Aizaya 59:19 - O̩TAKADA O̩LA O̩JO̩ 1970

¹⁹ Abe̩le̩ tak ama arailo odu Jihofa akwʼo̩wo̩ olane̩, kpʼojima-wñ akwʼo̩wo̩ olodudu; e̩gba kʼe̩nebi le̩ ake̩che̩ wa dab uwobi omi, afu Jihofa adʼagaliga dago akpʼo̩na nyʼu.

Aizaya 59:19 ပူးပေါင်းရင်းမြစ်များ

Danie̩l 7:27

Taku ma akʼojane̩ le̩ kpʼo̩da-wñ kpʼunana ojane̩ ojane̩ du o̩gane̩ efojale-i chaka ñw amone̩ e-abo kiafo̩ e-O̩machala; ojane̩ e-wñ chʼojane̩ e-ogbegbele̩, oñ abʼo̩da du arʼo̩, ma la agbʼo̩la-wñ gbo̩.

Eli Eko̩ DʼO̩jo̩ 113:3

Akwʼugbo kʼolu atadufu gbogbo tʼugbo kʼi atunyane̩ ma ki je̩nyu ñw odu Jihofa!

Ze̩karaya 4:6

Tak i dohi ka ñwu mi kakini, O̩la Jihofa ki awʼugbo Zerubabe̩l le̩ de̩, kakini, I lʼugbo ugbiti n, i la lʼugbo ukpahiu n, chai lʼugbo Afu-mi, Jihofa ki nʼe̩wñ du ka-i.

Eli Eko̩ DʼO̩jo̩ 22:27

Ukpoji ukpoji ane̩ ile̩ du arewa oñ ma arida tʼugbo Jihofa; abo akwo̩ra unyi akwo̩ra unyi abo uche̩ichi chaka adojikane̩ o̩gba-we̩.

Malakai 1:11

Todu akwugbo kʼolu akwane̩ odudu gbogbo tʼugbo kʼi atunyʼane̩, odu-mi anana ef abo uche̩ichi; oñ ugbo tʼugbo du ma akʼe̩wñ ki akpo wa ñw odu-mi, kpai e̩wñ ele ki fe̩; todu odu-mi anana ef abo uche̩ichi, Jihofa ki nʼe̩wñ du ka-i.

O̩la E̩bite 12:10

Tak u gbʼomuko̩la lile efojale kʼi akakini, Fa-i ujadu le̩ kpʼukpahiu kpʼo̩da ojane̩ O̩jo̩-wa kpʼo̩da e-Kraisti-wñ lewate̩ me̩: todabu ku ma mʼe̩ne̩ ki agwajo̩ nʼamo̩maye-wa du ro̩ tane̩, owñ chʼe̩ne̩ ki agwajo̩ nʼuma o̩gba O̩jo̩-wa o̩ro̩ka kpʼodu.

O̩la E̩bite 11:15

Tak onuche̩ e̩kebie le̩ fʼo̩kakachi-wñ; oñ i mud omuko̩la lile efojale, kakini, O̩da ojane̩ ile̩ mud e-Ondu-wa kpʼe-Kraisti-wñ me̩; i la ajʼonu-wñ ogbegbele̩ nyile̩wa.

2 Abo Te̩se̩lonaika 2:8

Tak e̩gba le̩ ma abi e̩nugbite̩re̩ le̩ te̩, e-kʼOndu Jisus anʼafu alu-wñ lie̩ mane̩, kʼi ñʼanʼetejugede ewa-wñ fʼu gbogili te̩;

Aizaya 49:12

Go, abo-i akwʼo̩najiji wa, e̩ la go, abo-i akwo o̩wo̩ o̩pata ate̩ kpai o̩wo̩ olane̩, abo-i la akwo ane̩ Sainim wa.

Aizaya 30:28

afu ki akwef iñmo̩-wñ dab aji ki awobi kʼi ako̩ gbogbo kad o̩fa; kʼi nʼutomu akpe̩wñbie̩ ta abo uche̩ichi uche̩ichi, kʼi la akʼajamu ki aje̩ ñw one̩ la nyʼamone̩ ojoji ojoji alu.

Matiu 8:11

U la aka ñwu me̩ kakini, Amone̩ wewe akwʼo̩wo̩ olodudu kpʼo̩we̩ olane̩ wa achʼeku kʼane̩ manyʼEbraham kpʼAise̩k kpai Jeko̩b ojane̩ e-efojale,

Eli Eko̩ DʼO̩jo̩ 61:5

Todu uwe̩, O O̩jo̩, e̩ gbo̩ oji kʼu da, uwe̩ mʼe̩wñ ogu abo ku ma railo odu-we̩ ko̩ ñw mi me̩.

Aizaya 30:27

Go, odu Jihofa akwʼo̩najiji wa, i ajo noji uwe̩do̩-wñ, odudu-wñ la akwane̩ tuu; uko-wñ che̩ko̩ ñw e̩do̩ e̩kpa, ukpalu-wñ la dab una ki alie̩ e̩wñ;

Aizaya 66:12

Todu abu ki Jihofa ka de̩ kakini: Go, omi adʼure̩do̩ nadala te̩ ñw u dabe̩ne̩ kʼohimini, kpai ojima abo uche̩ichi uche̩ichi dabe̩ne̩ kʼaji ki awobi; ame̩ la añmo̩, ma ako me̩ nyʼiñele ane̩ me̩, ma la ako me̩ nʼe̩re̩ achiya.

Maika 7:17

ma afʼebutu na dab ejo, dab ame̩wñ kʼi afa ane̩pe̩te̩; ama akwef aku aku-ma dufu kpʼo̩la egagogodo, ma achokpo arida tʼugbo Jihofa, O̩jo̩-wa, ailo-we̩ la aba ma.

Aizaya 8:7

ifai, tod e-le̩, go, Ondu akʼomi Ohimini kʼi nʼukpahiu kʼi ño̩ nana le̩ wa abʼuma oji ma, owñ chʼonu Asiria kpʼojima-wñ chaka; i la awobi bʼo̩cha-wñ du ma, i ñʼawobi lʼoj o̩gba-wñ du;

Aizaya 45:6

kʼama ki ma akwʼo̩wo̩ olodudu kpai akwʼo̩wo̩ olane̩ ka kʼi nʼe̩ne̩ omune̩ du n. Omi che Jihofa, omune̩ du la de̩ n.