Aizaya 29:8 - O̩TAKADA O̩LA O̩JO̩ 1970

⁸ Ma la adab e̩gba kʼe̩ne̩ kʼebi akpʼo̩ kʼi nʼo̩na ka kʼi nʼe̩wñ aje̩ kʼi muda mʼolu ji efu-wñ te̩ ofo, abe̩ku ma adab e̩gba kʼe̩ne̩ kʼolu-gbe̩ akpʼo̩ kʼi nʼo̩na ka kʼi nʼonu añmo̩ kʼi muda mʼolu ji oñ ochuchu achʼo, olugbe̩ la akpʼo̩ ta, abe̩le̩ o̩wo̩ abo uche̩ichi du ku ma kʼogu bʼuwo Zayo̩n ade̩.

Aizaya 29:8 ပူးပေါင်းရင်းမြစ်များ

Aizaya 44:12

Agwalo̩ nʼebije agwu i achʼuko̩lo̩ ef ige̩-wñ; i anʼutum añwʼo̩ che teju-wñ, i anʼo̩wo̩-wñ ki gbiti agwu; i-i, ebi akpʼo̩, ukpahiu-wñ la abulo̩; i añmʼomi n, ochuchu achʼo.

Eli Eko̩ DʼO̩jo̩ 73:20

Alu kʼo̩na de̩ e̩gba kʼone̩ jʼolu, abe̩le̩, Ondu, e̩gba kʼe̩ mʼolu ji, uwe̩ ache̩de̩te̩ ojibo-ma.

2 Iko Iko E̩wn 32:21

Taku Jihofa fʼonuche̩ kpe̩ wa, oñ e-le̩ fʼamagbiti ku ma nʼuwohi chaka gwoda jʼane̩, kpʼame̩nuto̩gba kpʼamagboji ogu ef uru onu Asiria. Oñ i mudabi tʼane̩-wñ kpʼanyo̩. Tak e̩gba kʼi mugudu tʼef unyi o̩jo̩-wñ, abo-wñ onugo kʼi dʼato̩-wñ bi nʼo̩kwo̩chagali kpa o̩mo̩.

Aizaya 54:17

e̩wñ ido̩na ogu du ku ma gwu ku ma ane̩ kobʼuwe̩ anoji n, oñ ukpalu du ki akwane̩ tʼuwe̩ o̩la ef ajo̩ uwe̩ akpʼo̩ abi. E̩wñ e̩wñ ogu kʼamadu Jihofa aje̩ le̩ de̩ kpai o̩kpakpa-ma kʼomi chʼe̩te̩-wñ, Jihofa ka-i.

Nehum 1:15

Go, e̩re̩ e̩ne̩ kʼi dʼuche̩nyo̩ wa le̩ dʼoj uwo uwo me̩, owñ kʼi adʼure̩do̩ kpogo le̩! Fʼuje̩wñ uyo̩-we̩ de, O Juda, fʼoji kʼe̩ da ra, todu e̩ne̩bibi le̩ ñʼalale gu ef uwe̩ du ge̩ n, ma fʼu ko̩da rinyo̩ hioko.

Eli Eko̩ DʼO̩jo̩ 129:5

Je̩ ñw anyo̩ ki mu abo du ku ma chulaka Zayo̩n! ku ma mudabi tʼubi.

Aizaya 41:11

Go, anyo̩ amu abo du kʼe̩do̩-ma kparʼuwe̩, ibe-ma adajugu nyʼomune̩; abo ku ma kʼuja bʼe̩ amud ofofo ma la alenyo̩.

Aizaya 41:12

Uwe̩ ate̩jane̩ ma, e̩ ñʼali ma ge̩ n; owñ chʼabo ku ma kobʼuwe̩ le̩; abo ku ma kʼogu bʼe̩ adabe̩ne̩ kʼama ma de̩ n abe̩i, ma la adab e̩wñ o̩wai ofofo.

Nehum 2:1

E̩ne̩ kʼi akpʼe̩wñ fo̩ rʼane̩ lewa kʼi akobʼe̩. Kʼone̩ jʼoj aku; mʼeju ko rʼo̩na; fʼago-we̩ ji; fʼo̩la ukpahiu-we̩ ji gaga.