Aizaya 34:9 - O̩TAKADA O̩LA O̩JO̩ 1970

⁹ Oñ aji aji Ido̩m amud o̩bia te̩, ebutu-wñ la amud itolu, oñ ane̩-wñ amud o̩bia ki ajo̩.

Aizaya 34:9 ပူးပေါင်းရင်းမြစ်များ

O̩lo̩da Eduwa Onukeji 29:23

O̩chaka ane̩ le̩ chʼitolu kpai omu kpai una una, ma la du e̩wñ gbe̩ o̩mo̩ n, i abi e̩wñ n, egbe du atiga o̩mo̩ n, i dab e̩gulo̩ e-So̩do̩m kpai Gomo̩ra kpai Adma kpai Ze̩bo̩im, e-ki Jihofa gulo̩ ef uwe̩do̩-wñ kpai ef e̩do̩fulu-wñ;

Eli Eko̩ DʼO̩jo̩ 11:6

I akʼoku oku wa abʼame̩ne̩bibi oji ma owñ chʼuna kpai itolu; afu ki agwʼo̩la jo achʼukpe̩-ma ef ago-ma.

O̩la E̩bite 21:8

I la chʼe-amachokpo, kpʼabo ku ma ko ke̩do̩no, kpʼabo ihie̩ne̩, kpʼamakpone̩, kpʼame̩-nabutabu, kpʼamachobochi, kpʼamachode, kpʼamaremi chaka, ukpe̩ e-ma chʼef ubu ki ajo una kpai itolu; e-le̩ chʼuku ekeji.

O̩la E̩bite 19:20

Taku ma fʼe̩la le̩ mu kpʼakache̩ olemi manyʼu, owñ chʼe-ki che ujiwe eju-wñ le̩, e-kʼi ne̩ ko abo ku ma mʼina e̩la le̩ gba la, kpʼabo ku ma dojikane̩ ñw ojibo-wñ, oñ ma kʼudeju abo le̩ meji rikpolo tef odudu e-una ki nʼitolu ajo le̩.

O̩takada ki kwʼo̩wo̩ Jud 1:7

Alu ku So̩do̩m kpai Go̩mo̩ra kpʼewo ewo ki lʼo̩ daka, kʼo̩la-ma jʼef abutabu e̩che̩ ku ma laño̩ kwo̩tʼo̩re̩la ojoji ubi dab abo-i, taku ma mʼuma kojo̩ chʼuwo̩li alu kʼudu e-una ogbegbele̩ echi ade̩.

Luku 17:29

ama o̩jo̩ ku Lo̩t kwʼefu So̩do̩m dufu una kpai itolu lo̩ kwʼojale dab omiofo, oñ i fʼuma kpa rinyo̩ chaka:

Job 18:15

E̩wñ ki ma chʼowñ ne̩ n agugu ef unyabo-wñ; ma akʼitolu fia bʼodo-wñ ma.

Abakwane̩ 19:28

oñ i kejurʼo̩wo̩ So̩do̩m kpai Go̩mo̩ra kpai o̩wo̩ ane̩ egbili le̩ du, i la go, me̩ go, odudu ane̩ le̩ akwane̩ tʼate̩ tuu dabe̩ne̩ kʼodudu aido.

Aizaya 30:33

Todu ma fu Tofe̩t ñwo̩che tane̩ kwʼigbelegbele; ochochi, tod onu le̩ ma fʼu ñwo̩che te̩, i fʼe̩wñ gba jʼo̩mo̩ nana, una-wñ kpʼiji-wñ chʼololo. Afu ki kwef iñmo̩ Jihofa, ki dab aji kʼito̩lu acha ef uwñ, atʼuna-wñ jo.

Je̩re̩maya 49:13

Todu u fʼo̩la-mi go̩ Jihofa aka-i, ka ku Bozra amud e̩wñ awuwu, kpʼina kpʼane̩ e̩gbe̩, kpʼama; oñ ewo ewo-wñ chaka amud egbili e̩lanyi kpʼokuta gbogbo alo.