Aizaya 53:11 - O̩TAKADA O̩LA O̩JO̩ 1970

¹¹ i ali e̩wñ kwef uko̩lo̩ akanya kʼonugo-wñ ache, e̩do̩-wñ abo̩; lef e̩wñ kʼi ma oñ adu-mi o̩kpakpa le̩, adʼo̩kpakpa ñw amone̩ wewe; i la achʼudu-ma.

Aizaya 53:11 ပူးပေါင်းရင်းမြစ်များ

1 Pita 2:24

Owñ onugo la kʼadure-wa ef año̩la-wñ tʼoj oli le̩, todu kʼabu kʼa leku ñw adure kʼa ki deju ñw o̩kpakpa. Lugbo egwenunu ku ma fʼowñ gwenunu o̩ga-wa takpa.

Abo Rom 4:24

i muda ño̩ chʼutodu e-wa ge̩, awa ku ma che ku ma fʼu loru ñwu wa, owñ chʼawa kʼa jʼake̩do̩no e̩ne̩ ki du Jisus Ondu-wa kwane̩ kwef abo ki ku,

Jo̩n 17:3

E̩wñ ki la chʼiñmi ogbegbele̩ le̩ de̩, todu kʼama ki mʼuwe̩ kʼuwe̩ kate chʼO̩jo̩ ogbolo, kpʼe̩ne̩ kʼe̩ kpe̩ wa le̩—owñ che Jisus Kraist.

Aizaya 53:12

Todule̩ nadʼukpe̩-wñ te̩ ef ame̩ne̩-lile, i la akpe̩ e̩wñ kʼogu le̩ je̩ kpai amagbiti; todabu kʼi mʼonugo-wñ du dafo gbogbo wʼuku, ma la fʼowñ kaluka tef abo ku ma jʼada; i muda ne̩ adure amone̩ wewe, i la fʼologu che tod abo ku ma jʼada.

1 Pita 3:18

Todabu ku Kraisti ño̩ fʼuwa li tod adure onu ʼkate. E̩no̩kpakpa le̩ li tod ame̩nuji, todu kʼi mʼuwa ko wʼugbo O̩jo̩; ma fʼowñ kpaku ef o̩re̩la, ma muda dʼiñmi ñw u ef Afu;

Abo Hibru 12:2

Eju-wa ki kwo bʼe̩wñ ki bo̩ te̩ kʼi fe̩rʼUchane̩ kpʼAchʼe̩do̩ ekono kpoji, owñ che Jisusi kʼi fe̩do̩lichi ugbo oli uku, kʼi la dʼanyo̩-wñ rʼibe̩te̩ tod uyo̩ ku ma du te̩ o̩gba-wñ, fa-i i la kwogugu o̩wo̩ awo̩to̩ ede O̩jo̩ me̩.

1 Jo̩n 2:1

Amo̩ma-mi, o̩la e̩wñ-i nako̩ rʼume̩ todu kʼame̩ ki we edure; i la che̩wñ kʼe̩ne̩ʼka dure, a chenʼE̩nugbe̩do̩ ugbo Ata, owñ che Jisus Kraist, E̩no̩kpakpa le̩;

Abo Hibru 9:28

abe̩le̩ ge̩ alu ku ma du Kraisti te̩ onuʼka kʼi nʼadure amone̩ wewe, i atejugede onuʼkeji ubi adure ojoji ñw abo ku ma jʼaneju owñ tod ujadu.

1 Abo Ko̩rint 6:11

Abo iche̩ka ef ume̩ la dabe̩le̩ akwoubi; ma muda fʼume̩ o̩la gwe, ma fʼume̩ che ku me̩ fo̩ me̩, ma la fʼale da ñw me̩ ef odu Ondu Jisusi Kraisti kpʼef Afu O̩jo̩-wa.

Jo̩n 16:21

E̩gba du kʼonobule̩ achefu o̩ma, i anʼe̩do̩dudu, todabu kʼadiko-wñ lewa, ama e̩gba du kʼi fʼo̩ma bi tane̩ i ño̩ libe̩kadʼo̩bata-wñ ge̩ n, tod uyo̩, todabu ku ma fʼone̩ bi tef ile̩ me̩.

Matiu 20:28

I dabalu kʼO̩ma One̩ ma wa ku ma che e̩wñ ñw owñ n, chai kʼowñ ki che e̩wñ ñw one̩ kʼi laño̩ dʼoji o̩la-wñ chʼe̩wñ uro̩me̩ koji amone̩ wewe.

