Aizaya 32:15 - O̩TAKADA O̩LA O̩JO̩ 1970

¹⁵ gbogbo taku ma dʼAfu danyʼuwa oji kwʼate̩, kʼaje̩tachi la mud ane̩ uro̩je̩, oñ ane̩ uro̩je̩ dab efoko eju-ma.

Aizaya 32:15 ပူးပေါင်းရင်းမြစ်များ

Aizaya 29:17

Iko-wñ bo̩ re taku Le̩bano̩n amud ane̩ uro̩je̩ n? Kʼane̩ uro̩je̩ ki chʼe̩re̩ʼka kpʼefoko n?

Izikie̩l 39:29

u lañʼadʼeju-mi maja bʼuma te̩ ge̩ n; todu u mʼAfu-mi du danyʼunyi abo Israe̩l, Ondu Jihofa ka-i.

Aizaya 44:3

Todu nadʼomiofo danyʼe̩ne̩ kʼalugbe̩ akpa, kpʼaji aji ane̩ e̩gbe̩; nadʼAfu-mi danyʼugbe̩-we̩, kpʼe̩nyo̩-mi oji amato̩-we̩.

Aizaya 59:19

Abe̩le̩ tak ama arailo odu Jihofa akwʼo̩wo̩ olane̩, kpʼojima-wñ akwʼo̩wo̩ olodudu; e̩gba kʼe̩nebi le̩ ake̩che̩ wa dab uwobi omi, afu Jihofa adʼagaliga dago akpʼo̩na nyʼu.

E̩wñ kʼAme̩nukpuche̩ Che 2:33

Todule̩ abu kʼo̩wo̩ awo̩to̩ O̩jo̩ dʼowñ dago atate̩, kʼi laño̩ gba Afu Kiafo̩ ku ma katane̩ le̩ ugbo O̩jo̩ Ata, i fʼe̩wñ ku me̩ li ku me̩ la gbo̩ dafo-i.

Luku 24:49

Me̩ la go, omi akpʼe̩wñ kʼAta-mi kʼo̩la-wñ tane̩ le̩ dufu abʼume̩ ma: ame̩ ki muda gugu ewo-i, gbogbo wʼe̩gba ku ma dʼukpahiu kwo ojale tʼo̩la-me̩.

2 Abo Ko̩rint 3:8

abile kʼe̩wñ eche e-Afu ma adʼef ojima tule n?

Ze̩karaya 12:10

Tak u nadʼafu ufe̩de̩nyo̩ kpai ologu eche danyʼoji unyi Defid kpai oji abo ku ma dodo Je̩rusale̩m; taku ma akejurʼomi ku ma dʼe̩wñ gunyu le̩; ma la adʼaido̩-wñ alu kʼone̩ adaido̩ o̩mokpono-wñ, o̩la-wñ akpa nyʼuma e̩do̩ gaa alu kʼo̩la o̩mo̩gba one̩ akpa nyʼe̩ e̩do̩.

Eli Eko̩ DʼO̩jo̩ 104:30

Uwe̩ fʼAfu-we̩ kpe̩ dufu, ma che̩nyi te̩; oñ uwe̩ dabi añwʼane̩ che etito̩.

Aizaya 63:11

Tak i rewa o̩jo̩ igbegbele, e-Mose̩s kpai abo-wñ, kakini, Ugbo e̩ne̩ ki ko ma kwef ohimini dufu kpai abo ku ma dejutʼame̩wño̩re̩-wñ egini de̩? Ugbo E̩ne̩ ki dʼAfu-wñ Kiafo̩ tʼalumeji-ma le̩ de̩?

Aizaya 45:8

O efojale, kito̩ kwʼate̩ le̩ wane̩, ojale-i ki nakʼo̩kpakpa dafo bʼ ile̩ ma; ile̩-i ki chi alu te̩ kʼujadu ki bi dufu, kʼi ño̩ je̩ ñw o̩kpakpa tiga manyʼu; omi, Jihofa, fʼu nyi.

Ita, Ita 1:23

Eju kʼu nadarʼume̩-i, me̩ rida; go, omi adʼafu-mi danyʼume̩ o̩la; naje̩ ñw me̩ ma o̩la kʼu naka.

Aizaya 35:7

ugbo kʼe̩lanyi abʼeju je̩ nye̩nye̩nye̩, o̩mo̩ amud oduda omi; oñ ane̩ ki araku alugbe̩ amud e̩bi omi; ugbo kʼamogbemgbem dachi jo̩, amud egbe kpʼikeli kpʼuma.

Eli Eko̩ DʼO̩jo̩ 107:35

I arʼaje̩tachi da chʼoduda omi, kpai ane̩ e̩gbe̩ tef e̩bi omi.

Eli Eko̩ DʼO̩jo̩ 107:33

I arʼaji aji da ki mud aje̩tachi, e̩bi omi la rida ane̩ e̩gbe̩,

Jo̩n 7:39

Ama e-kʼi ka-i chʼo̩la Afu, ki bo̩ pe̩ kʼabo ku ma ke̩do̩nʼowñ agba: todu Afu do̩mo̩ ta n, todabu ku ma ma dʼojima ñwu Jisus e̩gbale̩ ta n.

Aizaya 28:6

i ñʼamud afu ajo̩ o̩kpakpa eka ñw e̩ne̩ ki gugu akajo̩, kpai ukpahiu ñw abo ku ma rʼogu da bʼalaku te̩.

Aizaya 59:21

I la chʼe-mi, alo kʼu nakpe̩ kpʼama de̩, Jihofa ka-i: Afu-mi kʼi bʼuwe̩ ma le̩ kpai o̩la-mi kʼu du tʼuwe̩ alu anʼuda alu-we̩ n, kpai alu ugbe̩-we̩ n, kpai alu ugbe̩ ugbe̩-we̩ n, akwʼe̩gba-i tʼogbegbele̩, Jihofa ka-i.

Izikie̩l 37:14

Tak u nadu Afu-mi tʼef ume̩, oñ ame̩ adeju, tak u nako me̩ jʼoj ane̩ e-me̩ onugo: oñ ame̩ ama ka kʼomi Jihofa ka, u laño̩ che ge̩, Jihofa ka-i.