Aizaya 61:6 - O̩TAKADA O̩LA O̩JO̩ 1970

⁶ ma muda ado̩ me̩ ko̩, Amatama e-Jihofa, ama anʼo̩la-me̩ aka kakini, Amache̩wñ ñw O̩jo̩-wa ma che; ame̩ aje̩ e̩wñ anana abo uche̩ichi uche̩ichi, ame̩ la akwo tef ojima e-ma.

Aizaya 61:6 ပူးပေါင်းရင်းမြစ်များ

Akwodufu 19:6

me̩ la achʼamatama ku me̩ chʼabo ojane̩ʼka kpai uche̩ichi amone̩ kiafo̩ ñwu mi. O̩la kʼuwe̩ aka ñw amo̩ma Israe̩l la de̩.

Aizaya 23:18

Oñ e̩wñ aja-wñ kpai uro̩me̩ o̩ko̩ eje̩-wñ kʼi agba amud e̩wñ kiafo̩ e-Jihofa; ma ako ne jo̩ n, ai ako maja n, todu ane̩ aja-wñ achʼutod abo ku ma gugu o̩gba Jihofa, kʼama ki je̩ kʼefu, kʼama ki ño̩ nʼukpo ki akwojolugbo.

Aizaya 54:3

Todu uwe̩ agbʼane̩ nyʼo̩wo̩ rʼo̩wo̩ awo̩to̩ kpai awohi, amugbe̩-we̩ la ane̩ abo uche̩ichi uche̩ichi, ma la ache kʼewo ewo ki chʼalache̩ te̩ ki nʼone̩ ef uwñ.

Aizaya 56:6

I che-abononojo ku ma kʼo̩la-ma manyu Jihofa, ku ma che e̩wñ ñw u, ku ma la fe̩do̩ odu Jihofa, ku ma ki chʼamadu-wñ, owñ chʼe̩ne̩ du ki ade o̩jo̩ uñmi ki we ekpʼo̩ bie̩, kʼi lañʼagwo̩nyʼalo-mi gaga—

Aizaya 66:12

Todu abu ki Jihofa ka de̩ kakini: Go, omi adʼure̩do̩ nadala te̩ ñw u dabe̩ne̩ kʼohimini, kpai ojima abo uche̩ichi uche̩ichi dabe̩ne̩ kʼaji ki awobi; ame̩ la añmo̩, ma ako me̩ nyʼiñele ane̩ me̩, ma la ako me̩ nʼe̩re̩ achiya.

Aizaya 66:21

Omi ñʼachi one̩ efu-ma ku ma chʼamatama kpai abo Lifai, Jihofa ka-i.

Je̩re̩maya 33:18

one̩ kʼi akʼe̩wñ iche̩bo̩ e̩gujo wa, kʼi la agu e̩wñ ele ku ma ko wa jo, kʼi la ñʼachʼiche̩bo̩ o̩gba-mi o̩ko̩ko̩lo̩ la aña amatama ku ma chʼabo Lifai n.

Izikie̩l 14:11

todu kʼabo unyi Israe̩l ki ño̩ la bʼumi te̩ ge̩ n; kʼama ki ño̩ nʼada du ku ma je̩ kpʼo̩la-ma bie̩ n, kʼama ki muda chʼabo-mi, kʼomi ki chʼO̩jo̩-ma, Ondu Jihofa ka-i.

Abo Rom 12:1

Todule̩ amo̩maye, nagbo̩ko̩bʼume̩, tod ejumomi-wa kʼO̩jo̩ li, ame̩ ki mʼaño̩la-me̩ kojo̩ ñw O̩jo̩ kʼi chʼe̩wñ iche̩bo̩ ki deju kʼi afo̩ kʼi nyʼo̩ eju, ucholo ku me̩ nʼibe ache de̩.

1 Abo Ko̩rint 3:5

Apo̩los chʼe̩ne̩? abe̩k e̩ne̩ che Po̩l? Amache e̩wñ ñw one̩ ku me̩ ke̩do̩no lefu ma ma che; kʼe̩ne̩ne̩ne̩ne̩-ma la de̩ alu kʼOndu du ñw u.

1 Abo Ko̩rint 4:1

A Abe̩le̩ one̩ ki lʼuwa ru dabe̩ne̩ kʼabimo̩to Kraisti kpai amadigede e̩wñ afili O̩jo̩.

2 Abo Ko̩rint 11:23

Amache̩wñ Kraisti ma che? e-mi tʼuma le (imu nahi oñ naka-i); ef akanya eche, e-mi chʼololo, ef unyi uga, e-mi chʼololo; ef egwo ku ma gwʼone̩, e-mi tabale; ef uku, e-mi chʼo̩gbe̩nugbe̩.

2 Abo Ko̩rint 6:4

a muda adʼo̩la-wa dago ef e̩wñ du alu kʼamache e̩wñ ñw one̩ e-O̩jo̩ de̩, ef e̩do̩ elichi nana, ef o̩bata, ef o̩pe̩cha, ef uwa kʼa li, ef egwo ku ma gwo wa,

O̩lo̩da Eduwa Onukeji 18:2

Ama la a ne̩ e̩wñ ogu du ku ma aje̩ ef amo̩maye-ma n; Jihofa chʼe̩wñ ogu e-ma, alu kʼi ko̩la tane̩ ñwu ma le̩.

1 Pita 2:5

Ama ño̩ jʼako me̩ ne unyi e-Afu dabe̩ne̩ kʼame̩ chʼokuta ki deju, ku me̩ chʼuche̩ amatama kiafo̩, kʼame̩ ki kʼe̩wñ iche̩bo̩ Afu e-ki nyo̩ O̩jo̩ eju kʼi gba lefu Jisus Kraisti wa.

1 Pita 2:9

Ame̩ muda chʼo̩lo̩pu kʼO̩jo̩ chi. Me̩ chʼuche̩ amatama kʼo̩wo̩ onu ne̩ me̩, abo uche̩ichi kiafo̩, amone̩ todu kʼo̩wo̩-wñ ki ne̩ me̩ ki nʼugbo ku me̩ akʼunyo̩-wñ dufu, owñ ki fʼume̩ do̩ kwef e̩chubi tef ugane̩-wñ ki chʼawuwu le̩.

O̩la E̩bite 1:6

kʼi laño̩ mʼuwa ko chʼuche̩ amonu, kʼa chʼamatama ñw O̩jo̩-wñ kʼi laño̩ chʼAta-wñ. Ami.

O̩la E̩bite 20:6

E̩ne̩ ki nʼukpe̩ ef udajikwane̩ e-ejodudu le̩ gbede, i afo̩, uku ekeji ñʼa nʼo̩da ugbo abo-i ge̩ n; ma muda achʼamatama e-O̩jo̩ kpʼe-Kraist, ma la abʼo̩ jʼonu o̩do̩ icham nyʼo̩gwo̩ko̩.

O̩la E̩bite 5:10

oñ e̩ ko ma chʼamonu kpʼamatama ñw O̩jo̩-wa; ma la ajʼonu ane̩ ile̩.