Aizaya 50:1 - O̩TAKADA O̩LA O̩JO̩ 1970

¹ Abu ki Jihofa ka de̩ kakini: Ugbo o̩takada e̩daru iye-we̩ de̩ taa? owñ chʼe-kʼu du ñw u kʼu dʼu tinyo̩? Abe̩k ugbo e̩ne̩ kʼu nʼo̩ o̩me̩ kʼu dʼe̩ rʼo̩me̩ ñw u de̩? Go, tod udu kʼame̩ fe̩ oñ ma mʼume̩ ko ta, tod ada ku me̩ je̩ oñ ma dʼiye-me̩ tinyo̩.

Aizaya 50:1 ပူးပေါင်းရင်းမြစ်များ

O̩lo̩da Eduwa Onukeji 32:30

Ab e̩ne̩ʼka ale kʼi anʼone̩ icham nyʼo̩gwo̩ko̩ ule? Kʼone̩ meji aje̩ ñw one̩ icham nyʼo̩gwo̩ko me̩gwa ku ma ra? Ki ma chʼOkuta-ma ko ma ta n, ki Jihofa ma la ko ma nyʼamone̩ o̩wo̩ n?

Je̩re̩maya 3:8

Tak u li kakini, Omi chaka dʼIsrae̩l ki alʼubi ubi le̩ tinyo̩ kʼu la mʼo̩takada e̩daru du ñw u tod o̩ko̩ eje̩-wñ le̩, Juda o̩maye-wñ ki adʼo̩wo̩ tef ukpo arʼo̩kpo̩ le̩ ko̩ erailo. Owñ muda ño̩ lenʼajo̩ko̩ ge̩.

Matiu 18:25

Oñ abu kʼi ma neke ra n, odu-wñ ñwa ñwu ma ku ma mʼowñ kpʼo̩ya-wñ kpʼamo̩ma-wñ kpʼe̩wñ du kʼi ne̩ ko ta kʼo̩me̩ ki ra.

Nihe̩maya 5:5

Año̩la e-wa la dʼabu año̩la amo̩maye-wa, amo̩ma e-wa la dab amo̩ma e-ma; e̩ la go, awa la akʼamo̩ma-wa e̩ne̩ke̩le̩ kpai onobule̩ jʼef adu, amo̩ma-wa onobule̩ iche̩ka la jʼef adu me̩; i la nʼe̩wñ du kʼa neke che n; todu abo omune̩ mʼane̩ uche̩-wa kpai uche̩ achiwebe̩te̩ma-wa gba me̩.

2 Amonu 4:1

Oñ onobule̩ʼka kʼi dʼef amo̩ya amo̩ma amakache̩ raku nyʼE̩laisha O̩la kakini, O̩ma-we̩, o̩ko̩-mi, leku me̩; uwe̩ la chema kʼadu-we̩-i railo Jihofa, oñ e̩ne̩ kʼi nʼo̩ o̩me̩ lewa kʼi kʼamo̩ma-mi meji chadu.

Aizaya 52:3

Todu abu ki Jihofa ka de̩ kakini, Ma ko me̩ ta ofofo ma gbʼo̩ko̩ n, egba me̩ tane̩ la anʼo̩ko̩ efu n.

Je̩re̩maya 4:18

O̩na-we̩ kpai e̩wñ kʼe̩ che mʼe̩wñ-i gba ñw e̩. E̩wñ bibi e-we̩ de̩, i la rikoko gbo; i te̩ gbogbo kad e̩do̩-we̩!

Je̩re̩maya 3:1

Ma kakini, Iche̩wñ kʼone̩ dʼo̩ya-wñ tinyo̩, kʼi le nyʼanʼo̩ko̩ omune̩, o̩ko̩-wñ jʼadabi wʼugbo-wñ ge̩? Ane̩ ugbo ku ma chʼabe̩i akpabie̩ ololo ololo n? Uwe̩ muda tʼachʼabutabu kpʼamonuku-we̩ wewe; e̩ ñʼadabi wʼugbo-mi ta? Jihofa ka-i.

Eli Eko̩ DʼO̩jo̩ 44:12

E̩ kʼamone̩-we̩ ta ukpo̩ ukpo̩, alaja-ma la nʼile ñw e̩ n.

