Aizaya 55:13 - O̩TAKADA O̩LA O̩JO̩ 1970

¹³ Oli fe̩r atiga koji ikeke; oli me̩rte̩l la atiga koji iñwa; i la ade̩ ñw Jihofa tod odu ki chʼujiwe ogbegbele̩ ki ma nʼuda ge̩ n.

Aizaya 55:13 ပူးပေါင်းရင်းမြစ်များ

Aizaya 41:19

Nakʼoli sida kpai akesia kpai me̩rte̩l kpʼoli o̩lif e-efoko jo̩ aje̩tachi; nanʼoli saiprus kpai oli plen kpai oli bo̩ks, jʼugboʼkate egbili e̩lanyi kpʼokuta;

Je̩re̩maya 33:9

oñ ewo-i achʼodu uyo̩ ñwu mi kpʼuñwulo̩ kpʼojima eju abo uche̩ichi ane̩ ile̩-i du, ku ma agbʼinabali e̩nyo̩ du kʼu nache ñwu ma. Ma la arailo, o̩la-ma aga noji e̩wñ e̩nyo̩ du kpʼure̩do̩ du kʼomi agba wa ñw u.

Aizaya 61:3

kʼu du te̩ ñw abo ku ma daido̩ Zayo̩n— ku ma kʼike̩be̩ ñw ma koji elulu, kpʼekpo uyo̩ koji eku eda, kpʼafe̩ uñwulo̩ koji e̩do̩ ki woji doli; kʼama ki do̩ ma ko̩ oli ok e-o̩kpakpa, e̩wñ ku Jihofa gbe̩ kʼi chʼalifia ñw u.

2 Abo Ko̩rint 5:17

Todabe̩le̩ iche̩wñ kʼe̩ne̩ du dʼefu Kraist, enyi kʼO̩jo̩ nyiʼi etito̩ i che: e̩wñ igbele lale rinyo̩; me̩ go, i mud etito̩.

Aizaya 60:13

Ojima Le̩banon awʼugbo-we̩, owñ chʼoli saiprus kpai plen kpai bo̩ks ki mud e̩wñ o̩ñwe̩ uña-mi kiafo̩; oñ nache kʼugbo kʼu nakʼe̩re̩-mi jo̩ ki nʼojima.

Abo Rom 6:19

Uko̩la e-one̩ naka, todabu kʼo̩re̩la-me̩ chʼe̩gbo; todu, alu ku me̩ mʼe̩wñ año̩la-me̩ ko chʼadu ñw iwa kpai ugbite̩re̩ tef ugbite̩re̩, abe̩le̩ ame̩ ki namʼe̩wñ año̩la-me̩ ko chʼadu ñw o̩kpakpa fai tef efo̩.

1 Pita 4:11

Iche̩wñ kʼe̩ne̩ du ko̩la, i ki ko̩la dabe̩ne̩ kʼo̩la e-O̩jo̩ i aka; iche̩wñ kʼe̩ne̩ du nʼe̩wñ eche ñw one̩, i ki che dabe̩ne̩ kʼukpahiu e-kʼO̩jo̩ du ñw u i nʼache; todu kʼO̩jo̩ ki nʼojima ef e̩wñ du lefu Jisus Kraisti, e-kʼojima kpai ukpahiu chʼe-wñ tʼogbegbele̩ nyile̩wa. Ami.

Je̩re̩maya 50:5

Ma afeju-ma kparʼo̩wo̩ Zayo̩n atene, kakini, Me̩ lewa, kʼa kʼo̩la-wa dama kpai Jihofa ef alo ogbegbele̩ ki ma nʼegbenyo̩ ge̩ n.

Jo̩n 15:8

Ef e-kide̩ oñ Ata-mi nʼojima, todu ku me̩ ki rʼe̩ro nana, ku me̩ la mud amako̩che̩-mi.

Luku 2:14

O̩jo̩ ki nʼojima ef uña atate̩, ure̩do̩ ki la bʼile̩ ma ef amone̩ ku ma nʼali e̩nyo̩.

Je̩re̩maya 13:11

Todu alu kʼukpo ulago alamo̩ ago one̩, abe̩le̩ oñ omi che kʼo̩gbo̩ abunyi Israe̩l du kpʼo̩gbo̩ abunyi Juda du kʼu ma lamʼumi, Jihofa ka-i, todu kʼama ki chʼamone̩ kpai odu kpai uñwulo̩ kpai ojima ñwu mi; ma muda nyeti n.

Aizaya 63:12

Kʼi je̩ ñw o̩wo̩-wñ ki nʼojima le̩ kʼi le o̩wo̩ awo̩to̩ Mose̩s? kʼi fʼomiofo kpe̩ meji rʼo̩gba-ma, kʼi fʼodu ogbegbele̩ ne̩ ñw o̩la-wñ?

Aizaya 60:21

Abo-we̩ chaka ñʼachʼame̩no̩kpakpa ge̩; ma ajʼane̩-i e̩wñ ogu o̩gbegbele̩, iga e̩wñ kʼomi chi ne de̩, uko̩lo̩ o̩wo̩-mi i che, todu kʼi chʼalifia e-mi.

