Aizaya 36:11 - O̩TAKADA O̩LA O̩JO̩ 1970

¹¹ Tak E̩layakim kpai She̩bna kpai Joa ka ñw Rabshake̩ kakini, Nagbo̩ko̩bʼe̩ kʼe̩ ko̩la ñw amadu-we̩-i ichi Siria, todu a gbo̩ e-le̩; e̩ ki la ko̩la ñw a ichi amaJu n, ki we etʼeti amone̩ ku ma jʼoj o̩do̩-i.

Aizaya 36:11 ပူးပေါင်းရင်းမြစ်များ

E̩zra 4:7

Oñ ef o̩kpanachi Artaze̩rksis, Bishlam kpai Mitre̩dat kpai Tabee̩l kpai ame̩numana-ma ki bo̩, fʼo̩takada ko̩ ru Artaze̩rksis, onu Pe̩rsia; ma fʼo̩takada le̩ ko̩ alu kʼabo Siria ako̩ kpai ichi Siria ge̩.

Danie̩l 2:4

Tak abo Kaldia ka ñw onu ichi abo Siria, kakini, O Onu, oji-we̩ ki gbo kala kala; e̩ ka ñw amadu-we̩ alu kʼe̩ nʼo̩na le̩ tak a akʼofe-wñ ñw e̩.

Aizaya 22:15

Abu kʼOndu Jihofa ki nʼe̩wñ du ka le̩ de̩ kakini, Lo, kʼe̩ nyʼugbo adi-gede-i, owñ che She̩bna, kʼunyi le̩ dʼef o̩wo̩-wñ, kʼe̩ kakini,

Aizaya 36:12

Ama Rabshake̩ kakini, Odu-we̩ kpʼuwe̩ kate oñ odu-mi kpʼumi uche̩ ru kʼu kʼo̩la-i ñw me̩? I chʼaboke̩le̩ ku ma jʼoj o̩do̩ i kpe̩ mi rʼu, kʼama ki je̩ echu-ma ku ma ñmo̩ itomifo-ma kpʼame̩ n?

Aizaya 36:13

Taku Rabshake̩ kwodago oñ i nʼomu lile akwa alichi amaJu, i kakini, Me̩ gbʼo̩la onu lile le̩, owñ chʼonu Asiria!

Danie̩l 1:4

Ama ki chʼabokolobia ku ma ma nʼe̩nyo̩lo̩ n, kʼo̩la-ma de̩ bo̩lo̩bo̩lo̩, ku ma chʼo̩ka e̩wñ ibe ojoji ojoji, ku ma chema e̩wñ, ku ma chemeju e̩wñ eko̩che̩. Ama ki ño̩ chʼabo ku ma bo̩jo̩ ku ma dago ef unyi onu; kʼama ki ko̩ ma e̩wñ kʼabo Kaldia ko̩che̩ kpai ichi-ma ge̩.

Aizaya 22:20

Tak i awatu o̩jo̩ le̩, kʼomi ado̩ adu-mi E̩layakim, o̩ma Hilkaya wa,