2 Amonu 17:17

Ma ño̩ je̩ ñw amo̩ma-ma e̩ne̩ke̩le̩ kpai onobule̩ ku ma le gu ef una le̩ du, ma la nʼifa abo̩, kpai e̩wñ ifamu ache, ma la ño̩ mʼo̩la-ma ko ta ñw e̩wñ ki bie̩ne̩ eju Jihofa eche ku ma nyi u uwe̩do̩.

E̩sta 7:4

Todu ma mʼuwa ko ta me̩, tʼomi, tʼabo-mi, ku ma kpa wa bie̩, ku ma fʼuwa kpa rinyo̩, kʼa lenyo̩. I la che̩wñ ku ma ma mʼuwa ko ta kʼa mud adu aboke̩le̩ kpai abobule̩, omi ma chechi; ama e̩ne̩ ki akobʼuwa le̩ la neke dʼakoji ofu ki ma bʼonu-i ñw u n.

1 Amonu 21:25

I la nʼe̩ne̩ du ki dab Ehab kʼi dʼo̩la-wñ ta kʼi che e̩wñ ki bie̩ne̩ eju Jihofa n, e-kʼo̩ya-wñ Je̩ze̩be̩l, kʼo̩ e̩che̩ le̩.

Akwodufu 21:7

E̩gba kʼone̩ mʼo̩ma-wñ onobule̩ du ta kʼi chʼadu, i atane̩ alu kʼamadu e̩ne̩ke̩le̩ atane̩ n.

Abo Lifai 25:39

I la che̩wñ kʼale fʼo̩maye-we̩ ki dʼugbo we̩ mu, kʼi mʼo̩la-wñ duta ñw e̩ la, uwe̩ ki ñwʼuko̩lo̩ adu ñw u che n.

Aizaya 1:28

Echile̩che̩ abo ku ma fʼada je̩ kpʼame̩nadure achʼaluʼkate, oñ abo ku ma hi Jihofa tinyo̩ alie̩ rinyo̩.

Aizaya 27:8

Eno kʼe̩ no ma, chʼekobʼuma kʼe̩ kobʼuma; i nʼafu ibi-wñ dʼu le o̩jo̩ kʼafu olodudu ju le̩.

Aizaya 43:27

Ata-we̩ ejodudu dure, abo ku ma jʼomudechi o̩la-mi ñw e̩ ko̩ mi me̩.

Aizaya 46:8

Ibe-me̩ ki tʼo̩, ku me̩ kʼo̩la-me̩ ña ka kʼone̩ me̩ che; me̩ ki ño̩ libekadʼo, O ame̩ ku me̩ gwejugede jʼada le̩,

Aizaya 54:6

Todu Jihofa fʼe̩ do̩ dabe̩ne̩ kʼonobule̩ ku ma du tinyo̩ kʼe̩do̩-wñ mukpabie̩, dabe̩ne̩ kʼo̩ya igbe̩le̩ ku ma hiʼu tinyo̩, O̩jo̩-we̩ ka-i.

Aizaya 54:7

Iko re oñ u dʼuwe̩ tinyo̩, u muda anʼejumomi o̩gbaje̩je̩ ko we̩ dabiwa.

Aizaya 58:1

Kwa taa, e̩ ki bʼo̩wo̩ lo̩ n, dʼomu-we̩ nyʼate̩ dab o̩kakachi; e̩ mʼagbo̩ni abo-mi du ka ñw ma, e̩ ka adure abo unyi Jeko̩b ñw ma.

Aizaya 64:6

Todu o̩chaka-wa adab e̩ne̩ kʼo̩la-wñ daji, e̩wñ o̩kpakpa-wa du la dab ukpo elifo̩. Oñ o̩chaka-wa akwacha dab eñmi, udu kʼa fe̩ la akwʼuwa rinyo̩ dabe̩ne̩ kʼafu.

Hosiya 4:5

E̩ la akʼe̩re̩ oro̩ka, oñ akache̩ ñʼake̩re̩ manyʼuwe̩ odu; omi la akpʼiye-we̩ tinyo̩.