Aizaya 41:19 - O̩TAKADA O̩LA O̩JO̩ 1970

¹⁹ Nakʼoli sida kpai akesia kpai me̩rte̩l kpʼoli o̩lif e-efoko jo̩ aje̩tachi; nanʼoli saiprus kpai oli plen kpai oli bo̩ks, jʼugboʼkate egbili e̩lanyi kpʼokuta;

Aizaya 41:19 ပူးပေါင်းရင်းမြစ်များ

Aizaya 55:13

Oli fe̩r atiga koji ikeke; oli me̩rte̩l la atiga koji iñwa; i la ade̩ ñw Jihofa tod odu ki chʼujiwe ogbegbele̩ ki ma nʼuda ge̩ n.

Aizaya 35:1

Aje̩tachi kpʼane̩ e̩gbe̩ ayo̩, ane̩ o̩kpakpala agwoguyo̩, i la adikoko dab ododo irosi.

Aizaya 60:13

Ojima Le̩banon awʼugbo-we̩, owñ chʼoli saiprus kpai plen kpai bo̩ks ki mud e̩wñ o̩ñwe̩ uña-mi kiafo̩; oñ nache kʼugbo kʼu nakʼe̩re̩-mi jo̩ ki nʼojima.

Aizaya 61:11

Todu alu kʼane̩ akʼiga e̩wñ dufu, kpai alu kʼane̩ uche̩ aje̩ ñw e̩wñ ku ma gbe̩ ef uwñ ki tiga, alu le̩ oñ Ondu Jihofa aje̩ ñw o̩kpakpa kpai uñwulo̩ ki tiga dufu eju abo uche̩ichi du.

Aizaya 60:21

Abo-we̩ chaka ñʼachʼame̩no̩kpakpa ge̩; ma ajʼane̩-i e̩wñ ogu o̩gbegbele̩, iga e̩wñ kʼomi chi ne de̩, uko̩lo̩ o̩wo̩-mi i che, todu kʼi chʼalifia e-mi.

Aizaya 27:6

Jeko̩b afʼili nyʼane̩ ej o̩gba, Israe̩l abu, i adʼikoko, ile̩-i du ako̩ ñw e̩ro-wñ.

Izikie̩l 47:12

Oñ o̩la ohimini le̩ oj otete-wñ ej emi-wñ kpʼej ano̩mo̩, oli ije̩ du aya o̩mo̩, eñmi-wñ la akwacha n. I la awe ero n. I arʼe̩ro etito̩ ochu du, todabu kʼomi-wñ le̩ nacha kwef uña kiafo̩ le̩ dufu wa. E̩ro-wñ la chʼutodu uje̩wñ; eñmi-wñ la chʼutodu o̩ga one̩ eche.

Aizaya 61:3

kʼu du te̩ ñw abo ku ma daido̩ Zayo̩n— ku ma kʼike̩be̩ ñw ma koji elulu, kpʼekpo uyo̩ koji eku eda, kpʼafe̩ uñwulo̩ koji e̩do̩ ki woji doli; kʼama ki do̩ ma ko̩ oli ok e-o̩kpakpa, e̩wñ ku Jihofa gbe̩ kʼi chʼalifia ñw u.

Aizaya 51:3

Todu Jihofa anyi Zayo̩n e̩do̩; ugbo du kʼi chʼalache̩ te̩ i anyʼe̩ e̩do̩, i la ache kʼaje̩tachi-wñ ki dab Ide̩n, egbili e̩lanyi kpʼokuta-wñ la adab uche̩ Jihofa; ma ali uyo̩ kpʼe̩do̩ e̩bo̩ ef uwñ kpai ugwa egwa kpai omu eli.

Aizaya 32:15

gbogbo taku ma dʼAfu danyʼuwa oji kwʼate̩, kʼaje̩tachi la mud ane̩ uro̩je̩, oñ ane̩ uro̩je̩ dab efoko eju-ma.

Aizaya 43:19

Go, omi ache e̩wñ etito̩; fa-i tak i atiga dufu, ame̩ ma n? Nadʼo̩na ef aje̩tachi kpai ohimini ohimini egbili e̩lanyi kpʼokuta.

Hosiya 14:8

Ifraim akakini, E̩wñ ño̩ chʼe-mi kpʼode ge̩? Omi mʼohi du me̩, u la anyʼe eti. Omi dab oli fe̩r emimi; ugbo-mi oñ uwe̩ ali e̩ro-we̩ kwo.

Ze̩karaya 1:8

U fuli odu, e̩ la go, e̩ne̩ʼka tanʼanya ekpikpa! I dago ef ujo̩ oli me̩rte̩l ef o̩go̩ le̩; amanya ekpikpa kpai acha kpai efufu la jʼubi-wñ.