Aizaya 53:7 - O̩TAKADA O̩LA O̩JO̩ 1970

⁷ Ma fʼu chʼo̩bata, ma fʼu chukata, i muda chʼalu n; alu ku ma ane̩ e̩wño̩re̩ egini alo tʼugbo ku ma akpa, kpai alu kʼole ala achechi te̩ o̩gba abo ku ma jʼedudu-wñ abe̩le̩ i la chʼalu n.

Aizaya 53:7 ပူးပေါင်းရင်းမြစ်များ

Matiu 26:63

Jisus muda chechi-wñ kpo̩, Tak agboji amatama ka ñw u kakini, NakpʼO̩jo̩ kʼi deju nʼuwe̩, iche̩wñ kʼuwe̩ che Kraisti, O̩ma e-O̩jo̩, e̩ ka ñw a.

1 Pita 2:23

Abu ku ma bʼo̩ ina, i gba bu ma n. I do̩mo̩ ali uwa, i fo̩ko̩ ma n. I la mʼo̩la-wñ dute̩ ñw Akajo̩ o̩kpakpa le̩.

Mark 14:61

I muda chechi, i la dohi du n. Agboji amatama ño̩ tʼe ene onu keji ge̩, i ka ñw u kakini, Uwe̩ che Kraisti, O̩ma E̩ne̩ ki nele le̩?

Jo̩n 19:9

Tak i dabi gudu tefu Praito̩rio̩n ge̩, oñ i ka ñwu Jisus kakini, Ugbo we̩ kwo? Jisus muda dohi ñw u n.

Luku 23:9

Oñ i nʼo̩la wewe atʼowñ ene; i muda dʼohi du ñw u n.

Mark 15:5

Jisus muda dohi du ge̩ n; Todabe̩le̩ Pailat kwoyaye.

Jo̩n 1:29

O̩jo̩ñwa-wñ i li abu ki Jisus awʼugbo-wñ, oñ i kakini, Go, O̩mala O̩jo̩ ki adʼadure abile̩ kwʼemi le̩ de̩.

O̩la E̩bite 5:6

Tak u li abu kʼO̩mala kʼi dabe̩ne̩ ku ma fʼu kpa akwoubi, i nʼigba mebie kpʼeju mebie e-kʼi la chʼamAfu mebie e-O̩jo̩ ku ma ko kpuche̩ rʼef ane̩ ile̩ chaka dago alumeji ede kpʼef alumeji ame̩wñ iñmi me̩le̩ le̩, kpʼalumeji abogijo le̩.

Ekaluka 7:27

o̩mʼokuno̩ o̩ko̩ ʼka, okoloʼka, okolo o̩mo̩do̩ʼka kʼi chʼutodu iche̩bo̩ e̩gujo;

Eli Eko̩ DʼO̩jo̩ 44:22

Ochochi, tod uwe̩ oñ ma ko wa kpa gbogbo dʼo̩jo̩, ma fʼuwa lo rʼame̩wño̩re̩ egini ku ma che ku ma kpaje̩.

Aizaya 53:6

O̩chaka-wa chila dab ame̩wño̩re̩ egini me̩; e̩ne̩ne̩ne̩ne̩-wa muna tʼo̩na e-wñ; oñ Jihofa mʼudu kʼa fe̩ du ko nʼowñ oji.

Je̩re̩maya 11:19

Omi muda dab o̩mala ki de̩ yo̩o̩ ku ma ane̩ nyʼugbo ku ma akpa. Omi ma ka kʼomi oñ ma ñwa nyu n, kakini, A ki fʼoli le̩ kpʼe̩ro-wñ kpa rinyo̩, A ki fʼu ko̩da bʼane̩ abo ku ma deju te̩, kʼama ki ño̩ rewa odu-wñ ge̩ n.

Eli Eko̩ DʼO̩jo̩ 38:14

Ochochi, omi dab e̩ne̩ kʼeti-wñ ma agbo̩la n, kʼuka enu ma dʼef alu-wñ n.

Eli Eko̩ DʼO̩jo̩ 38:15

Todu, uwe̩ Jihofa oñ naneju-wñ; uwe̩, adohi ñw mi, O Ondu, O̩jo̩-mi.

Aizaya 50:6

U mʼubi-mi dute̩ ñw abo ku ma gwʼo, u laño̩ dʼiti-mi te̩ ñw abo ku ma chi edudu-wñ; u dʼeju-mi maja bʼanyo̩ kpʼito̩ ku ma to̩rʼu te̩ n.