Aizaya 47:12 - O̩TAKADA O̩LA O̩JO̩ 1970

¹² Kwodago ef e̩wñ ifamu-we̩ kpʼe̩wñ inacha-we̩ ki wewe le̩, e-kʼuwe̩ te̩tachʼakanya uko̩lo̩-wñ kwʼo̩jo̩ imo̩to̩-we̩; ukani i anʼile ñw e̩, ukani e̩ fa nyi one̩ okpo.

Aizaya 47:12 ပူးပေါင်းရင်းမြစ်များ

Nehum 3:4

Todu o̩wo̩ e̩wñ abutabu e-ajo̩ko̩, ki achʼile̩ le̩, owñ chʼodu onobule̩ e̩wñ ochu, kʼi akʼabo uche̩ichi uche̩ichi ta lef e̩wñ abutabu-wñ le̩, kpʼo̩lo̩pu o̩lo̩pu lef e̩wñ ochu-wñ.

Je̩re̩maya 2:28

Ugbo amo̩jo̩-we̩ kʼe̩ che ñw o̩la-we̩ jo̩ ke? Ama ki kwane̩ iche̩wñ ku ma neke jadu we̩ iko o̩pe̩cha-we̩. Todu alu kʼuwewe ewo ewo-we̩ de̩ abe̩le̩ oñ uwewe amo̩jo̩-we̩ de̩, O Juda.

Aizaya 44:25

kʼi akʼujiwe amaremi gwuji, kʼi la aje̩ ñw amabifa himu; kʼi la arʼamanibe da tʼubi, oñ i aje̩ ñw ibe-ma mud idada;

Aizaya 19:3

une̩do̩ Ijipti la adafo alumeji-wñ; u ñʼakʼo̩la ku ma lo mi; taku ma atene ugbo ode ode, kpai ugbo amachifamu, kpai abo ku ma dʼiche̩kpa kpai amake̩ma.

Aizaya 8:19

Tak e̩gba ku ma aka ñw e̩ kakini, E̩ natene ugbo abo ku ma dʼaje̩nu kpai abo ku ma dʼe̩bo̩ ku ma ko̩la etikpo̩gu kpai abo ku ma ko̩la ñw o̩la-ma: i dukpe̩ kʼamone̩ atene ugbo o̩jo̩-ma n? Ma ñʼatʼabo ki ku ene tod abo ki deju?

Akwodufu 9:11

Amachifamu le̩ la neke dago o̩gba Mose̩s in, todu iketo̩ko̩ le̩, todu iketo̩ko̩ le̩ jʼo̩la amachifamu kpai abo Ijipti du.

Akwodufu 8:7

Tak amachifamu lewa nʼe̩wñ ifamu e-ma che abe̩le̩ ge̩, oñ ma mʼamo̩bana ko wa abʼane̩ Ijipti ma.

Akwodufu 7:11

Taku Fero fʼamanibe kpai amachobochi do̩ wa; oñ ama, amachifamu Ijipti le̩, ño̩ ne̩ e̩wñ ifamu-ma chʼabe̩le̩ ge̩.

O̩la E̩bite 9:21

ma la ribeda kwef one̩ ekpa-ma n, abe̩ku kwef obochi-ma eche n, abe̩ku kwef e̩wñ abutabu-ma eche n, abe̩ku kwef oji-ma eji n.

Eli Eko̩ DʼO̩jo̩ 129:1

Ma te̩tachʼumi o̩pe̩cha nana akwʼo̩jo̩ o̩ko̩lobia-mi gbogbo wa-i, Israe̩l ki ka ke—

Danie̩l 2:2

Tak onu ñwañwu ma ku ma do̩ amachifamu kpai amade̩bo̩ kpai amagomi kpai abo Kaldia wa ku ma kʼoji o̩na-wñ ñw onu. Abe̩le̩ ma lewa dago jʼo̩gba onu.

Danie̩l 5:15

Ma la mʼamanibe, ku ma chʼamade̩bo̩, ko wʼo̩gba-mi fai kʼama ki chʼo̩kalatu orubutu-i, kʼama ki je̩ ñwu mi ma ofe-wñ; ma muda neke dʼofe e̩wñ le̩ dufu n.

Maika 3:7

E̩gbale̩ ukata abo ku ma gʼane̩ la achi, oñ anyo̩ amu amabifa; ochochi, o̩chaka-ma afʼo̩wo̩ bʼalu ma, todu i nʼohi du kʼO̩jo̩ adu ñwu ma n.

Ekaluka 22:25

Oñ o̩ke̩ke̩te̩ le̩ fʼonuche̩ Jihofa li, i la fʼo̩la-wñ kuru o̩do̩, oñ i fʼe̩re̩ Belam de mʼo̩do̩; abe̩le̩ i ño̩ fʼu ja ge̩.

Izikie̩l 21:26

Abu kʼOndu Jihofa ka de̩, kakini, Mʼalauni-we̩ tu jʼane̩, mʼike̩be̩-we̩ chi tane̩, e̩wñ ade̩ alu kʼi de̩ ge̩ n; fʼe̩wñ ki hiwane̩ hine, fʼe̩wñ ki hine hi wane̩.

Danie̩l 2:11

E̩wñ kʼonu tene-i chekpuna, i la nʼe̩ne̩ du ki neke dʼu dufu o̩gba onu-i n, chai amo̩jo̩ kʼama ma dodo kpenyʼo̩re̩la n.