Aizaya 45:24 - O̩TAKADA O̩LA O̩JO̩ 1970

²⁴ Ma anʼo̩la-mi aka kakini, Chai efu Jihofa oñ o̩kpakpa kpai ukpahiu de̩; oñ amone̩ ku ma te̩tawe̩do̩ rʼu awʼugbo-wñ oñ anyo̩ amu ma.

Aizaya 45:24 ပူးပေါင်းရင်းမြစ်များ

Aizaya 41:11

Go, anyo̩ amu abo du kʼe̩do̩-ma kparʼuwe̩, ibe-ma adajugu nyʼomune̩; abo ku ma kʼuja bʼe̩ amud ofofo ma la alenyo̩.

Abo Filipai 4:13

Iñmi-mi chewo e̩wñ du ef e̩ne̩ kʼi adʼukpahiu ñwu mi le̩.

Aizaya 54:17

e̩wñ ido̩na ogu du ku ma gwu ku ma ane̩ kobʼuwe̩ anoji n, oñ ukpalu du ki akwane̩ tʼuwe̩ o̩la ef ajo̩ uwe̩ akpʼo̩ abi. E̩wñ e̩wñ ogu kʼamadu Jihofa aje̩ le̩ de̩ kpai o̩kpakpa-ma kʼomi chʼe̩te̩-wñ, Jihofa ka-i.

Abo E̩fe̩sus 6:10

I chʼe-ki bo̩ le̩, me̩ ki nʼukpahiu ef Ondu kpai ef ugbiti ugbiñmi e-wñ.

Jo̩n 12:32

Tak omi, iche̩wñ ku ma dʼumi dago kwef ane̩-ile̩, nafʼamone̩ du wʼugbo mi.

O̩la E̩bite 22:17

TʼAfu, tʼo̩ya-etito̩ le̩ kakini, Lewa. E̩ne̩ ki la gbo̩ kʼi nakakini, Lewa, oñ e̩ne̩ kʼolugbe̩ akpʼo̩, kʼi nawa: e̩ne̩ du ki dʼowñ e̩do̩ ki lewa gba omi e-iñmi ele ofofo.

O̩la E̩bite 11:18

Abo uche̩ichi la we̩do̩, oñ uwe̩do̩-we̩ lewa, kpʼiko ku ma kajo̩ abo ki ku, kpʼiko ku ma dʼuro̩me̩ ñw amadu-we̩ amakache̩ kpʼabo kiafo̩, kpʼabo ku ma railo odu-we̩, tʼe-kekele tʼe-lile, kpʼiko ku ma fʼabo ku ma kpa ane̩ ile̩-i bie̩ kpabie̩.

2 Pita 1:1

Saimo̩n Pita, adu kpʼe̩nukpuche̩ Jisusi Kraisti, tʼugbo abo ku ma fʼe̩do̩ ekono kʼakoko-wñ chʼokujo̩ kpʼe-wa je̩ ef o̩kpakpa O̩jo̩ kpai E̩najadu-wa Jisusi Kraisti:

Abo Ko̩lo̩se 1:11

I ki dʼukpahiu ñwu me̩ ef ukpahiu du, teju ugbiti e-ojima-wñ ku me̩ ki fe̩do̩ lichi alu du, ku me̩ laño̩ fe̩do̩ je̩ kpai uyo̩.

Abo E̩fe̩sus 3:16

todu kʼi du ñwu me̩, teju alu kʼunana ojima-wñ de̩, kʼukpahiu-me̩ ki nyo̩gba ku me̩ gbiti ef one̩ e-ejefu lef Afu-wñ;

2 Abo Ko̩rint 5:21

I mʼe̩ne̩ ki ma ma adure n le̩ du che adure todu wa; todu kʼawa ki mud o̩kpakpa e-O̩jo̩ ef uwñ.

1 Abo Ko̩rint 1:30

Owñ la chʼe̩te̩-me̩ efu Kraisti Jisusi kʼi mud ofili ñw wa kwugbo O̩jo̩, tʼo̩kpakpa tʼefo̩, tʼula-one̩-tane̩:

Jo̩n 7:37

E̩gba o̩jo̩ otitala e-ki chʼo̩jo̩ lile e-ujeju ucholo le̩, Jisus kwodago, i domudago kakini, Iche̩wñ kʼolugbe̩ akpʼe̩ne̩ du kʼi nawʼugbo mi añmʼomi.

Luku 19:27

Ama ame̩ne̩bi-mi ki ma dʼuma e̩do̩ kʼomi ki chʼonu-ma-i n, me̩ mu ko wʼemi, ku me̩ mʼuma kokpa eju-mi.

Luku 13:17

Oñ abu kʼi nʼe̩wñ-i aka anyo̩ fʼabo du ku ma ko bʼo̩ mu. Tak o̩wo̩ amone̩ le̩ chaka kwoyo̩ noj e̩wñ ojima du ki wache ugbo-wñ.

Ze̩karaya 10:12

Oñ nadʼukpahiu ñw ma efu Jihofa taku ma alelo lewa ef odu-wñ, Jihofa ka-i.

Ze̩karaya 10:6

Tak u nadʼugbiti ñw unyi Juda, u la ajadu unyi Jose̩f. Tak u nako ma dabiwa todu omi ali ma ejumomi, taku ma adabe̩ne̩ kʼomi ma ko̩ ma rinyo̩ mama ta n; todu omi che Jihofa O̩jo̩-ma u la agbʼomu-ma.

