Aizaya 35:5 - O̩TAKADA O̩LA O̩JO̩ 1970

⁵ Tak eju amafeju achi, e̩wñ ki jʼeti amajeti la achi tinyo̩.

Aizaya 35:5 ပူးပေါင်းရင်းမြစ်များ

Aizaya 29:18

Tak o̩jo̩ le̩ amajeti agbʼo̩la ki dʼef o̩takada le̩, oñ eju amafeju agane̩ ugbo ki chubi gbe̩m.

Eli Eko̩ DʼO̩jo̩ 146:8

Jihofa achʼeju amafeju. Jihofa akʼabo ku ma pu tane̩ kwane̩ Jihofa afe̩do̩ ame̩no̩kpakpa.

Jo̩n 9:39

Taku Jisus kakini, Tod ajo̩ oñ omi wʼef ile̩ kide̩, todu kʼabo ku ma ma gane̩ n ki gane̩; i ño̩ chʼutodu kʼabo ku ma gane̩ ki mud afeju.

Aizaya 50:4

Ondu Jihofa mʼukpalu abo ku ma ko̩ ma e̩wñ du ñw mi, kʼu meju enʼo̩la fʼe̩ne̩ kʼuhia ahiʼo̩ ruko. I ajolu odudu o̩jo̩ñwa o̩jo̩ñwa, i ajʼeti-mi olu kʼi gbʼo̩la alu kʼako̩che̩ agbo̩.

Matiu 12:22

E̩gba le̩ ma dʼe̩ne̩ kʼi nʼebili wʼugbo-wñ, i chʼafeju kpai ajialu: oñ Jisus fʼo̩ga-wñ che kpa. Tak abale̩ ajialu le̩ kwoko̩la, i laño̩ gane̩.

Matiu 21:14

Tak amafeju kpʼabo ku ma chika lewʼugbo-wñ ef unyi O̩jo̩, oñ i fʼo̩ga-ma che.

Luku 4:18

Afu Ondu dʼo̩la-mi, todu i fʼekpo batʼumi oji kʼu najʼuche̩nyo̩ rʼame̩nale; i kpʼumi uche̩ kʼu fʼakoya uto̩no̩-tane̩ ta ñw ame̩namu, kpai ugane̩ ñw amafeju: kʼu fʼabo kʼuchobi che ma kpe̩ lolo ef uto̩no̩tane̩;

Aizaya 42:16

Omi la akʼamafeju wa lʼo̩na kʼama ma ma n, lʼikpa ikpa kʼama ma ma n oñ nane̩ ma le. Naje̩ ñw e̩chubi mud ugane̩ o̩gba-ma, oñ ugbo ki de̩ kpolo kpolo nache te̩e̩le̩. E̩wñ-i nache, u la ahiʼuma tinyo̩ n.

Abo E̩fe̩sus 5:14

Lef e-le̩ i kakini, Kwane̩, uwe̩ kʼuwe̩ alolu le̩, kʼe̩ kwane̩ kwef abo ki ku, taku Kraist ata dufu bʼe̩ ma.

Aizaya 43:8

Kʼamafeju ku ma nʼeju dufu wa, kpʼamajeti ku ma nʼeti!

Ita, Ita 20:12

Eti ki agbʼo̩la, kpai eju ki agane̩, Jihofa che ejeji-wñ.

Akwodufu 4:11

Taku Jihofa ka ñw u kakini, E̩ne̩ che alu one̩? abe̩k e̩ne̩ je̩ ñw one̩ ki chʼajialu, abe̩k ajeti, abe̩k agane̩, abe̩k akpejufo̩? I chʼomi, Jihofa-i n?

E̩wñ kʼAme̩nukpuche̩ Che 26:18

kʼe̩ mʼuma eju chi kʼama ki rida kwef e̩chubi tef ugane̩ kpai kwef o̩da Setan tugbo O̩jo̩, ku ma gba utʼadure no̩ kpʼukpe̩ e̩wñ ogu ef abo ku ma fo̩ lugbo e̩do̩ ekono ki dʼef umi.

Jo̩n 11:37

Ama iche̩kibo̩ efu-ma kakini, Owñ ki mʼeju afeju chi le̩, i nekeche kʼowñ-i ki we eku n?

Aizaya 48:8

Ochochi, e̩ gbʼo̩ mama ta n, e̩ la ma mama ta n, ochochi, eti-we̩ bi akwoubi n. Todu u chema ka kʼuwe̩ chʼe̩ne̩ ki adʼo̩wo̩ tef ukpo arʼo̩kpo̩, ma la te̩tadʼe̩ ko̩ e̩ne̩ ki ana bʼO̩jo̩ te̩ kwef uwile̩.

Job 33:16

e̩gbale̩ i abi eti amone̩, oñ i fʼo̩la kʼi ko̩ ma hiuko̩,

Je̩re̩maya 6:10

E̩ne̩ oñ omi ako̩la ñw u kʼu nagbibenu, kʼama agbo̩? Go, eti-ma la de̩pi n, ma la neke nʼeti rʼe̩wñ n; Go, o̩la Jihofa mud olina ñw ma, ma yo̩ ñw u kili kili n.

Aizaya 42:18

Me̩ gbo̩ ke, ame̩ amajeti; me̩ la go, ame̩ amafeju, kʼame̩ ki li!

Aizaya 50:5

Ondu Jihofa mʼeti-mi bi, u lañu rʼu n, u la dabi tʼubi n.