Aizaya 60:6 - O̩TAKADA O̩LA O̩JO̩ 1970

⁶ O̩wo̩ aminyakulumi ake̩che̩ wa bʼe̩ ma, owñ chʼamo̩manyakulumi e-Midian kpai E̩fa; abo Shiba chaka awa. Ma akʼo̩jamalia kpai frankinse̩ns wa, ma la añwulo̩ Jihofa.

Aizaya 60:6 ပူးပေါင်းရင်းမြစ်များ

Matiu 2:11

Tak abu ku ma mugudu tef unyi ma fʼo̩ma kekele le̩ li kpai Me̩ri, iye-wñ, oñ ma lewa bʼane̩ ma adojikane̩ ñw u. Taku ma mʼe̩wñ akoko-ma tu, ma kʼo̩jamalia, kpai o̩bia frankinse̩ns kpai otulale mur chʼowñ ele.

Eli Eko̩ DʼO̩jo̩ 72:10

Amonu Tarshish kpai amonu ala ala akʼe̩wñ ele wa, amonu Shiba kpai Seba akʼe̩wñ ire̩ wa!

Eli Eko̩ DʼO̩jo̩ 72:15

Owñ la adeju, oñ ma akʼo̩jamalia e-Shiba wa ñw owñ! Ma la achaduwa ñw u o̩ko̩ko̩lo̩, ma akadua ñw u gbogbo dʼo̩jo̩!

Amakajo̩ 6:5

Todu ama kpai ame̩wñukpa-ma kpai unyabo-ma kpe̩re̩ wa; uwewe-ma ki wa dab amimiejo; tʼama, tʼaminyakulumi-ma nʼaluka n; ma la wʼoj ane̩ le̩ ku ma fʼu kpabie̩.

1 Pita 2:9

Ame̩ muda chʼo̩lo̩pu kʼO̩jo̩ chi. Me̩ chʼuche̩ amatama kʼo̩wo̩ onu ne̩ me̩, abo uche̩ichi kiafo̩, amone̩ todu kʼo̩wo̩-wñ ki ne̩ me̩ ki nʼugbo ku me̩ akʼunyo̩-wñ dufu, owñ ki fʼume̩ do̩ kwef e̩chubi tef ugane̩-wñ ki chʼawuwu le̩.

1 Pita 2:5

Ama ño̩ jʼako me̩ ne unyi e-Afu dabe̩ne̩ kʼame̩ chʼokuta ki deju, ku me̩ chʼuche̩ amatama kiafo̩, kʼame̩ ki kʼe̩wñ iche̩bo̩ Afu e-ki nyo̩ O̩jo̩ eju kʼi gba lefu Jisus Kraisti wa.

Abo Filipai 2:17

Dagba ma mʼumi du danyʼoji iche̩bo̩ kpai abune̩ e-e̩do̩-ekono e-me̩, nayo̩, u la abʼo̩chaka-me̩ yo̩:

Abakwane̩ 10:7

Amo̩ma e̩ne̩ke̩le̩ Kush la che; Seba, kpai Hafila, kpai Sabta, kpai Raama, kpai Sabte̩ka. Amo̩ma Raama la che: Shiba kpai Dedan.

Abo Rom 15:9

kʼabo uche̩ichi ki ño̩ dojima ñw O̩jo̩ tod ejumomi-wñ; alu ku ma ko̩tane̩ kakini, Lef e-le̩ oñ nagbalu ñw e̩ ef abo uche̩ichi, u ñʼakeli do̩ odu-we̩ ge̩.

Malakai 1:11

Todu akwugbo kʼolu akwane̩ odudu gbogbo tʼugbo kʼi atunyʼane̩, odu-mi anana ef abo uche̩ichi; oñ ugbo tʼugbo du ma akʼe̩wñ ki akpo wa ñw odu-mi, kpai e̩wñ ele ki fe̩; todu odu-mi anana ef abo uche̩ichi, Jihofa ki nʼe̩wñ du ka-i.

Aizaya 61:6

ma muda ado̩ me̩ ko̩, Amatama e-Jihofa, ama anʼo̩la-me̩ aka kakini, Amache̩wñ ñw O̩jo̩-wa ma che; ame̩ aje̩ e̩wñ anana abo uche̩ichi uche̩ichi, ame̩ la akwo tef ojima e-ma.

Aizaya 45:14

Abu ki Jihofa ka de̩ kakini: Akanya uko̩lo̩ kʼabo Ijipti che kpai e̩wñ aja abo Itiopia, kpai abo Sabean, abo ku ma chʼamakachi le̩, adaba wʼugbo we̩, oñ uwe̩ ane̩ ma, ama atʼuwe̩ ubi; igbaligba adʼo̩wo̩-ma kpai e̩re̩-ma oñ ma adaba wa, ma la afʼeju bʼane̩ ma ñw e̩, ma la agbo̩ko̩bʼe̩ kakini: Ochochi, O̩jo̩ dʼubi-we̩, i la nʼomune̩ du n, O̩jo̩ omune̩ du do̩mo̩ n.

Aizaya 42:10

Me̩ ki kʼeli etito̩ ñw Jihofa, kpai uñwulo̩-wñ kwʼukpoji ane̩ ile̩! Owñ chʼame̩ ku me̩ gwo̩ru nyʼef ohimini abadi ale, kpai e̩wñ du ki jʼef uwñ, ala ala kpai abo ku ma dodo o̩mo̩.

