Aizaya 44:12 - O̩TAKADA O̩LA O̩JO̩ 1970

¹² Agwalo̩ nʼebije agwu i achʼuko̩lo̩ ef ige̩-wñ; i anʼutum añwʼo̩ che teju-wñ, i anʼo̩wo̩-wñ ki gbiti agwu; i-i, ebi akpʼo̩, ukpahiu-wñ la abulo̩; i añmʼomi n, ochuchu achʼo.

Aizaya 44:12 ပူးပေါင်းရင်းမြစ်များ

Aizaya 40:19

Ode! E̩nuko̩lo̩ ada, tak agwalo̩ o̩jamalia akʼo̩jamalia wenyʼu, tak i fʼiyagba ajifa da todu-wñ.

Habakuk 2:13

Go, i che Jihofa ki nʼe̩wñ du chʼe̩wñ ki chi kʼamone̩ achʼakanya uko̩lo̩ tod una n? kʼabo uche̩ichi uche̩ichi gwʼo̩la-ma uhia ibe̩te̩ ofo n?

Akwodufu 32:8

ma hika muna bʼo̩na kʼomi ñwa ñwu ma te̩ piopio-i; ma fʼo̩ma okuno̩ da ñw o̩la-ma, oñ ma dojikane̩ ñw u, ma la fʼe̩wñ e̩bie̩ kpa ñw u; oñ ma kakini, Ame̩ abo Israe̩l, amo̩jo̩-me̩ ku ma ko me̩ kwo ane̩ Ijipti dufu wa jo̩-i!

Akwodufu 32:4

Tak i mʼu gba kwʼo̩wo̩-ma oñ abu kʼi fʼu da o̩ma okuno̩, i la nʼadude̩ fʼina-wñ ko̩. Taku ma kakini, Abo Israe̩l, amo̩jo̩-me̩ ku ma ko me̩ kwʼane̩ Ijipti dufu wa de̩!

O̩lo̩da Eduwa Onukeji 4:28

O̩mo̩ me̩ la are̩ amo̩jo̩ oli kpai okuta kʼo̩wo̩ one̩ che, e-kʼi ma la gane̩ n, i la gbʼo̩la n, i la aje̩ e̩wñ n, i la gbulu n.

Aizaya 40:20

E̩ne̩ kʼale mʼu kʼi ma ne̩ e̩wñ kʼi ako ne n ate̩jane̩ oli ki ma ache̩ n; i atene e̩ne̩ ki chʼo̩ka uko̩lo̩ kʼi fʼojibo kʼi ma achi e̩re̩ n gbe̩ ñw u.

Habakuk 2:18

Ugbo chʼile ojibo ku ma gbe̩ abu kʼe̩ne̩ kʼi che fʼina ko nyʼu? ojibo ku ma da le̩, kʼi chʼako̩ one̩ olemi? Todu e̩ne̩ kʼi che ke̩do̩nʼe̩wñ kʼo̩wo̩-wñ onugo che e̩gba kʼi chʼode ki ma ako̩la n!

Ze̩karaya 1:20

Taku Jihofa kʼamagwalo̩ me̩le̩ ña mi.