Je̩re̩maya 33:16

Iko le̩ ma ajadu Juda, Je̩rusale̩m la agugu to̩ko̩o̩; odu-wñ ku ma la adʼo̩ le̩ de̩ kakini, JIHOFA O̩KPAKPA-WA.

Aizaya 61:10

Nayo̩ efu Jihofa ololo, onugo-mi agwoguyo̩ ef O̩jo̩-mi; todu i mʼe̩wñ o̩la ujadu ko nyʼumi o̩la me̩, i mʼotogbo o̩kpakpa ko nyʼumi o̩la, alu kʼo̩ko̩ o̩ya etito̩ akʼijaga nyʼo̩la dab atama, alu kʼo̩ya etito̩ akʼe̩wñ ijaga-wñ nyʼo̩la.

Aizaya 60:9

Ala ala aneju-mi chuu, o̩ko̩ o̩ko̩ Tarshish atʼo̩gba, ku ma kʼamo̩ma-we̩ e-e̩ne̩ke̩le̩ kwʼo̩najiji wa, ajifa kpʼo̩jamalia-ma ajʼugbo ma, ku ma ko ma wa ñw odu Jihofa O̩jo̩-we̩, kpai todu E̩ne̩ Kiafo̩ e-Israe̩l, todu i fʼo̩ñwe̩ chenyʼe̩ me̩.

Aizaya 55:5

Go, uwe̩ adʼo̩ abo ichiʼka kʼe̩ ma ma ma n, oñ abo̩ ichiʼka ku ma ma mʼuwe̩ n ara wʼugbo we̩, todu Jihofa O̩jo̩-we̩, kpai E̩ne̩ Kiafo̩ e-Israe̩l, todu i mʼojima du ñw e̩ me̩.

Aizaya 45:25

Ma adale ñw ugbe̩ Israe̩l chaka efu Jihofa, ma la aje̩nyʼu.

Aizaya 44:8

Ame̩ ki railo n, me̩ ki la chokpo n; omi je̩ ñw e̩ gbʼo̩ kwʼigbegbele n? U ka dufu n? Ame̩ la chʼame̩nibenu-mi! O̩jo̩ omune̩ do̩mo̩ tʼumi le? Ochochi, Okuta de̩ n; u ma e-du n.

Aizaya 26:4

Ame̩ ki nake̩do̩no Jihofa gbogbo alo pioo, todu Jihofa, Jihofa chʼokuta ogbegbele̩.

Eli Eko̩ DʼO̩jo̩ 110:2

Jihofa anʼokute̩ ukpahiu-we̩ dala kwefu Zayo̩n dufu. Uwe̩ ki dʼo̩da-we̩ tʼalumeji ame̩nebi-we̩!

Eli Eko̩ DʼO̩jo̩ 72:9

Abo ku ma dodo ef aje̩tachi ate̩kpe̩ o̩gba-wñ, ame̩nebi-wñ la afʼebutu na!

Abakwane̩ 49:10

Okute̩ akwo bo̩ Juda te̩ n, e̩ne̩ ki adʼo̩da wa akwo bʼagbagba e̩re̩-wñ te̩ n, gbogbo taku Shailo lewa; owñ le̩ oñ amone̩ du agbʼo̩la-wñ gbo̩.

Aizaya 60:21

Abo-we̩ chaka ñʼachʼame̩no̩kpakpa ge̩; ma ajʼane̩-i e̩wñ ogu o̩gbegbele̩, iga e̩wñ kʼomi chi ne de̩, uko̩lo̩ o̩wo̩-mi i che, todu kʼi chʼalifia e-mi.

Aizaya 61:11

Todu alu kʼane̩ akʼiga e̩wñ dufu, kpai alu kʼane̩ uche̩ aje̩ ñw e̩wñ ku ma gbe̩ ef uwñ ki tiga, alu le̩ oñ Ondu Jihofa aje̩ ñw o̩kpakpa kpai uñwulo̩ ki tiga dufu eju abo uche̩ichi du.

Habakuk 3:19

Jihofa, Ondu, chʼukpahiu-mi; i la aje̩ ñw e̩re̩-mi le̩ dab e̩re̩ egbi, i lañʼaje̩ ñw mi lule̩ oj otete otete-mi ge̩. Tugbo Agboji Amakeli: kʼi nʼe̩wñ iku kʼi anu.

Ze̩karaya 8:23

Abu ki Jihofa ki nʼe̩wñ du aka de̩ kakini, Iko le̩ aboke̩le̩ me̩gwa kwef abo ichi ichi ojoji du agwo̩nyʼe̩re̩ otogbo e̩ne̩ ki che Ju kakini, A ale bʼuwe̩, todu a gbo̩ ka kʼO̩jo̩ dʼugbo-we̩.

Eli Eko̩ DʼO̩jo̩ 71:16

Nawa ef ukpahiu Ondu Jihofa, o̩la o̩kpakpa e-we̩ eka oñ alu mi ahi mo̩, owñ chʼe-we̩ kate.

Eli Eko̩ DʼO̩jo̩ 89:17

Todu uwe̩ chʼojima ukpahiu-ma; eli wa eju kʼe̩ li wa eju oñ igba-wa adago.

Ze̩karaya 12:5

Tak amidachi Juda aka ef e̩do̩-ma kakini, Abo ku ma dodo Je̩rusae̩lm achʼukpahiu-mi lefu Jihofa ki nʼe̩wñ du kʼi chʼO̩jo̩-ma le̩.