Aizaya 54:10

Todu dagba uwo uwo ki kwo kʼotete otete chʼo̩la-ma ofe, ufe̩de̩nyo̩-mi la akwo bʼe̩ te̩ n, alo ure̩do̩-mi la achʼofe n, Jihofa ki ali we̩ ejumomi ka-i.

Aizaya 43:21

owñ chʼamone̩ kʼu bo̩ ñw o̩la-mi, kʼama ki dʼuñwulo̩-mi te̩ pee.

Maika 7:4

E̩ne̩ ki nyo̩ tʼuma le ef uma dab ikeke, e̩no̩kpakpa ef uma chʼo̩gba iñwa. Iko amadide-we̩, kpʼo̩jo̩ ku ma wa go we̩, lewa; ibe edajugu-ma me̩rʼo̩wo̩ me̩.

Aizaya 5:6

Nache kʼi mud ikpo te̩; ikeli-wñ ñʼanʼeño̩ ge̩ n, ma adigbala-wñ n, chai iñwa kpʼikeke atiga jʼo̩mo̩; u ñʼañwa ñw akpa ojale ki we eje̩ ñw omi lo̩ bʼo ma.

Eli Eko̩ DʼO̩jo̩ 96:12

oko ki nagwoye, kpai e̩wñ du ki jʼefu-wñ! E̩gbale̩ tak oli e̩foko du achʼo̩ga uyo̩

Aizaya 7:11

Ti Jihofa, O̩jo̩-we̩, ene kʼi dʼujiwe ñw e̩; tʼe ene ugbo unefu o̩gane̩ abe̩k atate̩ efojale.

Aizaya 7:19

Tak ama awa, o̩chaka-ma achi wa jo̩ o̩go̩uwo o̩go̩kpe̩-i kpʼef e̩kpana okuta kpʼoj o̩gba ikeke chaka kpʼoj okije̩ du.

Aizaya 7:24

One̩ anʼo̩fa kpʼo̩o̩do̩ tak i awʼo̩mo̩, todabu kʼojane̩ le̩ chaka mud iñwa kpʼikeke.

Aizaya 19:20

I adago o̩mo̩ kʼi chʼujiwe kpʼe̩wñ ibenu ñw Jihofa ki nʼe̩wñ du ane̩ Ijipti; todu ama akwado̩ Jihofa noji abo ku ma te̩ ma mane̩, tak i adʼE̩najadu kpuche̩ rʼuma, kpai E̩nagbiti, tak owñ agba ma.

Aizaya 32:13

ikeke kpai iñwa atiga ane̩ abo-mi; ochochi, i abʼoji unyi unyi uyo̩ du ef ewo uyo̩ le̩ ma.

Aizaya 35:1

Aje̩tachi kpʼane̩ e̩gbe̩ ayo̩, ane̩ o̩kpakpala agwoguyo̩, i la adikoko dab ododo irosi.

Aizaya 35:2

I adikoko ololo, i agwoguyo̩, uyo̩ kpʼeli eko̩ adʼefu-wñ. Ma adʼojima Le̩bano̩n ñw u, owñ chʼe̩wñ Karme̩i kpai Sharo̩n e̩te̩le̩. Abo le̩ ali ojima Jihofa, owñ chʼe̩gahi O̩jo̩-wa.

Aizaya 56:5

Omi akʼe̩wñ urewa kpai odu ñw ma ef unyi-mi kpʼef aku-mi ki nyo̩ tʼe-amo̩me̩ne̩ke̩le̩ kpʼamo̩ma onobule̩ le; omi akʼodu e-ogbegbele̩ ki ma lu n ñw u.

Aizaya 63:14

Alu kʼe̩la abe̩re̩me̩le̩ gwo̩ru nyʼef o̩go̩, alu le̩ oñ Afu Jihofa dʼuñmi ñw ma. Abe̩le̩ oñ uwe̩ nʼamone̩-we̩ le le̩, kʼuwe̩ ki fʼodu ojima ne̩ ñw o̩la-we̩.

Izikie̩l 28:24

Tak ikeke ki agwunyʼone̩ kpʼikeke e̩bie̩ne̩ ef abo du ku ma donyʼu daka ku ma fʼe̩de̩te̩-ma che akwoubi ñʼade̩ ñw abo unyi Israe̩l ge̩ n. Tak ama ama ka kʼomi Jihofa de̩.

Ze̩karaya 1:8

U fuli odu, e̩ la go, e̩ne̩ʼka tanʼanya ekpikpa! I dago ef ujo̩ oli me̩rte̩l ef o̩go̩ le̩; amanya ekpikpa kpai acha kpai efufu la jʼubi-wñ.

Aizaya 60:17

Omi akʼo̩jamalia wa koji ebijeikpa, omi la akʼajifa wa koji ebije̩: ebijeikpa la akoji oli, ebije la akoji okuta. Omi la akʼabo̩da-we̩ che ure̩do̩, abo ku ma kpe̩ tʼuwe̩ ofe achʼo̩kpakpa.