Aizaya 53:8

Ma hika dʼowñ kwʼugbo ku ma fʼu dolo te̩ kpai kwo bʼoj ajo̩ o̩kpakpa eka te̩ alo; i la chʼe-abo o̩gba-wñ, e̩ne̩ efu-ma kpibe-wñ ka ku ma fʼowñ ko̩da bʼane̩ abo ku ma deju te̩, todu ada kʼabo-mi je̩ oñ atulubo̩ lewa fʼu mu?

Aizaya 45:25

Ma adale ñw ugbe̩ Israe̩l chaka efu Jihofa, ma la aje̩nyʼu.

Aizaya 42:1

Go adu-mi, e-kʼu nagbʼo̩ ne̩ dago, e̩ne̩ kʼu chi kʼonugo-mi nʼuyo̩ ef uwñ le̩ de̩; omi dʼAfu-mi bʼo ma, i adʼajo̩ o̩kpakpa eka dufu ñw abo uche̩ichi.

2 Jo̩n 1:3

Ufe̩de̩nyo̩ kpʼejumomi kpʼure̩do̩ kwʼugbo O̩jo̩ Ata, kpai kwʼugbo Jisus Kraist O̩ma Ata le̩ adʼugbo wa, ef ochochi kpai ufe̩do̩.

2 Jo̩n 1:1

Ogijo-i tʼugbo odu-mi onobule̩ ku ma chi le̩ kpai amo̩ma-wñ kʼomi afe̩do̩ ma ef ochochi, i la chʼomi kate n, abo du ku ma te̩tama ochochi le̩ manyʼumi kpo̩fo̩,

2 Pita 3:18

Ama me̩ ki nyo̩gba ef ufe̩de̩nyo̩ kpai ef ema ku me̩ ma Ondu-wa kpai E̩najadu-wa, Jisusi Kraist. Ojima ki chʼe-wñ tʼifai, tʼo̩jo̩ ogbegbele̩. Ami.

Abo Galatia 4:19

Amo̩ma-mi, kʼu dabi achefu ebi me̩ gbogbo taku ma fu Kraist da atʼume̩ efu,

2 Abo Ko̩rint 4:6

Todabu kʼO̩jo̩ kʼi kakini, Ef e̩chubi oñ ugane̩ amʼane̩ ne̩ kwo, owñ le̩ mʼane̩ ne̩ ef e̩do̩-wa, todu kʼeju ki ne̩ ugbo ojima O̩jo̩ ema ef eju Jisusi Kraist.

Abo Rom 5:9

Todule̩, abu ku ma fʼale da ñw a ef e̩bie̩-wñ fai me̩, mak ejadu ku ma ajadu wa kwo bʼuwe̩do̩ te̩ lef uwñ atule ololo.

Jo̩n 12:24

Ami, ami, naka ñwu me̩, iche̩wñ kʼe̩yo̩ e̩wñ ma lewa tef ane̩ kʼi ku n, mak owñ kate atʼo̩mo̩; i muda che̩wñ kʼi leku i anʼe̩ro nana.

Luku 22:44

Oñ abu kʼeju-wñ kpa nana i no̩ feju kpa rʼadua ache tule; ugu kʼi gu la dab e̩bie̩ ki akito̩ wane̩ dab o̩kpo̩ omi lile.

Aizaya 49:3

Oñ i ka ñw mi kakini, Uwe̩ chʼadu-mi, Israe̩l, kʼu nanʼojima ef uwñ.

Aizaya 52:13

Me̩ go, adu-mi ache e̩wñ ibe ibe, ma ahiʼu ne, ma adʼu kwane̩, i la adʼatate̩ tabale.

Danie̩l 12:3

Abo ku ma kʼone̩ ibe la afane̩ gbaa alu kʼagbagba ojale ate̩-i de̩ gbaa; oñ abo ku ma rʼone̩ wewe da tʼo̩na o̩kpakpa adab ilawo ogbegbele̩ nyile̩wa.

Danie̩l 9:24

Ma fʼebie ebie ugbo e̩te̩gwa ñwate̩ abʼoji amone̩-we̩ kpʼewo-we̩ kiafo̩ le̩ ma, ku ma fʼoji echada kpa, ku ma la fʼoji adure kpa hioko, ku ma fʼe̩wñ e̩boma che tod udu ku ma fe̩, ku ma laño̩ dʼo̩kpakpa e-ogbegbele̩ wa, ku ma fʼane̩ ego kpai ache̩ eka hiuko̩, ku ma ño̩ fʼekpo ba tʼuña kiafo̩ e-efo̩ le̩.