Aizaya 60:1 - O̩TAKADA O̩LA O̩JO̩ 1970

¹ Kwane̩, mʼane̩ ne̩; todu ugane̩-we̩ lewa me̩, ojima Jihofa la muta bʼe̩ ma.

Aizaya 60:1 ပူးပေါင်းရင်းမြစ်များ

Abo E̩fe̩sus 5:14

Lef e-le̩ i kakini, Kwane̩, uwe̩ kʼuwe̩ alolu le̩, kʼe̩ kwane̩ kwef abo ki ku, taku Kraist ata dufu bʼe̩ ma.

Abo E̩fe̩sus 5:8

Todu ame̩ chʼe̩chubi e̩gba le̩, ame̩ muda chʼugane̩ ef Ondu fai me̩: me̩ natale dab amo̩ma ugane̩

Jo̩n 8:12

Todule̩ Jisus ño̩ dabi ko̩la ñwu ma kakini, Omi chʼugane̩ ile̩; e̩ne̩ ki atʼumi ubi alule̩ ef e̩chubi n, i muda ane̩ ugane̩ e-iñmi.

Aizaya 58:8

E̩gba le̩ tak ugane̩-we̩ ata dufu dab o̩jo̩ ki añwa, oñ o̩ga o̩la-we̩ eche kpa ahika ro̩ bʼe̩ ma; tak o̩kpakpa-we̩ atʼuwe̩ o̩gba, ojima Jihofa chʼide ubi-me̩.

Jo̩n 12:46

Omi kʼu chʼugane̩, u lewa ef ile̩ me̩, todu kʼe̩ne̩ du ki ake̩do̩nʼomi ki we egugu ef e̩chubi.

Matiu 5:16

Abe̩le̩ ugane̩-me̩ ki namʼane̩ ne̩ o̩gba amone̩, todu ku ma ki li uko̩lo̩-me̩ o̩me̩me̩le̩, ku ma la dʼojima ñw Ata-me̩ kʼi dʼefojale.

Malakai 4:2

Ama olu e-o̩kpakpa akwane̩ ñw ame̩ ku me̩ railo odu e-mi, o̩ga echekpa adʼ ika-wñ. Tak ame̩ adufu añwugu dab amo̩ma okuno̩ ku ma kwef unyi dufu.

Jo̩n 1:9

Ugane̩ e-ogbolo chʼe-ki agane̩ ñw e̩ne̩ du abu kʼi awʼile̩.

O̩la E̩bite 22:5

O̩jo̩ ñʼadu ge̩ n; eku ugane̩ e-agege kpʼugane̩ e-olu aku ma ge̩ n; tod Ondu O̩jo̩ achʼugane̩-ma. Ma la ajʼonu ogbegbele̩ nyile̩wa.

1 Pita 4:14

Iche̩wñ ku ma bʼume̩ ina ef odu Kraisti, me̩ gbede; todabu kʼAfu ojima kpai e-O̩jo̩ tane̩ me̩ añmi me̩.

Abo Filipai 2:15

todu ku me̩ ki we enʼuchalu, kʼe̩wñ ejaduña ki we egwe̩gwa nyʼume̩, ku me̩ chʼamo̩ma e-O̩jo̩ ku ma ma nʼe̩kpabie̩ o̩la n jʼalumeji o̩gba amone̩ ki mugo ki murida tʼiba-i, ef abo e-le̩ ame̩ kwotejugede dabe̩ne̩ kʼe̩wñ ugane̩ ef ile̩-i,

O̩la E̩bite 21:23

Eku olu abe̩k ochu la aku ewo le̩ ki fu bʼo ma n: todu ojima O̩jo̩ chʼugane̩-wñ, agege-wñ la chʼO̩mala le̩.

Matiu 4:16

amone̩ du ku ma te̩te̩ gugu ef e̩chubi le̩ fʼugane̩ lile li me̩; ugane̩ la mutadufu ñw abo ku ma te̩te̩gugu oj ane̩ uku kpʼef e̩bo-wñ.

