Aizaya 60:7 - O̩TAKADA O̩LA O̩JO̩ 1970

⁷ Ma akʼame̩wño̩re̩ Kedar egini wa jo̩ ñw e̩, amokolo Nebaio̩t la ache e̩wñ ñw e̩; nagba ma oj ubo̩ iche̩bo̩-mi, tak u nachʼo̩ñwe̩ nyʼunyi ojima-mi.

Aizaya 60:7 ပူးပေါင်းရင်းမြစ်များ

Aizaya 56:7

nakʼabo e-le̩ wʼugbo uwo-mi kiafo̩, oñ naje̩ ñw ma yo̩ ef unyi aduwa-mi; ma agbʼe̩wñ e̩gujo ku ma kowa kpai e̩wñ iche̩bo̩-ma tʼoji ubo̩ iche̩bo̩-mi; todu ma adʼodu unyi-mi ko̩ unyi aduwa todu amone̩ du.

Abakwane̩ 25:13

Odu amo̩ma e̩ne̩ke̩le̩ e-Ishmae̩l la de̩, owñ chʼodu-ma alu ku ma bi ma aro̩ne aro̩ne; odu o̩mo̩gba Ishmae̩l ko̩ Nebayo̩t; kpai Ke̩dar kpai Adbie̩l kpai Mibsam

Abo Rom 15:16

kʼomi ki chʼe̩nuko̩lo̩ Kraisti Jisus ñw abo uche̩ichi kʼu chuko̩lo̩ atama ef Uche̩nyo̩ O̩jo̩, kʼekowa ku ma kʼabo uche̩ichi wa ki mud e̩wñ ki nyo̩ O̩jo̩ eju e̩gba, abu ku ma mud e̩wñ kiafo̩ ef Afu Kiafo̩.

Job 42:8

Todule̩ fa-i, me̩ mʼamo̩kokuno̩ mebie kpʼokolo mebie ko, ku me̩ nyʼugbo adu-mi Job, ku me̩ kʼe-le̩ wa chʼiche̩bo̩ e̩gujo tod o̩la-me̩; tak adu-mi Job achadua todu me̩, todu omi agbʼe-wñ tode̩gba kʼu che me̩ alu kʼidada-me̩ de̩; todu ame̩ kʼo̩la-mi tʼo̩kpakpa, alu kʼadu-mi Job ka n.

Abo Rom 12:1

Todule̩ amo̩maye, nagbo̩ko̩bʼume̩, tod ejumomi-wa kʼO̩jo̩ li, ame̩ ki mʼaño̩la-me̩ kojo̩ ñw O̩jo̩ kʼi chʼe̩wñ iche̩bo̩ ki deju kʼi afo̩ kʼi nyʼo̩ eju, ucholo ku me̩ nʼibe ache de̩.

Aizaya 42:11

Aje̩tachi kpai ewo ewo-wñ ki nachʼomu-ma nyʼate̩, kpai adogbe adogbe ugbo ku Kedar dodo le̩; abo ku ma dodo Sela ki nakʼeli, ama ki jʼoj uwo uwo akpogu.

Abo Hibru 13:10

Awa chenʼubo̩ iche̩bo̩, e-kʼabo ku ma che e̩wñ ebu le̩ ma n o̩da ku ma je̩ kwef uwñ n.

Aizaya 60:13

Ojima Le̩banon awʼugbo-we̩, owñ chʼoli saiprus kpai plen kpai bo̩ks ki mud e̩wñ o̩ñwe̩ uña-mi kiafo̩; oñ nache kʼugbo kʼu nakʼe̩re̩-mi jo̩ ki nʼojima.

Eli Eko̩ DʼO̩jo̩ 120:5

Atogwo chʼe-mi, ukpe̩ kʼu ge̩ne̩ Me̩she̩k, kʼu la adodo ef unyabo Kedar!

Eli So̩lo̩mo̩n 1:5

U chʼedudu, u muda chʼuto̩ eju, dabe̩ne̩ kʼunyabo Kedar, dabe̩ne̩ kʼukpo ku So̩lo̩mo̩n ko ta jo̩, ame̩, amo̩ma onobule̩ Je̩rusale̩m.

Aizaya 19:19

O̩jo̩ kʼa ka-i ubo̩ iche̩bo̩ Jihofa adago alumeji ane̩ Ijipti, kpai e̩wñ ku ma gwanyidago waala ñw Jihofa alo̩me̩-wñ.

Aizaya 19:21

Taku Jihofa aje̩ ñw abo ijipti ki fʼowñ ma, oñ abo Ijipti la ama Jihofa o̩jo̩ kʼa ka-i; ochochi, ma anʼe̩wñ iche̩bo̩ kpai e̩wñ ele wa adojikane̩ ñw u, ma la adoji ñw Jihofa, taku ma ache.

Aizaya 21:16

Todu abu kʼOndu ka ñw mi de̩ kakini, Gbogbo tak o̩do̩ ki da, alu kʼo̩do̩ e̩ne̩ ki achʼuko̩lo̩ ku ma rʼo̩me̩ ñw u de̩, ojima Kedar chaka atakpa rʼane̩;

Izikie̩l 20:40

Todu oj uwo-mi kiafo̩, owñ chʼuwo ki gbo̩gba ane̩ Israe̩l, o̩mo̩ abunyi Israe̩l chaka, o̩gbo̩ ma du, are̩ mi oj ane̩ le̩, Ondu Jihofa ka-i; o̩mo̩ omi agba ma; o̩mo̩ u la atene e̩wñ ku me̩ ko nyʼate̩ le̩, kpʼejo̩ga e̩wñ ku me̩ tʼe̩re̩ kpʼe̩wñ-me̩ kiafo̩ chaka.

Izikie̩l 27:21

Arabia kpʼamidachi Kedar chaka, ama chʼamachinyama kʼe̩wñ mʼo̩wo̩-ma amo̩mala kpʼamokolo, kpʼamobuko̩ chʼe̩wñ kʼabo le̩ chʼamachinyama-we̩ ef uwñ.

Ze̩fanaya 3:10

Abo ku ma bi mi ebi owñ chʼo̩ma onobule̩ abo-mi ku ma kpatuka le̩, akʼe̩wñ ele-mi kwʼudaba aji aji Itiopia wa.

Ze̩karaya 2:8

Todu abu ki Jihofa ki nʼe̩wñ du ka de̩ kakini, Anubi ojima le̩ i fʼumi kpuche̩ rʼabo uche̩ichi uche̩ichi ki ko me̩ chʼe̩wñ kʼogu je̩ le̩; todu e̩ne̩ ki do̩wo̩kadʼuwe̩, do̩wo̩kadʼe̩yo̩ eju-wñ.

Maika 4:1

I awatu e̩gba o̩jo̩ otitala kʼe̩re̩ uwo unyi Jihofa alonyane̩ oj uwo uwo du, ma la ahiʼu nyʼate̩ tʼotete otete du le; oñ amone̩ ojoji ojoji atukpo̩o̩ wʼugbo-wñ.