Aizaya 40:3 - O̩TAKADA O̩LA O̩JO̩ 1970

³ Omuko̩la e̩ne̩ ki akwa ef aje̩tachi kakini: Me̩ ñwʼo̩na Jihofa che; me̩ fʼikpadala che te̩e̩le̩ egbili e̩lanyi kpʼokuta tod O̩jo̩-wa.

Aizaya 40:3 ပူးပေါင်းရင်းမြစ်များ

Malakai 3:1

Go, nakpʼonuche̩-mi wa, kʼi ñwʼo̩na che o̩gba-mi; tak Ondu kʼame̩ atene owñ le̩ awʼunyi-wñ achigili. Onuche̩ e-alo kʼame̩ ayo̩ ñw u le̩, me̩ go, owñ awa, Jihofa ki nʼe̩wñ du ka-i.

Jo̩n 1:23

I kakini, Omi chʼomuko̩la ki dʼaje̩tachi akwukwa kakini, Me̩ ki chʼo̩na Ondu te̩ ogbolo alu kʼAizaya akache̩ le̩ ka.

Aizaya 57:14

Taku ma akakini, Me̩ fʼu du kʼi dago, me̩ fʼu du kʼi dago, fʼo̩na le̩ ñwo̩che, me̩ mʼe̩wñ uke̩re̩ ko bʼo̩na te̩ ñw abo-mi.

Aizaya 43:19

Go, omi ache e̩wñ etito̩; fa-i tak i atiga dufu, ame̩ ma n? Nadʼo̩na ef aje̩tachi kpai ohimini ohimini egbili e̩lanyi kpʼokuta.

Aizaya 35:8

Ikpadala adʼano̩mo̩ kpʼo̩na, oñ ma adʼodu-wñ ko̩ O̩na e-efo̩: abo kʼo̩la-ma daji ale oji-wñ n, i muda chʼutodu abo-i; abelo̩na ala ej o̩na le̩ n, dagba ma chaka chʼame̩nidada.

Aizaya 49:11

Oñ nache kʼuwo uwo-mi du ki mud ejo̩na, ojikpadala ojikpadala-mi adʼata-te̩.

Eli Eko̩ DʼO̩jo̩ 68:4

Kʼeli ñwʼO̩jo̩, kʼeli do̩ odu-wñ; fʼikpadala ko̩ ñw e̩ne̩ kʼi tane̩ e̩wñ ale aje̩tachi le̩; odu-wñ ko̩ Jihofa, me̩ nagwoye o̩gba-wñ!

Aizaya 40:4

O̩go̩ o̩go̩ du ahi tʼate̩, uwo kpʼotete du la ahi wane̩; ane̩ ki de̩ kpokpolo ade̩ te̩e̩le̩, oñ o̩go̩ uwo o̩go̩kpe̩ amud egbili.