Aizaya 9:2

Amone̩ ku ma te̩talule̩ ef e̩chubi le̩ fʼugane̩ lile li me̩; abo ku ma dodo ane̩ ojiji uku, ugane̩ muta bʼuma ma me̩.

Jo̩n 3:19

Ajo̩ le̩ de̩ kakini, Ugane̩ le̩ lewʼef ile̩ me̩, amone̩ la fe̩do̩ e̩chubi tʼugane̩ le̩ le; todu e̩wñ ku ma agwo̩nyu ache chʼuko̩lo̩ bibi.

Luku 2:32

owñ chʼugane̩ ki abi e̩wñ te̩ ñw abo uche̩ichi, owñ ño̩ chʼojima abo Israe̩l amone̩-we̩.

O̩la E̩bite 21:11

i nʼojima e-O̩jo̩: ugane̩-wñ la dab okuta akoko o̩me̩me̩le̩, i dab okuta jaspe̩r ki de̩ yaala dabu kristal:

Eli Eko̩ DʼO̩jo̩ 87:3

O ewo O̩jo̩, ma nʼe̩wñ akoko aka ugbo̩-we̩. Sila.

Eli Eko̩ DʼO̩jo̩ 102:16

Todu Jihofa ane̩ Zayo̩n, i atejugede ef ojima-wñ;

Aizaya 2:5

O abunyi Jeko̩b, me̩ lewa, kʼa lule̩ ef ugane̩ Jihofa.

Aizaya 4:5

taku Jihofa anyi akpa kpʼoduduna o̩ro̩ka, kpʼuna ki ajo gaa odu, kʼi bʼoji uña ugugu kpʼujeju ujeju oj uwo Zayo̩n du ma; todu kʼi chʼe̩wñ ubʼojima-wñ du ma ate̩.

Aizaya 24:23

Tak eju ochu aku e̩bo̩no̩, oñ anyo̩ amu olu; todu Jihofa ki nʼe̩wñ du ajʼonu-wñ oj uwo Zayo̩n kpai efu Je̩rusale̩m ojima la ate̩ eju abogijo-wñ.

Aizaya 28:5

Iko le̩ Jihofa ki nʼe̩wñ du amud ike̩be̩ ki achʼuto̩ eju, kpai uloko alifia ugbo e̩bo̩bo̩ amone̩-wñ;

Aizaya 35:2

I adikoko ololo, i agwoguyo̩, uyo̩ kpʼeli eko̩ adʼefu-wñ. Ma adʼojima Le̩bano̩n ñw u, owñ chʼe̩wñ Karme̩i kpai Sharo̩n e̩te̩le̩. Abo le̩ ali ojima Jihofa, owñ chʼe̩gahi O̩jo̩-wa.

Aizaya 42:6

Omi Jihofa, fʼe̩ do̩ ef o̩kpakpa, nagwo̩nyʼuwe̩ o̩wo̩, nadejutʼe̩; oñ nadʼuwe̩ chʼalo amone̩, kʼe̩ chʼugane̩ abo uche̩ichi,

Aizaya 66:11

kʼame̩ ki ñmo̩ e̩nya e̩do̩ enyi-wñ, kʼefu-me̩ ki ko̩; kʼame̩ ki piri ojima-wñ ki chʼololo dufu añmo̩ ku me̩ jʼura-wñ.

Aizaya 62:1

Todu Zayo̩n oñ omi ma achechi n, todu Je̩rusale̩m omi ñʼañmi n, gbogbo tak o̩kpakpa-wñ da dufu ñañaña, kpai ujadu-wñ dab e̩mu kʼuna dʼo.

Aizaya 62:2

Tak abo uche̩ichi uche̩ichi ali o̩kpakpa-we̩, amonu du la ali ojima-we̩; ma la adʼuwe̩ odu etito̩ e-kʼalu Jihofa aka.

Izikie̩l 43:4

Oñ ojima Jihofa wʼef unyi le̩ lʼo̩na alaku ki kpejurʼo̩wo̩ olodudu.