Aizaya 29:18 - O̩TAKADA O̩LA O̩JO̩ 1970

¹⁸ Tak o̩jo̩ le̩ amajeti agbʼo̩la ki dʼef o̩takada le̩, oñ eju amafeju agane̩ ugbo ki chubi gbe̩m.

Aizaya 29:18 ပူးပေါင်းရင်းမြစ်များ

Matiu 11:5

amakpejufo̩ adabi agane̩, amachika alule̩, o̩la ame̩no̩ga ikpemute afe̩, amajeti la agbo̩la, ma kʼabo ki ku kwane̩, ma ño̩ jʼUche̩nyo̩ rʼame̩nale.

Aizaya 35:5

Tak eju amafeju achi, e̩wñ ki jʼeti amajeti la achi tinyo̩.

Mark 7:37

Ibe la takpa rʼuma efu chaka, ma kakini, I fʼe̩wñ du che o̩me̩me̩le̩; i aje̩ ñw amajeti onugo ku ma gbo̩la, kpai amajalu ku ma ko̩la.

Aizaya 32:3

Oñ abo ku ma gane̩ ade̩ bulubulu ge̩ n, eti abo ku ma gbʼo̩la la anʼeti rʼe̩wñ.

Ita, Ita 20:12

Eti ki agbʼo̩la, kpai eju ki agane̩, Jihofa che ejeji-wñ.

Eli Eko̩ DʼO̩jo̩ 119:18

Uwe̩ ki mʼumi eju chi, kʼu ko̩che̩ e̩wñ aye ef uko̩-o̩la-we̩.

E̩wñ kʼAme̩nukpuche̩ Che 26:18

kʼe̩ mʼuma eju chi kʼama ki rida kwef e̩chubi tef ugane̩ kpai kwef o̩da Setan tugbo O̩jo̩, ku ma gba utʼadure no̩ kpʼukpe̩ e̩wñ ogu ef abo ku ma fo̩ lugbo e̩do̩ ekono ki dʼef umi.

Luku 7:22

Tak i dohi ñwu ma kakini, Me̩ nyʼadʼinabali e̩wñ ku me̩ li ku me̩ la gbo̩ ñwu Jo̩n; amafeju agane̩, amachika alule̩, o̩la ame̩no̩ga ikpemute akwo hiolo; amajeti agbo̩la, ma jʼakʼabo ki ku kwane̩, ma jʼajʼuche̩nyo̩ rʼame̩nale;

Aizaya 29:24

Abo ku ma la ef afu-ma ge̩, ama le̩ ñʼawʼugbo oji e̩wñ ema, oñ abo ku ma jʼakeñmini agba e̩wñ ku ma ko̩ ma.

O̩la E̩bite 3:18

Nadʼibe ñw e̩ kʼe̩ la ajamalia kʼuna gwe̩ ugbo mi, todu kʼuwe̩ ki chʼanana; kpʼe̩wñ o̩la efufu, todu kʼuwe̩ ki ko bʼo̩la ma, kʼanyo̩ ago ofo-we̩ ki we etejugede; kpʼogu eju, kʼe̩ dʼu kurʼeju-we̩, todu kʼuwe̩ ki gane̩.

1 Pita 2:9

Ame̩ muda chʼo̩lo̩pu kʼO̩jo̩ chi. Me̩ chʼuche̩ amatama kʼo̩wo̩ onu ne̩ me̩, abo uche̩ichi kiafo̩, amone̩ todu kʼo̩wo̩-wñ ki ne̩ me̩ ki nʼugbo ku me̩ akʼunyo̩-wñ dufu, owñ ki fʼume̩ do̩ kwef e̩chubi tef ugane̩-wñ ki chʼawuwu le̩.

Abo E̩fe̩sus 5:14

Lef e-le̩ i kakini, Kwane̩, uwe̩ kʼuwe̩ alolu le̩, kʼe̩ kwane̩ kwef abo ki ku, taku Kraist ata dufu bʼe̩ ma.

Jo̩n 6:45

I che̩ko̩tane̩ ef o̩takada amakache̩ kakini, O̩jo̩ akʼo̩chaka-ma e̩wñ. E̩ne̩ du ki gbʼo̩la ugbo Ata, ki la ko̩che̩, awugbo mi.

Luku 4:18

Afu Ondu dʼo̩la-mi, todu i fʼekpo batʼumi oji kʼu najʼuche̩nyo̩ rʼame̩nale; i kpʼumi uche̩ kʼu fʼakoya uto̩no̩-tane̩ ta ñw ame̩namu, kpai ugane̩ ñw amafeju: kʼu fʼabo kʼuchobi che ma kpe̩ lolo ef uto̩no̩tane̩;

Matiu 16:17

Oñ Jisus dohi ka ñw u kakini, Uwe̩ gbede, uwe̩ Saimo̩n Barjona, todu o̩re̩la kpʼe̩bie̩ biʼi rʼe̩ eju n, chai Ata-mi kʼi dʼefojale.

O̩lo̩da Eduwa Onukeji 29:4

Jihofa muda dʼe̩do̩ ñw e̩ kʼe̩ mʼe̩wñ kpai eju kʼe̩ nʼagane̩ kpai eti kʼe̩ nʼagbo̩la gbogbo tʼeñini n.

Jo̩n 9:7

tak i ka ñw u kakini, Nalo, kʼe̩ gwe̩ ef abukpe omi e-Sailoam (e-ku ma jo-mudechi-wñ ko̩ Ekpuche̩). Todule̩ i le, i la fʼu gwe̩, oñ i gane̩ awa.

Aizaya 42:7

kʼe̩ chi eju amafeju, kʼe̩ kʼame̩namu kwef ura dufu, kpai abo ku ma gugu ef e̩chubi kwef ugbo ku ma da ma hi te̩.

Aizaya 42:19

E̩ne̩ chʼafeju ki ma chʼadu-mi n? abe̩k ajeti alu kʼonuche̩-mi kʼu nakpʼo̩ uche̩ de̩? E̩ne̩ chʼafeju dab e̩ne̩ ki tʼo̩la no̩ ñw mi le̩? e̩ne̩ la chʼafeju alu kʼadu Jihofa de̩?

Aizaya 43:8

Kʼamafeju ku ma nʼeju dufu wa, kpʼamajeti ku ma nʼeti!

Danie̩l 12:4

I muda chʼuwe̩, Danie̩l, fʼo̩wo̩ nʼo̩la le̩, kʼe̩ la fʼo̩takada-wñ hiuko̩, gbogbo wʼiko ukpoji. Amone̩ wewe ara tʼemi, tʼano̩mo̩, e̩wñ ema la anana nyo̩gba.