Aizaya 32:13 - O̩TAKADA O̩LA O̩JO̩ 1970

¹³ ikeke kpai iñwa atiga ane̩ abo-mi; ochochi, i abʼoji unyi unyi uyo̩ du ef ewo uyo̩ le̩ ma.

Aizaya 32:13 ပူးပေါင်းရင်းမြစ်များ

Aizaya 22:2

O, uwe̩ kʼe̩ che̩ko̩ ñw ogu ekpa, ewo ekuku, iga uyo̩. Abo-we̩ ku ma kpa le̩, i chʼo̩kwo̩chageli oñ ma ne̩ kpa ma n, ma la ku ef ogu n.

Hosiya 9:6

Todu go, ma kwo bʼe̩kpabie̩ te̩ me̩; Ijipti aya ma jo̩, Me̩mfis ako ma ji. Iñelekpe anʼe̩wñ ube̩do̩-ma e-ajifa le̩; ikeke ajʼef unyabo-ma.

Aizaya 34:13

Iñwa atiga ef unyi ojima-wñ, ikeke kpʼedudu egbe ajʼef aku-wñ ejefu. I la achʼugbo kʼamo̩gbemgbem anʼunyi-ma, ologbo amo̩bijim i ache.

Aizaya 7:23

I lañʼade̩ iko le̩ ka kʼugbo du kʼikeli achiwebe̩te̩ma icham nyʼo̩gwo̩ko̩ kʼaja-wñ bo̩ she̩ke̩l icham nyʼo̩gwo̩ko̩ jo̩ te̩tajo̩ akwoubi, o̩mo̩ amud iñwa kpʼikeke.

Hosiya 10:8

Ma ñʼakpʼotete otete Afe̩n, kʼi chʼadure Israe̩l le̩, fo̩ ge̩. Ikeke kpʼedudu egbe aya oj ubo̩ iche̩bo̩-ma; taku ma ka ñw uwo uwo ki gbo̩gba kakini, Bʼuwa ma, ma aka ñw uwo uwo kakini, Mulo̩ bʼuwa ma.

Je̩re̩maya 39:8

Tak abo Kaldia nʼuna fʼunyi onu kpʼunyi unyi abo ki bo̩ gujo, ma la fʼaku Je̩rusale̩m kpo̩fo̩ wane̩.

Aizaya 6:11

Tak u kakini, Ondu gbogbo nyʼe̩gba ta? I kakini: Gbogbo tak ewo ewo ki mud alache̩ kʼe̩ne̩ du ma ñʼadodo ef uwñ ge̩ n, kʼunyi unyi ma ñʼanʼone̩ ge̩ n, kʼane̩-i mud alache̩ hioko,

Aizaya 5:6

Nache kʼi mud ikpo te̩; ikeli-wñ ñʼanʼeño̩ ge̩ n, ma adigbala-wñ n, chai iñwa kpʼikeke atiga jʼo̩mo̩; u ñʼañwa ñw akpa ojale ki we eje̩ ñw omi lo̩ bʼo ma.

Eli Eko̩ DʼO̩jo̩ 107:34

ane̩ uro̩je̩ rida ane̩ o̩kpakpala, tod e̩bie̩ne̩ kʼabo ki dodo o̩mo̩ ache.

Aizaya 5:10

Todu ikpoga uche̩ achiwebe̩te̩ma me̩gwa anʼomi otube̩ meji, ulu e̩wñ agbamgbam me̩gwa ku ma gbe̩, agbamgbam oka ma ali efu-wñ.

Aizaya 23:7

Ewo uyo̩-me̩ de̩-i, kʼuchane̩-wñ chʼigbelegbele? kʼe̩re̩-wñ nʼowñ nyʼo̩najiji kʼi ge̩ne̩ o̩mo̩?

Aizaya 23:9

Jihofa ki nʼe̩wñ du fʼibe-i ñwa, kʼi fʼuto̩ eju uba-wñ chaka kpabie̩, kʼabojima ile̩-i du ki mud e̩wñ e̩de̩te̩.

Aizaya 24:11

Aku ero̩ jʼejo̩na-wñ tod omi achiwebe̩te̩ma; uyo̩ du kwodade, iya ane̩ le̩ du le me̩.

Aizaya 27:10

Todu ewo ki nʼaku le̩ kate dago e-wñ, odo ku ma hi tinyo̩, ku ma to̩no̩ te̩ dab aje̩tachi; o̩mokuno̩ ajije̩ o̩mo̩, o̩mo̩ i la adachi, i la alʼeñmi-wñ.

Aizaya 55:13

Oli fe̩r atiga koji ikeke; oli me̩rte̩l la atiga koji iñwa; i la ade̩ ñw Jihofa tod odu ki chʼujiwe ogbegbele̩ ki ma nʼuda ge̩ n.

Je̩re̩maya 33:4

Todu abu ki Jihofa, O̩jo̩ Israe̩l, ka ugbo unyi unyi ewo-i kpai ugbo unyi unyi amonu Juda ku ma kpo̩fo̩ wane̩ ku ma mʼu ko chʼaku tod ugbudu ku ma du le̩ kpai o̩kwo̩chageli.

Je̩re̩maya 52:27

Tak onu Babilo̩n fʼuma gwo, oñ i mʼuma ko kpa Ribla, ane̩ Hamat le̩. Abe̩le̩ ma fʼabo Juda ño̩ kwʼoj ane̩-ma nyʼef amu.

Hosiya 2:3

tode̩gba kʼu nafʼu tago ofo, kʼu nadʼowñ te̩ alu kʼi de̩ o̩jo̩ kʼiye-wñ biʼi, kʼu nadʼu che dabe̩ne̩ kʼaje̩tachi, kʼu ño̩ dʼu gugu dabe̩ne̩ kʼane̩ e̩gbe̩, kʼu la nʼalugbe̩ akpʼo̩.