Aizaya 30:6

O̩la ame̩la abe̩re̩me̩le̩ o̩wo̩ o̩pata o̩gane̩ le̩ de̩. Ale gu ef ane̩ o̩pe̩cha kpʼuwa du, ugbo kʼole idu kpʼidu kpʼolijo kpʼejo una ki awu akwo wa, o̩mo̩ ma nʼe̩wñ anana-ma ojika amo̩ke̩ke̩te̩, oñ e̩wñ akoko-ma ma ane̩ oj oto aminyakulumi, nyʼugbo amone̩ ku ma ma la anʼile ñw ma n.

1 Amonu 10:2

Oñ i lewa Je̩rusale̩m, abo-wñ ku ma darʼo̩ ubi tabale, kpʼaminyakulumi ku ma nʼadu e̩wñ ido̩ro̩ kpʼo̩jamalia nana otemeje kpʼokuta akoko; tak e̩gba kʼi lewʼugbo So̩lo̩mo̩n, i fʼo̩la du ki dʼe̩do̩-wñ ka jane̩ ñw u.

2 Iko Iko E̩wn 9:1

Oñ e̩gba kʼonu Shiba, onobule̩, gbʼuwohi So̩lo̩mo̩n, i lewa Je̩rusale̩m kʼi nʼene ki gbiti ju So̩lo̩mo̩n ma. I nʼabo-wñ wewe wa, kpʼaminyakulumi ku ma nʼadu e̩wñ ido̩ro̩ kpʼo̩jamalia ololo ololo, kpʼokuta akoko. Tak i lewʼgbo So̩lo̩mo̩n oñ i bʼo̩ choluka e̩wñ du ki dʼe̩do̩-wñ.

2 Amonu 8:9

Abe̩le̩ Hazae̩l ledʼowñ, i la nʼe̩wñ ele o̩wo̩ alo, owñ chʼe̩wñ ki nyo̩ du ki de̩ Damaskus, oj adu inyakulumi o̩gbo̩ meji. Tak i lewa dago o̩gba-wñ, oñ i kakini, Be̩n-hedad, o̩ma-we̩ kʼi chʼonu Siria, kpe̩ mi wʼugbo we̩, i kakini, I akwane̩ o̩ga ki de̩?

Amakajo̩ 7:12

Oñ abo Midian kpai abo Amale̩k kpai abo o̩wo̩ olodudu le̩ chaka dachi jo̩ ef o̩go̩ le̩, uwewe-ma dab amimiejo; aminyakulumi-ma la nʼaluka n, uwewe-ma dabe̩ne̩ kʼe̩lanyi ki dʼeti ohimini.

Abakwane̩ 25:13

Odu amo̩ma e̩ne̩ke̩le̩ e-Ishmae̩l la de̩, owñ chʼodu-ma alu ku ma bi ma aro̩ne aro̩ne; odu o̩mo̩gba Ishmae̩l ko̩ Nebayo̩t; kpai Ke̩dar kpai Adbie̩l kpai Mibsam

Aizaya 60:9

Ala ala aneju-mi chuu, o̩ko̩ o̩ko̩ Tarshish atʼo̩gba, ku ma kʼamo̩ma-we̩ e-e̩ne̩ke̩le̩ kwʼo̩najiji wa, ajifa kpʼo̩jamalia-ma ajʼugbo ma, ku ma ko ma wa ñw odu Jihofa O̩jo̩-we̩, kpai todu E̩ne̩ Kiafo̩ e-Israe̩l, todu i fʼo̩ñwe̩ chenyʼe̩ me̩.

Je̩re̩maya 6:20

Frankinse̩ns ki akwo Shiba wʼugbo mi fa? kpʼe̩mo̩ ki kwʼane̩ o̩najiji wa, e̩wñ chʼoji-wñ? E̩wñ ku me̩ ko wa gujo, omi agba n, e̩wñ iche̩bo̩-me̩ la rʼumi e̩do̩ n.

Izikie̩l 27:22

Abo Shiba kpai abo Raama ku ma chʼamanyaja, abo le̩ chʼama-nyaja ugbo-we̩. Ama la nʼe̩wñ ido̩ro̩ ki tʼo̩gba manyʼokuta akoko du kpʼo̩jamalia wa kpailo̩ e̩wñ aja-we̩.

Ze̩fanaya 3:10

Abo ku ma bi mi ebi owñ chʼo̩ma onobule̩ abo-mi ku ma kpatuka le̩, akʼe̩wñ ele-mi kwʼudaba aji aji Itiopia wa.

Ze̩karaya 14:16

Oñ i awatu ka kʼe̩ne̩ du ki bo̩ ef abo uche̩ichi du ku ma wa kobo̩ Je̩rusale̩m anyʼo̩mo̩ o̩do̩ o̩do̩ ku ma dojikane̩ ñw Onu, Jihofa ki nʼe̩wñ du, ku ma laño̩ de uje̩wñ e-ebu emu le̩.

O̩lo̩da Eduwa Onukeji 32:43

Ame̩ abo uche̩ichi uche̩ichi, me̩ fʼo̩ga uyo̩ chi manyʼamone̩-wñ; todu i anʼache̩ e̩bie̩ amadu-wñ, oñ i anache̩ oji abo ku ma ko bʼo̩, oñ i ache e̩wñ e̩boma tod ane̩-wñ owñ chʼamone̩-wñ.

1 Iko Iko E̩wñ 1:33

Oñ amo̩ma Midian la che: Ifa kpai Ife̩r kpai Hino̩k kpai Abaida kpai E̩ldea. Abo-i chaka chʼamo̩ma Ke̩tura.

Eli Eko̩ DʼO̩jo̩ 67:4

O je̩ ñw e̩do̩ abo uche̩ichi ki bo̩ ku ma nakeli uyo̩, todu uwe̩ anʼochochi kpʼoji ajo̩ amone̩ du uwe̩ la anʼabo uche̩ichi le ile̩. Sila.