Aizaya 28:27 - O̩TAKADA O̩LA O̩JO̩ 1970

²⁷ Ma gwu igogo ef agu dab o̩ka n ma la li o̩kane̩ lʼoji kumin kʼe̩yo̩-wñ ki ta n; ma muda nʼoli fiili gwu igogo, oñ ma nʼo̩kpa gwu kumin.

Aizaya 28:27 ပူးပေါင်းရင်းမြစ်များ

Aizaya 41:15

Go, omi dʼuwe̩ chʼugwo̩ka etito̩, ki ale̩ ki ño̩ nʼenyi; uwe̩ agwu uwo uwo du e̩ la agwu ye̩ge̩ye̩ge̩, uwe̩ la ache kʼotete otete du ki mud igbogbo;

Emo̩s 1:3

Abu ki Jihofa aka de̩ kakini: Tod ada me̩ta ku Damaskus je̩, i-i, tod e̩wñ le̩ me̩le̩, u ñʼarʼudu ku ma bu ñw u da bʼo̩ te̩ n; todabu ku ma nʼe̩wñ ebije ku ma ne̩ gwʼ o̩ka fu Gilead gwu.

Je̩re̩maya 46:28

E̩ ki railo n, O Jeko̩b, adu-mi, Jihofa aka-i, todu omi dʼugbo-we̩. Todu nachʼida abo uche̩ichi uche̩ichi ugbo du kʼu ne we̩ tu le̩ kpa, u muda achʼida-we̩ kpoji n. Nakʼuwe̩ o̩la teju alu kʼoji ajo̩ ka, i la nʼugbo du kʼu nadale ñw e̩ kpa n.

Je̩re̩maya 10:24

E̩ ko̩ mi o̩la, O Jihofa, e̩ muda che alu kʼoj ajo̩ kʼe̩ dute̩ ka; e̩ ki che ef uwe̩do̩-we̩ n tode̩gba kʼe̩ mʼumi du chʼofofo.

2 Amonu 13:7

Todu i tʼamone̩ no̩ ñwu Jihoahaz in, chai amananya ooje, kpai o̩kogu me̩gwa kpʼabo ogu ku ma lule̩ e̩re̩ icham nyʼo̩gwo̩ko̩ me̩gwa; todu onu Siria fʼuma kpa rinyo̩, i che ma dabe̩ne̩ kʼebutu ku ma kpetili mʼane̩.

Matiu 23:23

Atogwo ñw ame̩, amako̩takada kpai amaFarisi, ame̩nayechi! todabu ku me̩ fʼache̩fa kpai aulu kpai aiñmili kpe̩ rʼe̩gwa, oñ me̩ mʼojiʼka-wñ ko ñw Ondu; me̩ la tʼe̩wñ o̩lo̩da ki woji no̩ tinyo̩, owñ chʼajo̩ o̩kpakpa eka kpai ejumomi eli kpai e̩do̩ ekono. I muda dukpe̩ ku me̩ chʼe̩wñ-i tila, ku me̩ la we etʼe-kibo̩ le̩ no̩ tinyo̩.

Ita, Ita 20:26

Onu ki nʼibe afʼame̩ne̩bibi fiatuka, i la agwʼuma alu ku ma gwʼo̩ka.

Aizaya 28:26

Todu O̩jo̩-wñ akʼo̩ tʼo̩kpakpa, i la adʼibe ñw u.

Aizaya 28:28

Eno̩ ma no̩ e̩wñ e̩yo̩ tod uje̩wñ; todu i adʼef egwu-wñ gbogbo alo n; dagba i nʼo̩kane̩ kʼamanya-wñ afo̩ le oji-wñ i chʼeno̩ i anʼo̩ le̩ n.