Aizaya 29:14 - O̩TAKADA O̩LA O̩JO̩ 1970

¹⁴ todule̩, go, nañʼachʼe̩wñ awuwu ef amone̩-i, e̩wñ awuwu kpai e̩wñ uno̩ i ache; oñ ibe amanibe-ma alenyo̩, oji e̩wñ ema e-ame̩nugbeju-ma la alenyo̩ rʼeju.

Aizaya 29:14 ပူးပေါင်းရင်းမြစ်များ

Habakuk 1:5

Me̩ go ef abo uche̩ichi abo uche̩ichi ku me̩ li; ku me̩ yaye-wñ nana; todu omi do̩mo̩ achʼuko̩lo̩ʼka iko e-me̩-i kʼame̩ ma jʼado̩ rʼochochi n, dagba one̩ ki chaka ka ñw me̩.

Aizaya 28:21

Todu Jihofa akwane̩ dab ugbo uwo Pe̩razim, i awe̩do̩ dab ef o̩go̩ Gibeo̩n le̩; todu kʼi chʼuko̩lo̩-wñ, owñ chʼuko̩lo̩ ejaduña-wñ le̩! Kʼe̩wñ kʼi la ache le̩ ki noji, e̩wñ kʼi ache ojoji le̩!

Je̩re̩maya 49:7

E-Ido̩m de̩. Abu ki Jihofa ki nʼe̩wñ du aka de̩ kakini; Ibe ño̩ de̩ Teman ge̩ n? O̩la elo lenyo̩ bʼabo ku ma mʼe̩wñ te̩? Ibe-ma lenyo̩ rʼile̩?

Luku 10:24

Todu naka ñwu me̩ kakini, I dʼamakache̩ kpai amonu wewe e̩do̩ ku ma li e̩wñ kʼame̩ li-i, ma la li u n; ku ma la gbo̩ e̩wñ kʼame̩ gbo̩-i, ma la gbo̩ n.

O̩badaya 1:8

Jihofa kakini, Omi akpʼamanibe rinyo̩ bʼIdo̩m te̩, kpai oji e̩wñ ema kwʼoj uwo Iso̩ o̩jo̩ le̩ n?

Job 5:13

I amu amanibe ef ugbeju-ma onugo; oñ o̩la kʼame̩nugbejualo anoji n.

1 Abo Ko̩rint 3:19

Todu ofili ile̩ kide̩ chʼe̩fule̩fu ugbo O̩jo̩. Todu i che̩ko̩tane̩ kakini, I agwo̩nyʼame̩nofili ef ugbeju-ma;

Abo Rom 1:28

Oñ alu ku ma ko̩ eñwa ki nyo̩ ku ma nʼO̩jo̩ ef e̩wñ ku ma ama, O̩jo̩ la fʼuma turʼibe ki ko̩ eñwa e̩wñ ru, ku ma nache e̩wñ ki ma chʼeju-wñ n.

Aizaya 19:3

une̩do̩ Ijipti la adafo alumeji-wñ; u ñʼakʼo̩la ku ma lo mi; taku ma atene ugbo ode ode, kpai ugbo amachifamu, kpai abo ku ma dʼiche̩kpa kpai amake̩ma.

Aizaya 10:12

Todule̩ i awatu ka kʼe̩gba kʼOndu fʼuko̩lo̩-wñ chaka che abʼoj uwo Zayo̩n kpai abʼiJe̩rusale̩m ma, i abʼudu ñw e̩wñ kʼi dʼe̩do̩ onu Asiria kʼi agba kpai eju-wñ ki chʼeju eke.

Aizaya 44:25

kʼi akʼujiwe amaremi gwuji, kʼi la aje̩ ñw amabifa himu; kʼi la arʼamanibe da tʼubi, oñ i aje̩ ñw ibe-ma mud idada;

Aizaya 63:17

O Jihofa, e̩wñ chi kʼuwe̩ aje̩ ñw a la bʼo̩na o̩na-we̩ te̩ kʼe̩ la je̩ ñw e̩do̩-wa ki no̩ kʼa ma railo we̩ n? Mudabiwa tod amadu-we̩-i, owñ chʼabo̩lo̩pu o̩lo̩pu ku ma chʼe̩wñ ogu kʼe̩ je̩ le̩.

Aizaya 65:7

udu e-me̩ onugo manyʼudu kʼamata-me̩ fe̩; todu kʼama fʼotulale gujo oj uwo uwo ku ma la fʼakpabie̩-mi che oj otete otete, todule̩ oñ omi añwa uko̩lo̩-ma ejodudu le̩ nyʼagbe̩do̩-ma, Jihofa ka-i.

Job 12:17

I anʼabo̩hiala alo ago ofo, i la akʼamakajo̩ chʼame̩nidada.

Je̩re̩maya 19:7

Omi la akʼo̩la ki Juda kpai Je̩rusale̩m lo ef uña-i chʼofofo, oñ naje̩ ñwu ma wane̩ alu o̩kwo̩chageli rʼo̩gba ame̩nebi-ma, kpai lʼo̩wo̩ abo ku ma tene oji-ma ge̩. Nakʼoku-ma chʼuje̩wñ ame̩we̩ ojale kpai ame̩la abe̩re̩me̩le̩ ane̩-ile̩-i.