼajo̩ o̩kpakpa; abo du ku ma nede owñ gbede.

Aizaya 5:16

Ma muda fu Jihofa ki nʼe̩wñ du hi tʼatate̩ ef ajo̩ o̩kpakpa, ma la che kʼO̩jo̩ kiafo̩ le̩ afo̩ ef o̩kpakpa.

Aizaya 54:10

Todu dagba uwo uwo ki kwo kʼotete otete chʼo̩la-ma ofe, ufe̩de̩nyo̩-mi la akwo bʼe̩ te̩ n, alo ure̩do̩-mi la achʼofe n, Jihofa ki ali we̩ ejumomi ka-i.

Aizaya 55:3

Hi eti-we̩ wane̩, kʼe̩ wʼugbo mi; gbo̩ tak onugo-we̩ adeju; tak u nakpʼalo e-ogbegbele̩ kpʼame̩, owñ chʼejumomi Defid ki de̩ kpaka le̩.

Aizaya 56:1

Abu ki Jihofa aka de̩ kakini: Me̩ fʼajo̩ o̩kpakpa de ku me̩ la che e̩wñ o̩kpakpa; todu ujadu-mi me̩ru ewa me̩, i la bo̩ pe̩ ku ma adʼo̩kpakpa e-mi tejugede.

Aizaya 66:22

Todu alu kʼefojale efojale etito̩ kpai ane̩ ile̩ etito̩ kʼu nache jʼo̩gba-mi gbogbo alo, alu le̩ oñ ugbe̩-me̩ kpai odu-me̩ akpo̩kpe̩, Jihofa ka-i.

Je̩re̩maya 32:40

Tak omi akpʼalo ogbegbele̩ kpʼama, kʼomi ma ñʼana bʼuma ubi te̩ ef e̩nyo̩ eche ñwu ma n. Omi la adʼailo-mi tʼef e̩do̩-ma, kʼama ki we ekwo bʼumi te̩.

Je̩re̩maya 9:24

Ama e̩ne̩ ki aje̩nyu ñw e̩wñ, e̩wñ kʼi aje̩nyʼu de̩ kakini, Owñ chʼemoji e̩wñ, i la fʼumi ma, ka kʼomi che Jihofa kʼu nache e̩wñ lʼo̩na ufe̩de̩nyo̩, kpai alu kʼoji ajo̩ o̩kpakpa aka kpai o̩kpakpa ile̩-i: todu ef e̩wñ-i oñ uyo̩-mi de̩, Jihofa ka-i.

Izikie̩l 16:60

I chaka dʼabe̩le̩ omi adibekado alo kʼu kpe̩ kpʼuwe̩ o̩jo̩ igbe̩le̩-we̩, oñ nadʼalo̩ e-ogbegbele̩ lonyane̩ kpʼuwe̩.

Izikie̩l 34:25

Tak omi akpʼalo ure̩do̩ kpʼama, oñ naje̩ ñw ame̩wñ iñmi ki bie̩ne̩ ki takpa bʼane̩-i te̩; tak ama agugu jʼaje̩tachi to̩ko̩o̩, ma la adachi alolu efoko.

Malakai 1:13

Ame̩ ño̩ kakini, Go, ihianyi-wñ gbe̩! oñ me̩ to̩pianya ñw u, Jihofa ki nʼe̩wñ du ka-i; oñ me̩ kʼe̩wñ ku me̩ gba o̩lachi kpai e̩wñ ki achika kpai e̩wñ kʼi acho̩ga wa; abe̩le̩ oñ me̩ kʼe̩wñ ele wa. I dukpe̩ kʼu gba e-le̩ o̩wo̩-me̩? Jihofa ka-i.

Matiu 23:13

Ama atogwo, ame̩, amako̩takada kpai amaFarisi, ame̩nayechi! todabu ku me̩ fʼo̩na ojane̩ e-efojale re nyʼamone̩; todu ame̩ la gudu tʼo̩ n, me̩ la tʼo̩ no̩ ñw abo ku ma che ku ma gudu ku ma gudu n. [

2 Abo Te̩se̩lonaika 3:5

Oñ Ondu ki naña e̩do̩-me̩ o̩na tef ufe̩do̩ O̩jo̩ kpai tef e̩do̩ elichi e-Kraisti ogbolo.