Aizaya 32:1 - O̩TAKADA O̩LA O̩JO̩ 1970

¹ Go, Onuʼka adejutʼane̩ wñ lo̩na o̩kpakpa, oñ amagboji la achʼe̩wñ o̩da-ma alu kʼoj ajo̩ o̩kpakpa ka.

Aizaya 32:1 ပူးပေါင်းရင်းမြစ်များ

2 Samiue̩l 23:3

O̩jo̩ e-Israe̩l ka ñw mi, Okuta Israe̩l kakini, E̩ne̩ ki nʼo̩da amone̩ kʼi chʼe̩no̩kpakpa, anʼo̩da-wñ lef e̩gahi O̩jo̩ kʼi abu.

Eli Eko̩ DʼO̩jo̩ 45:1

E̩do-mi agba o̩la e̩nyo̩ dufu; e̩wñ kʼu li ugbo onu le̩ naka; ukpalu-mi chʼiko kʼi aya e̩wñ eko̩.

Eli Eko̩ DʼO̩jo̩ 99:4

Ukpahiu Onu kʼi afe̩do̩ oj ajo̩ ochochi eka, uwe̩ fʼu lonyane̩ ef o̩kpakpa; uwe̩ fʼajo̩ ochochi kpai o̩kpakpa che kpa efu Jeko̩b.

Aizaya 11:4

i muda anʼo̩kpakpa akajo̩ ame̩nubie̩, i akpʼoji o̩la okpoko tod ame̩ne̩chikimi ile̩-i; la anʼo̩kpa alu-wñ gwo ane̩-i, oñ i anʼafu ki kwef uko-wñ dufu kpa e̩ne̩bibi.

Aizaya 11:5

O̩kpakpa la achʼe̩wñ ujiñmi-wñ, ubi one̩ eche la achʼe̩wñ ulago-wñ de.

Aizaya 16:5

Taku ma adʼedeʼka lonyane̩ ef ufe̩de̩nyo̩ oñ e̩ne̩ʼka agugu oji-wñ ef ochochi ef unyabo Defid i akajo̩, i la atejane̩ ajo̩ o̩kpakpa eka kʼi la anaju e̩wñ o̩kpakpa eche.

Aizaya 28:6

i ñʼamud afu ajo̩ o̩kpakpa eka ñw e̩ne̩ ki gugu akajo̩, kpai ukpahiu ñw abo ku ma rʼogu da bʼalaku te̩.

Aizaya 33:5

Ma fu Jihofa hi ne me̩, todu i gugu atate̩; i je̩ ñw Zayo̩n che̩ko̩ ñw ajo̩ o̩kpakpa eka kpai e̩wñ o̩kpakpa eche;

Aizaya 4:6

Abe̩le̩ ebu ade̩ kʼi chʼolubo̩ tod o̩la ki akpa o̩ro̩ka, kʼi ño̩ mud uña ki agbʼone̩ nyi tod afu kpʼomi ki alo̩.

Je̩re̩maya 33:14

Go, iko-wñ awa, Jihofa ka-i, kʼomi ache teju o̩la e̩nyo̩ kʼu ka ugbo unyi Israe̩l kpai ugbo unyi Juda.

Je̩re̩maya 33:15

Iko le̩ kpʼe̩gba le̩, naje̩ ñw Epa O̩kpakpa kʼi pa ñwu Defid; owñ le̩ ache teju alu kʼoji ajo̩ o̩kpakpa ka, i la ache e̩wñ o̩kpakpa oj ane̩-i.

Izikie̩l 37:24

Taku Defid, adu-mi, ajʼonu-ma, o̩chaka-ma la anʼadide okate; ma la alule̩ tʼeju oji ajo̩-mi o̩kpakpa, ma la ade e̩wñ uhio̩me̩-mi, ku ma che teju-wñ.

Hosiya 3:5

Ubile̩ tak amo̩ma Israe̩l adabi, oñ ma atejane̩ Jihofa O̩jo̩-ma kpai Defid onu-ma; ma la awʼugbo Jihofa kpai ugbo e̩nyo̩-wñ iko o̩jo̩ otitala kpʼailo era.

Ze̩karaya 9:9

E̩ nagwoguyo̩ nana, uwe̩ o̩monobule̩ e-Zayo̩n! Fʼo̩ga chi, uwe̩ o̩monobule̩ e-Je̩rusale̩m! Go, onu-we̩ awʼugbo-we̩ me̩; e̩no̩kpakpa i che, owñ la nʼujadu, e̩no̩bata i che; i tanʼo̩ke̩ke̩te̩ awa, owñ chʼo̩ma kʼo̩ke̩ke̩te̩ bi.

Abo Rom 5:21

todu kʼalu kʼadure chʼonu ef uku le̩, kʼufe̩de̩nyo̩ ki ño̩ chʼonu abe̩le̩ lef o̩kpakpa tef iñmi ogbegbele̩ lefu Jisus Kraisti Ondu-wa ge̩.

O̩la E̩bite 17:14

Abo-i akʼogu bʼO̩mala le̩, tak O̩mala le̩ afʼuma du todabu kʼowñ chʼOndu amodu kpʼOnu amonu, abo ku ma la jʼugbo-wñ chʼabo ku ma do̩ kpʼabo ku ma chi kpʼabo ku ma chubi-wñ.

O̩la E̩bite 19:11

Tak u li abu ku ma mʼefojale chite̩, e̩ la go, anya efufu kpʼe̩ne̩ ki gugu oji-wñ, e-ku ma do̩ kʼE̩nuke̩do̩no ogbolo kpʼE̩nochochi; oñ ajo̩-wñ kʼi aka kpʼogu kʼi aja chʼo̩kpakpa.