Aizaya 33:9 - O̩TAKADA O̩LA O̩JO̩ 1970

⁹ Ane̩-i tʼadaido̩, i te̩ ache̩do̩dudu; anyo̩ fu Le̩bano̩n mu, i la akwacha rinyo̩; Sharo̩n la dab aje̩tachi, eñmi Beahan kpai Karme̩l aña rinyo̩.

Aizaya 33:9 ပူးပေါင်းရင်းမြစ်များ

Job 15:33

I añʼe̩ro achiwebe̩te̩ma-wñ ki ma kpa ta n wane̩, dab ikeli achiwebe̩te̩ma, i la agwo̩ ikoko-wñ jane̩ dab oli o̩lif.

Eli So̩lo̩mo̩n 2:1

Omi chʼo̩dodo Sharo̩n, o̩dodo lili ki jʼef o̩go̩ le̩.

Aizaya 10:34

Tak i anʼebije da efoko ugbo ki jukpa, agbitiʼka alo̩ Le̩bano̩n wane̩.

Aizaya 14:8

I chaka chʼoli saiprus agwoye rʼuwe̩ oji, kpai oli sida e-Le̩bano̩n, kakini, Abu ku ma mʼuwe̩ du wane̩ le̩, i nʼadoli du kʼi awa kobʼuwa ge̩ n.

Aizaya 2:13

kpai abʼoli sida e-Le̩bano̩n du kʼi hi o̩la-wñ ne tʼatate̩ le̩ oji ma; kpai abʼoli ok e-Beshan le̩ oji ma chaka;

Aizaya 24:1

Go, Jihofa ache kʼane̩ ki chʼakpokpo te̩, i ache kʼi dʼalache̩, i ñʼarida bane̩ma, kʼi la fʼabo ku ma dodo oji-wñ fiatuka.

Aizaya 29:2

U muda adʼo̩bata ñw Arie̩l ta, aku kpʼinaku la ado̩mo̩ ñw u, owñ la adab Arie̩l ñw mi ochochi.

Aizaya 3:26

Alaku-wñ adinaku, i la adaido̩; oñ abu ku ma mʼe̩wñ gwo̩ bʼo̩ o̩la te̩, i la agugu ane̩pe̩te̩.

Aizaya 35:2

I adikoko ololo, i agwoguyo̩, uyo̩ kpʼeli eko̩ adʼefu-wñ. Ma adʼojima Le̩bano̩n ñw u, owñ chʼe̩wñ Karme̩i kpai Sharo̩n e̩te̩le̩. Abo le̩ ali ojima Jihofa, owñ chʼe̩gahi O̩jo̩-wa.

Aizaya 37:24

E̩ la fʼOndu bina lʼalu amadu-we̩, oñ e̩ kakini, U nʼuwewe o̩kane̩ ogu-mi wa oj uwo uwo ugbo ki gba tule, tʼejefu ejefu Le̩bano̩n; oñ u fʼoli oli sida-wñ ki gbo̩gba tule lo̩ wane̩, kpʼoli fe̩r fe̩r e-o̩me̩me̩le̩; tak u te̩gu tʼoj otete-wñ ki dʼo̩najiji tule, efoko-wñ ki hidu tule.

Aizaya 65:10

Sharo̩n amud okije̩ ame̩wño̩re̩ egini, o̩go̩ E̩ko̩r la amud ugbo kʼujo̩ ujo̩ amokuno̩ adachi jo̩, todu abo-mi kʼama tene mi.

Je̩re̩maya 50:19

Tak u ñʼadu Israe̩l dabi wa okije̩ e-wñ ge̩, owñ la ajije̩ oji Karme̩l kpai Beshan, oñ onugo-wñ aje̩ kʼefu oj uwo Ifraim kpai Gilead.

Hosiya 4:3

Todule̩ ane̩-i adaido̩, oñ e̩ne̩ du ki adodo oji-wñ gwegbo, manyʼame̩wñ iñmi oko, kpʼame̩we̩ ojale; i-i, ma ño̩ kʼame̩ja ohimini abadi ge̩.

Emo̩s 1:2

Oñ i kakini: Jihofa de̩ Zayo̩n akwa, i la de̩ Je̩rusale̩m anʼomu-wñ dala; oko ije̩ amadide le̩ adaido̩, oñ oji Karme̩l agbe̩.

Maika 7:14

Nʼo̩kpa-we̩ dejutʼabo-we̩, owñ chʼame̩wño̩re̩ egini e̩wñ ogu-we̩, kʼama kate gugu efoko alumeji ane̩ uro̩je̩; ama ki ño̩ jʼije̩ Beshan kpai Gilead dab igbele.

Nehum 1:4

I anukarʼohimini oñ i aje̩ ñw u gbe̩, i la aje̩ ñw aji aji du ki gbe̩; o̩la Beshan kpai Karme̩l akwacha, ododo Le̩bano̩n la acha.

E̩wñ kʼAme̩nukpuche̩ Che 9:35

Oñ abo du ku ma dodo Lida kpai Saro̩n fʼu li, oñ ma murida abʼOndu.

O̩lo̩da Eduwa Onukeji 3:4

A la mʼewo-wñ chaka ko iko le̩; ewo okate kʼa ma bʼuma gba n do̩mo̩ n; ewo-wñ chʼo̩gbo̩ me̩ta, kpai ane̩ du ki le Argo̩b daka, owñ chʼojane̩ O̩g Beshan.