Aizaya 31:9 - O̩TAKADA O̩LA O̩JO̩ 1970

⁹ Tak okuta kʼi lo̩nʼo le̩ alale rinyo̩ noji okpo kʼi achi, agaliga-wñ ku ma li aje̩ ñw e̩do̩ amagboji-wñ muda kpu, Jihofa, kʼuna-wñ dʼefu Zayo̩n, kʼaido-wñ la de̩ Je̩rusale̩m, aka-i.

Aizaya 31:9 ပူးပေါင်းရင်းမြစ်များ

Malakai 4:1

Todu, go, o̩jo̩-wñ awa, una-wñ ajo dabe̩ne̩ kʼe-aido; oñ abo ku ma ke du, kpai abo ku ma chʼuko̩lo̩ bibi du, amud elikpo oj inata; o̩jo̩ ki awa le̩ agu uma jo rinyo̩, Jihofa ki nʼe̩wñ du ka-i, tʼili, tʼe̩to̩-wñ i ato̩no̩ ñwu ma n.

Aizaya 29:6

Jihofa ki nʼe̩wñ du, anʼakpabana kpʼane̩ emiejo kpʼekuku lile kpʼofutu kpʼafu ibi kpʼo̩go̩ una ki afʼe̩wñ lie̩, awa fejudʼe̩.

Ze̩karaya 2:5

Todu omi Jihofa ka-i, omi onugo chʼaku una alʼo daka, omi laño̩ achʼojima alumeji-wñ.

Aizaya 18:3

Ame̩ ku me̩ dodo ile̩-i chaka, kpai ame̩ ku me̩ jo̩ ane̩-ile̩-i, e̩gba ku ma dʼagaliga dago oj uwo uwo, me̩ go! Oñ e̩gba ku ma fʼo̩kakachi fa, me̩ gbo̩!

Aizaya 10:17

Ugane̩ e-Israe̩l la akoji una, E̩ne̩-wñ Kiafo̩ le̩ la akoji o̩go̩ una; oñ i ajo̩, i afʼikeke-wñ kpai iñwa-wñ lie̩ o̩jo̩ kate.

Aizaya 4:4

e̩gba kʼOndu nʼAfu e-ajo̩ kpʼe-una fʼechu amo̩ma onobule̩ Zayo̩n gwe̩ rinyo̩ kpa, kʼi la fʼe̩bie̩ Je̩rusale̩m deli rinyo̩ bʼalumeji-wñ te̩,

O̩lo̩da Eduwa Onukeji 32:37

Tak i akakini, Ugbo amo̩jo̩-ma jo̩? Owñ chʼokuta-ma ku ma chubiyo̩ le̩,

O̩lo̩da Eduwa Onukeji 32:31

Todu okuta e-ma la dab Okuta e-wa n, i chaka chʼame̩nebi-wa onugo, ma ñwa abe̩le̩ me̩.

Abo Lifai 6:13

Una ki najo oji ubo̩ iche̩bo̩ le̩ o̩ko̩ko̩lo̩; i ki lu n.

Aizaya 30:33

Todu ma fu Tofe̩t ñwo̩che tane̩ kwʼigbelegbele; ochochi, tod onu le̩ ma fʼu ñwo̩che te̩, i fʼe̩wñ gba jʼo̩mo̩ nana, una-wñ kpʼiji-wñ chʼololo. Afu ki kwef iñmo̩ Jihofa, ki dab aji kʼito̩lu acha ef uwñ, atʼuna-wñ jo.

Aizaya 11:10

Oñ iko le̩ ili Je̩si adago chʼagaliga amone̩ ojoji ojoji; abo uche̩ichi uche̩ichi atejane̩ uwñ; uña uñmi-wñ la achʼojima.

Aizaya 5:26

I la adʼagaliga dago ñw abo uche̩ichi ku ma jʼo̩najiji, i afufo dʼe̩ne̩ʼka kwʼukpoji ane̩-ile̩-i wa; me̩ la go, ma ahiane̩ wa piopio!

Aizaya 10:16

Todule̩ Ondu, kʼi che Jihofa ki nʼe̩wñ du, akʼo̩ga o̩gbe̩ kpuche̩rʼabo-wñ ki yoyo, ma la akʼuna jʼofe ojima-wñ, dabe̩ne̩ kʼuna ki agu e̩wñ jo̩.

Aizaya 13:2

Me̩ dʼagaliga dago oj uwo ki de̩ gbagada, me̩ kpogu do̩ ma taa; nʼo̩wo̩ do̩ ma kʼama ki gudu wʼalaku alaku ame̩nojima.

Aizaya 26:1

O̩jo̩ kʼa ka-i taku ma akʼeli-i ane̩ Juda kakini: A fʼewo ki gbiti ne me̩; i adʼujadu chʼo̩do̩-wñ kpʼaku-wñ.

Aizaya 27:7

I fʼu gwo alu kʼi gwo abo ku ma gwo owñ? abe̩k uku kpa owñ alu kʼi kpa abo ku ma kpʼowñ?

Aizaya 66:15

Todu go, Jihofa alʼef una wa, o̩kogu-wñ la adab ofutu, kʼi afʼuke̩do̩fulu e̩do̩-wñ wo̩ru ma, kʼi la anʼo̩go̩ una fʼuka-wñ nu.

Aizaya 17:13

Abo uche̩ichi uche̩ichi afule dab eruru omi ki wewe, owñ muda adejurʼuma, taku ma ara nyʼo̩najiji, ma la ane̩ ma ule dabalu kʼafu akwu igbogbo e̩wñ oj uwo uwo, kpai alu kʼololo ada e̩gba kʼomi atene elo̩.

Aizaya 37:37

Taku Se̩nake̩rib onu Asiria kwʼo̩mo̩ le, i la mudabi tʼubi agugu Nine̩fa.