Aizaya 43:11 - O̩TAKADA O̩LA O̩JO̩ 1970

¹¹ Omi, omi le̩, che Jihofa, e̩najadu du de̩ tʼumi le n.

Aizaya 43:11 ပူးပေါင်းရင်းမြစ်များ

Hosiya 13:4

Omi muda che Jihofa, O̩jo̩-we̩ akwo oj ane̩ Ijipti kpo̩; uwe̩ mʼO̩jo̩ du tʼumi le n, E̩najadu omune̩ la de̩ tʼumi le n.

Aizaya 44:6

Abu ki Jihofa, Onu Israe̩l kpai E̩ne̩ ki agbʼo̩ tane̩, Jihofa ki nʼe̩wñ du le̩, ka de̩ kakini: Omi chʼE̩ne̩ ejodudu kpʼE̩ne̩ otitala; i ma chʼomi n, O̩jo̩ du do̩mo̩ n.

Aizaya 43:3

Todu omi che Jihofa O̩jo̩-we̩, E̩ne̩ Kiafo̩ e-Israe̩l, E̩najadu-we̩. U mʼIjipti du chʼe̩wñ ulʼuwe̩ tane̩, Itiopia kpai Sela koji we̩.

E̩wñ kʼAme̩nukpuche̩ Che 4:12

I la nʼe̩nomune̩ kʼujadu dʼef uwñ n; todu i nʼodu omune̩ ojoji du o̩gane̩ ojale-i ku ma dʼu te̩ ef amone̩ ki dʼugbo ku ma ajadu wa ef uwñ n.

Aizaya 12:2

Go, O̩jo̩ chʼujadu-mi; nake̩do̩nʼo, u ñʼarailo ge̩ n; todu Jihofa owñ che Jihofa u ka-i chʼukpahiu-mi kpai eli-mi, i laño̩ mud ujadu-mi.

Aizaya 44:8

Ame̩ ki railo n, me̩ ki la chokpo n; omi je̩ ñw e̩ gbʼo̩ kwʼigbegbele n? U ka dufu n? Ame̩ la chʼame̩nibenu-mi! O̩jo̩ omune̩ do̩mo̩ tʼumi le? Ochochi, Okuta de̩ n; u ma e-du n.

O̩lo̩da Eduwa Onukeji 6:4

O Israe̩l, gbo̩ ke: Jihofa O̩jo̩-wa che Jihofa okate;

O̩takada ki kwʼo̩wo̩ Jud 1:25

tʼugbo O̩jo̩ okate kʼi chʼE̩najadu-wa, lefu Jisus Kraist, Ondu-wa, ojima kpʼe̩gahi kpʼinaina, kpʼiñmi, kpai o̩da ki chʼe-wñ, o̩gba tak o̩kpanachi du do̩mo̩, tʼifai, kpai tef o̩kpanachi du ki awa. Ami.

2 Pita 3:18

Ama me̩ ki nyo̩gba ef ufe̩de̩nyo̩ kpai ef ema ku me̩ ma Ondu-wa kpai E̩najadu-wa, Jisusi Kraist. Ojima ki chʼe-wñ tʼifai, tʼo̩jo̩ ogbegbele̩. Ami.

Luku 2:11

todu ma fʼE̩najadu bi ñwu me̩ ewo Defid eñini-i, owñ che Kraist Ondu.

Hosiya 1:7

Omi muda ali abunyi Juda ejumomi, kʼu najadu ma lugbo Jihofa, O̩jo̩-ma; u la anʼo̩o̩do̩ abe̩k o̩kwo̩chageli abe̩k ogu eja abe̩k amanya abe̩k amananya jadu ma n.

O̩la E̩bite 1:11

i kakini, E̩wñ kʼuwe̩ ali-i e̩ nako̩ nyʼo̩takada kʼe̩ dʼu kpuche̩ rʼujeju ujeju abudo̩ Ondu mebie le̩, owñ chʼE̩fe̩sus kpai Sme̩rna kpai Pe̩rgamo̩s kpai Tayataira kpai Sardis kpai Filade̩lfia kpai Leode̩sia.

1 Jo̩n 4:14

Awa la fʼu li me̩, oñ a gbʼibenu ka kʼAta fʼO̩ma-wñ kʼi chʼE̩najadu ile̩ kpuche̩ wa.

Taito̩s 2:13

kʼa jo̩ aneju ugbede kʼa kibeno le̩ kpʼutejugede ojima O̩jo̩ lile kpai E̩najadu-wa Kraist Jisus,

Taito̩s 2:10

ama ki la chʼo̩wo̩ kwe̩ kwe̩ n, ama ki duñe̩ña ka ku ma chubi amodu-ma alu du ef e̩wñ ki nyo̩; todu kʼama ki chʼo̩ñwe̩ nyʼuko̩-o̩la O̩jo̩, E̩najadu-wa, ef e̩wñ du.

Luku 1:47

afu-mi agwoguyo̩ ef O̩jo̩ E̩najadu-mi me̩

Eli Eko̩ DʼO̩jo̩ 3:8

Ujadu chʼe-Jihofa; e̩nyo̩-we̩ ki dʼoji abo-we̩! Sila.

Aizaya 19:20

I adago o̩mo̩ kʼi chʼujiwe kpʼe̩wñ ibenu ñw Jihofa ki nʼe̩wñ du ane̩ Ijipti; todu ama akwado̩ Jihofa noji abo ku ma te̩ ma mane̩, tak i adʼE̩najadu kpuche̩ rʼuma, kpai E̩nagbiti, tak owñ agba ma.

Aizaya 42:8

Omi che Jihofa, abʼodu-mi ko̩ de̩; nadʼojima-mi ñw e̩ne̩ omune̩ n, u la adʼuñwulo̩-mi ñw ojibo ku ma gbe̩ n.

Aizaya 60:16

Uwe̩ ñʼañmo̩ omi e̩nya abo uche̩ichi uche̩ichi, e̩ la añmo̩ e̩nya amonu; tak uwe̩ ama ka kʼomi Jihofa chʼE̩najadu-we̩, kpʼE̩ne̩ ki agbʼe̩ tane̩, E̩nagbiti e-Jeko̩b u che.

Ze̩karaya 9:9

E̩ nagwoguyo̩ nana, uwe̩ o̩monobule̩ e-Zayo̩n! Fʼo̩ga chi, uwe̩ o̩monobule̩ e-Je̩rusale̩m! Go, onu-we̩ awʼugbo-we̩ me̩; e̩no̩kpakpa i che, owñ la nʼujadu, e̩no̩bata i che; i tanʼo̩ke̩ke̩te̩ awa, owñ chʼo̩ma kʼo̩ke̩ke̩te̩ bi.

Jona 2:10

Taku Jihofa ka ñw e̩ja le̩, oñ i fu Jona re̩ tʼane̩ e̩gbe̩.