Aizaya 58:13 - O̩TAKADA O̩LA O̩JO̩ 1970

¹³ Iche̩wñ kʼe̩ mʼe̩re̩-we̩ chi bʼo̩jo̩-uñmi te̩, kʼe̩ we eche e̩wñ ki rʼuwe̩ e̩do̩ o̩jo̩-mi kiafo̩ le̩, kʼe̩ la do̩ o̩jo̩-uñmi ko̩ e̩wñ ube̩do̩ kpai e̩wñ kiafo̩ e-Jihofa kʼe̩wñ ojima; kʼe̩ la bʼojima mʼo̩, kʼe̩ we e̩wñ o̩na o̩na e-we̩ eche, kʼe̩ ma la tene e̩wñ ki rʼuwe̩ onugo e̩do̩ n, kpai ekale̩ eka ofo n:

Aizaya 58:13 ပူးပေါင်းရင်းမြစ်များ

O̩la E̩bite 1:10

U lewate̩ ef Afu, o̩jo̩ ki chʼojima Ondu. Tak u gbʼomuko̩la lile ubi-mi dabe̩ne̩ kʼo̩kakachi,

Eli Eko̩ DʼO̩jo̩ 84:10

Todu edʼef ologbo-we̩ o̩jo̩ʼkate nyo̩ tʼo̩jo̩ icham nyʼo̩gwo̩ko̩ ki bo̩ le. Ede alo̩na unyi O̩jo̩-mi nyo̩ mi eju tʼe̩gugu ef unyabo ugbo ku ma che e̩wñ ebita le.

Eli Eko̩ DʼO̩jo̩ 84:2

Onugo-mi añeju anuku Jihofa, ochochi, edaku nadaku noj e-le̩; e̩do̩-mi kpai o̩re̩la-mi jʼakwado̩ O̩jo̩ kʼi deju.

Eli Eko̩ DʼO̩jo̩ 42:4

Ibe-mi chekadʼe̩wñ-i, oñ u mʼonugo-mi ejefu ejefu du dajane̩-i; alu kʼu te̩te̩ tʼef ugwe̩ko̩ amone̩ ale, kʼu lebʼuma nyʼunyi O̩jo̩, kpʼomu uyo̩ kpʼugwa, owñ chʼugwe̩ko̩ amone̩ ku ma jʼayo̩ o̩jo̩ uyo̩.

Eli Eko̩ DʼO̩jo̩ 122:1

E̩do̩-mi bo̩ e̩gba ku ma ka ñw mi kakini, Lewa kʼa nyʼunyi Jihofa!

Eli Eko̩ DʼO̩jo̩ 27:4

E̩wñ okate omi bi ugbo Jihofa, e-le̩ natejane̩-wñ; kʼomi ki gugu ef unyi Jihofa o̩jo̩ udeju-mi-i du, kʼu go e̩wñ ube̩do̩ Jihofa, kʼu fʼe̩wñ ef unyi-wñ go chili-chili.

Akwodufu 35:2

O̩jo̩ me̩fa ma achʼuko̩lo̩ kade, o̩jo̩ e̩kebie-wñ muda chʼo̩jo̩ ki afo̩ ñwu me̩, o̩jo̩ uñmi e-uñmi ñwu Jihofa, i che; e̩ne̩ du ki achʼuko̩lo̩ o̩jo̩ le̩ ekpa ma akpa.

Akwodufu 35:3

Me̩ ki kʼuna okate o̩jo̩ uñmi ugbo du ku me̩ dodo n.

Aizaya 55:8

Todu ibe ki dʼefu-mi chʼojoji ñw ibe ki dʼefu e-me̩, o̩na e-me̩ la chʼo̩na e-mi n, Jihofa ka-i.

Aizaya 59:13

ada eje̩ kpai aire̩ Jihofa ere̩ kpai ena bʼetʼO̩jo̩-wa ubi te̩ kpai o̩la e̩tʼone̩ mane̩ kpai o̩la ena tubi eka, kpai efu o̩la o̩lemi enyo̩ kpai eka kwef e̩do̩ dufu.

Abo Lifai 19:3

E̩ne̩ du efu-me̩ abumʼiye-wñ kpai ata-wñ, me̩ la ade o̩jo̩ uñmi-mi; omi, Jihofa O̩jo̩-me̩, de̩.

Izikie̩l 44:24

Ukana lewa ama le̩ adago akpʼoji-wñ; teju alu kʼoji ajo̩-mi de̩ oñ ama akpʼoji-wñ. Ama la ade uko̩-o̩la-mi kpʼe̩wñ uhio̩me̩-mi kpʼuje̩wñ uyo̩ kʼu dʼiko-wñ te̩ chaka. Ma la ache kʼo̩jo̩ uñmi o̩jo̩ uñmi-mi ki fo̩.