Aizaya 32:16 - O̩TAKADA O̩LA O̩JO̩ 1970

¹⁶ E̩gbale̩ ajo̩ o̩kpakpa eka adodo aje̩tachi, oñ e̩wñ o̩kpakpa eche agugu ane̩ uro̩je̩.

Aizaya 32:16 ပူးပေါင်းရင်းမြစ်များ

Hosiya 3:5

Ubile̩ tak amo̩ma Israe̩l adabi, oñ ma atejane̩ Jihofa O̩jo̩-ma kpai Defid onu-ma; ma la awʼugbo Jihofa kpai ugbo e̩nyo̩-wñ iko o̩jo̩ otitala kpʼailo era.

Aizaya 60:21

Abo-we̩ chaka ñʼachʼame̩no̩kpakpa ge̩; ma ajʼane̩-i e̩wñ ogu o̩gbegbele̩, iga e̩wñ kʼomi chi ne de̩, uko̩lo̩ o̩wo̩-mi i che, todu kʼi chʼalifia e-mi.

Aizaya 42:4

Ejuduu achʼo n, e̩do̩-wñ akpabie̩ n gbogbo tak i mʼajo̩ o̩kpakpa eka du dago ane̩ ile̩; ala ala aneju uko̩-o̩la-wñ.

Aizaya 35:8

Ikpadala adʼano̩mo̩ kpʼo̩na, oñ ma adʼodu-wñ ko̩ O̩na e-efo̩: abo kʼo̩la-ma daji ale oji-wñ n, i muda chʼutodu abo-i; abelo̩na ala ej o̩na le̩ n, dagba ma chaka chʼame̩nidada.

Aizaya 28:6

i ñʼamud afu ajo̩ o̩kpakpa eka ñw e̩ne̩ ki gugu akajo̩, kpai ukpahiu ñw abo ku ma rʼogu da bʼalaku te̩.

Aizaya 33:5

Ma fu Jihofa hi ne me̩, todu i gugu atate̩; i je̩ ñw Zayo̩n che̩ko̩ ñw ajo̩ o̩kpakpa eka kpai e̩wñ o̩kpakpa eche;

Aizaya 42:11

Aje̩tachi kpai ewo ewo-wñ ki nachʼomu-ma nyʼate̩, kpai adogbe adogbe ugbo ku Kedar dodo le̩; abo ku ma dodo Sela ki nakʼeli, ama ki jʼoj uwo uwo akpogu.

Aizaya 48:18

O, uwe̩ ma netirʼuko̩ uko̩-mi! E̩gbale̩ ure̩do̩-we̩ ma dab aji, oñ o̩kpakpa-we̩ ma dab akpoli ohimini;

Ze̩karaya 8:3

Abu ki Jihofa aka de̩ kakini, Omi mudabi wa Zayo̩n me̩, omi ñʼadodo alumeji Je̩rusale̩m, taku ma ado̩ Je̩rusale̩m ko̩ ewo ugbo kʼochochi de̩, ma la ado̩ uwo Jihofa ki nʼe̩wñ du ko̩ Uwo kiafo.

Aizaya 11:9

Ma ache e̩wñ du e̩bie̩ne̩ abe̩k ekpʼe̩wñ bie̩ ugbo du oj uwo-mi kiafo̩-i n; todu ile̩ ako̩ ñw Jihofa ema alu kʼomi bʼohimini abadi ma.

Je̩re̩maya 31:23

Abu ki Jihofa ki nʼe̩wñ du kʼi chʼO̩jo̩ Israe̩l aka de̩, kakini, E̩ne̩de̩-i ma ñʼadʼo̩la-i ka ojane̩ Juda kpai ef ewo-wñ, e̩gba kʼu mʼamu-ma le̩ ko dabiwa, ma akakini, Jihofa ki de̩nyo̩ ñw e̩, O uwe̩ kʼe̩ chʼodo ugbo kʼo̩kpakpa de̩, O uwo kiafo̩-i!