Aizaya 60:20 - O̩TAKADA O̩LA O̩JO̩ 1970

²⁰ Olu-we̩ ñʼatunyane̩ ge̩ n, ochu-we̩ ñʼawubi ge̩ n; todu Jihofa achʼugane̩ o̩gbegbele̩ ñw e̩, todu o̩jo̩ eku ede̩ ñʼade̩ ñw e̩ ge̩ n.

Aizaya 60:20 ပူးပေါင်းရင်းမြစ်များ

O̩la E̩bite 21:4

i la ali omi aku du bʼuma eju te̩; uku ñʼa do̩mo̩ ge̩ n; abe̩k edaido̩, abe̩k akuero̩, abe̩k iwo̩ ado̩mo̩ ge̩ n; e̩wñ ejodudu le̩ lale rinyo̩ me̩.

Eli Eko̩ DʼO̩jo̩ 84:11

Todu Jihofa O̩jo̩ chʼolu kpai ikpa-ko; Jihofa adʼufe̩de̩nyo̩ kpai ojima wa. I la nʼe̩wñ e̩nyo̩ du kʼi ado̩wo̩mo̩ ñw abo ku ma lule̩ tʼo̩kpakpa n.

Aizaya 35:10

Oñ abo ki Jihofa la ma tane̩ anʼeli eko̩ dabi wa Zayo̩n, uyo̩ e-ogbegbele̩ la adʼoji-ma; ma ane̩ e̩do̩ e̩bo̩ kpʼuyo̩. E̩do̩dudu kpʼifi efi ara.

Aizaya 25:8

I adʼuku mi pioo; oñ Ondu Jihofa ali omi aku bʼeju du te̩, i la akʼina ku ma bʼabo-wñ bʼile̩-i te̩; todu Jihofa ka me̩.

Malakai 4:2

Ama olu e-o̩kpakpa akwane̩ ñw ame̩ ku me̩ railo odu e-mi, o̩ga echekpa adʼ ika-wñ. Tak ame̩ adufu añwugu dab amo̩ma okuno̩ ku ma kwef unyi dufu.

Eli Eko̩ DʼO̩jo̩ 27:1

Jihofa chʼugane̩-mi kpai ujadu-mi; e̩ne̩ oñ omi arailo-wñ? Jihofa chʼaku iñmi-mi; e̩ne̩ abʼumi ailo?

Aizaya 30:19

Todu amone̩-i adodo Zayo̩n, Je̩rusale̩m; uwe̩ ñʼaraku ge̩ n; omu ukwa-we̩ kʼi agbo̩ i aliʼuwe̩ eju chuu; i gbo̩ i adohi ñw e̩.

Aizaya 65:19

Tak u nagwoguyo̩ efu Je̩rusale̩m, oñ nayo̩ ñw abo-mi; ma ñʼagbʼomu aku ero̩ kpai ukwa ekwa ef uwñ ge̩ n.

Aizaya 30:26

Anoji e-le̩ ge̩, ugane̩ ochu adab ugane̩ o̩lu. Oñ ugane̩ olu adab e-eñini onu mebie, dabe̩ne̩ kʼugane̩ o̩jo̩ mebie, owñ chʼo̩jo̩ ki Jihofa aji ugbo ki awo̩ abo-wñ, kʼi akpa agbe ugbo kʼi gwo ma le̩.

Emo̩s 8:9

Oñ i awatu iko kʼa ka-i, Ondu Jihofa aka-i, Omi aje̩ ñw olu ki tunyʼane̩ o̩ro̩ka, oñ naje̩ ñw ane̩ ki chubi e̩gba o̩ro̩ka gbaa.

O̩la E̩bite 21:23

Eku olu abe̩k ochu la aku ewo le̩ ki fu bʼo ma n: todu ojima O̩jo̩ chʼugane̩-wñ, agege-wñ la chʼO̩mala le̩.

Aizaya 24:23

Tak eju ochu aku e̩bo̩no̩, oñ anyo̩ amu olu; todu Jihofa ki nʼe̩wñ du ajʼonu-wñ oj uwo Zayo̩n kpai efu Je̩rusale̩m ojima la ate̩ eju abogijo-wñ.

Aizaya 51:11

Abe̩le̩ abo ki Jihofa la ma tane̩ adabiwa, ma la anʼeli eko̩ wa Zayo̩n; uyo̩ ogbegbele̩ abʼuma oji ma; ma anʼuyo̩ kpʼe̩do̩ e̩bo̩, oñ e̩do̩dudu kpʼifi efi ara pioo.

Aizaya 60:1

Kwane̩, mʼane̩ ne̩; todu ugane̩-we̩ lewa me̩, ojima Jihofa la muta bʼe̩ ma.

Aizaya 61:3

kʼu du te̩ ñw abo ku ma daido̩ Zayo̩n— ku ma kʼike̩be̩ ñw ma koji elulu, kpʼekpo uyo̩ koji eku eda, kpʼafe̩ uñwulo̩ koji e̩do̩ ki woji doli; kʼama ki do̩ ma ko̩ oli ok e-o̩kpakpa, e̩wñ ku Jihofa gbe̩ kʼi chʼalifia ñw u.

Je̩re̩maya 31:12

Ma la awa akeli taa oj otete Zayo̩n, eju-ma la ade̩ noj e̩nyo̩ Jihofa, noji e̩wñ e̩yo̩ kpʼomi achiwebe̩te̩ma kpʼekpo-wñ, kpʼamo̩ma ame̩wño̩re̩ egini kpʼamokuno̩; udeju-ma la adab uche̩ ku ma tʼomi fiʼo̩, ma ñʼache̩do̩dudu du ge̩ n.

Edinaku 5:21

Mʼuwa rida bʼuwe̩, O Jihofa, tak e-le̩ achʼerida wa! Fʼo̩jo̩ñwa o̩jo̩ñwa-wa rida etito̩ kʼi dab iko igbele!

Ze̩karaya 14:7

I muda ache o̩jo̩ʼka ki Jihofa chema o̩jo̩-wñ i la chʼo̩ro̩ka n, i la chʼodu n; i muda awatu, e̩gba olane̩ ugane̩ ade̩.