Aizaya 37:30 - O̩TAKADA O̩LA O̩JO̩ 1970

³⁰ E̩wñ ki la achʼujiwe-wñ ñw e̩ le̩ de̩ kakini: Me̩ aje̩ inane̩ e̩wñ e̩do̩-i, tak e-o̩do̩ ekeji achʼe-ki atiga kwef e-le̩ ge̩; taku me̩ fʼe̩wñ gbe̩ o̩do̩ e̩ke̩ta, ku me̩ la ko wʼunyi, me̩ ki la fʼuche̩ achiwebe̩te̩ma nyi kʼame̩ ki je̩ e̩ro-wñ.

Aizaya 37:30 ပူးပေါင်းရင်းမြစ်များ

2 Amonu 19:29

E̩wñ ki achʼujiwe-wñ ñw e̩ la de̩ kakini: O̩do̩-i ame̩ aje̩ e̩wñ ki tiga o̩to̩to̩la-wñ, tak o̩do̩ ekeji ame̩ aje̩ e̩wñ ki atiga kwef e-le̩; oñ o̩do̩ e̩ke̩ta ame̩ ki gbe̩ e̩wñ, ku me̩ ko wʼunyi, ame̩ ki ne achiwebe̩te̩ma, ku me̩ je̩ e̩ro-wñ.

Aizaya 7:14

I dʼabe̩le̩ mak Ondu onugo adʼujiwe ñw e̩. Go, igbe̩le̩ kʼi ma mʼe̩ne̩ke̩le̩ n le̩ adefu, i la abi o̩ma e̩ne̩ke̩le̩, oñ i adʼodu-wñ ko̩ Imaniue̩l.

2 Amonu 20:9

Tak Aizaya kakini, E̩wñ ki achʼujiwe kʼi akwʼugbo Jihofa ñw e̩ ka ku Jihofa ache e̩wñ kʼi ka le̩ de̩ kakini; olubo̩ ki te̩ nyʼo̩gba e̩re̩ me̩gwa abe̩k i te̩ tʼubi e̩re̩ me̩gwa?

Akwodufu 3:12

I kakini, Nadʼugbo we̩ chuu; e̩wñ ki chʼijali ñw e̩ ka kʼomi kpʼuwe̩ uche̩ de̩ kakini, E̩gba kʼe̩ mʼamone̩ le̩ ko kwʼIjipti dufu, me̩ are̩ O̩jo̩ oj uwo kide̩.

Aizaya 38:7

Ujiwe ki akwʼugbo Jihofa wa ñw e̩ ka ki Jihofa ache e̩wñ kʼi katane̩ ñw e̩-i de̩:

Abo Lifai 25:11

O̩do̩ ooje-wñ le̩ achʼo̩do̩ o̩ga echi ñwu me̩; ame̩ agbe̩ e̩wñ n, me̩ la aya inane̩-wñ kpai e̩ro achiwebe̩te̩ma ku me̩ ma ño̩ n jo̩ o̩do̩ le̩ n.

Aizaya 7:11

Ti Jihofa, O̩jo̩-we̩, ene kʼi dʼujiwe ñw e̩; tʼe ene ugbo unefu o̩gane̩ abe̩k atate̩ efojale.

Aizaya 65:21

Ma la akʼunyi ku ma adodo ef uwñ; ma la ane̩ uche̩ achiwebe̩te̩ma, oñ ma aje̩ e̩ro-wñ.