Aizaya 27:13 - O̩TAKADA O̩LA O̩JO̩ 1970

¹³ Oñ i awatu iko le̩ kʼama afa o̩kakachi lile, tak abo ku ma jo̩ alenyo̩ oj ane̩ Asiria kpai abo ku ma ne bʼane̩-ma te̩ ku ma jo̩ ane̩ Ijipti awa ku ma dojikane̩ ñw Jihofa oj uwo kiafo̩ Je̩rusale̩m le̩.

Aizaya 27:13 ပူးပေါင်းရင်းမြစ်များ

2 Amonu 17:6

O̩do̩ Hoshia e̩ke̩la onu Asiria fu Samaria du, oñ i mʼabo Israe̩l ño̩ le tu Asiria, oñ i mʼuma ko jo̩ Hela, kpai o̩la omi Hebe̩r, owñ chʼaji Gozan le̩, kpai ewo ewo, abo Me̩dia.

1 Iko Iko E̩wñ 15:24

Oñ She̩banaya kpai Jiho̩shafat kpai Ne̩tane̩l kpai Amesai kpai Ze̩karaya kpai Be̩naya kpai E̩lieza, amatama le̩, nʼo̩kakachi afa o̩gba akpati O̩jo̩; oñ Obe̩d-ido̩m kpai Je̩haya chʼamadʼalo̩na tod akpati le̩.

Eli Eko̩ DʼO̩jo̩ 47:5

O̩jo̩ mute̩gu le kpai ogu ekpa, owñ che Jihofa ki nʼomuko̩la o̩kakachi le̩.

Eli Eko̩ DʼO̩jo̩ 81:3

Fʼo̩kakachi fa e̩gba kʼochu ne̩ etito̩, e̩gba kʼochu lewʼubi owñ chʼo̩jo̩ uje̩wñ uyo̩-wa le̩.

Eli Eko̩ DʼO̩jo̩ 89:15

Amone̩ ku ma ma udo̩ uje̩wñ uyo̩ gbede, O Jihofa, abo le̩ jʼalule̩ ef ugane̩ eju-we̩,

Aizaya 11:11

Tak i awache iko le̩ kʼOndu adʼo̩wo̩-wñ tʼo̩ onukeji kʼi fʼe̩bobo̩ amone̩-wñ la ñw o̩la-wñ, owñ chʼabo ku ma bo̩bo̩ kwʼAsiria kpai Ijipti kpai Patro̩s kpai Kush kpai Elam kpai Shainar kpai Hemat kpai ala ala ohimini abadi.

Aizaya 11:12

I la adʼagaliga dago tod abo uche̩ichi uche̩ichi, oñ i akʼabo Israe̩l, ku ma ne ma tʼoko oko ale, jeju, tak i akʼabo Juda ku ma fiatuka kwʼago̩go̩ me̩le̩ ile̩-i wa jo̩.

Aizaya 11:16

Tak ikpadala ade̩ tod abo-wñ ku ma bo̩bo̩ ku ma kwo Asiria wa, alu ki de̩ ñw abo Israe̩l iko ku ma kwʼane̩ Ijipti te̩gu wa le̩.

Aizaya 18:3

Ame̩ ku me̩ dodo ile̩-i chaka, kpai ame̩ ku me̩ jo̩ ane̩-ile̩-i, e̩gba ku ma dʼagaliga dago oj uwo uwo, me̩ go! Oñ e̩gba ku ma fʼo̩kakachi fa, me̩ gbo̩!

Aizaya 19:21

Taku Jihofa aje̩ ñw abo ijipti ki fʼowñ ma, oñ abo Ijipti la ama Jihofa o̩jo̩ kʼa ka-i; ochochi, ma anʼe̩wñ iche̩bo̩ kpai e̩wñ ele wa adojikane̩ ñw u, ma la adoji ñw Jihofa, taku ma ache.

Aizaya 19:22

Jihofa la agwo Ijipti, egwo i agwʼo, tak i akpʼagbe-wñ. Ma la adabi wa ñw Jihofa, oñ i anetirʼo̩ko̩ ku ma gbabʼo̩, tak i achʼo̩ga-ma kpa.

Aizaya 2:11

Ma ahi eju eke e-one̩ wane̩, oñ ma adʼeñwo̩ kʼamone̩ añwo̩ oji lo; Jihofa kate la achʼe̩ne̩ kʼi adʼatate̩ o̩jo̩ kʼa ka-i.

Aizaya 2:2

I awatu e̩gba o̩jo̩ otitala kʼe̩re̩ uwo unyi Jihofa alonyane̩ oj uwo uwo du, ma la ahiʼu nyʼate̩ tʼotete otete du le; oñ abo uche̩ichi uche̩ichi du atukpo̩o̩ awʼugbo-wñ,

Aizaya 2:3

tak amone̩ ojoji ojoji wewe anyʼaka kakini: Me̩ lewa kʼa mute̩gu nyʼuwo Jihofa, nyʼunyi O̩jo̩ e-Jeko̩b; tak i ako wa o̩na o̩na-wñ oñ a ale ikpa-wñ ikpa-wñ. Todu efu Zayo̩n oñ uko̩-o̩la le̩ akwo dufu nyʼugbo du, o̩la Jihofa la akwo Je̩rusale̩m wa.

Aizaya 25:6

Taku Jihofa ki nʼe̩wñ du anʼe̩wñ e̩nyo̩ hi uje̩wñ uyo̩ ñw amone̩ du oj uwo-i, uje̩wñ o̩te̩ achiwebe̩te̩ma ki bie̩ nyu, kpʼe-e̩wñ oyo kʼo̩ko̩to̩ chʼe̩kefu-wñ, e-o̩te̩ achiwebe̩te̩ma ki bie̩ nyu ku ma fʼu ta jalii.

Aizaya 43:6

naka ñw o̩wo̩ o̩pata ate̩ kakini, Dʼu tinyo̩, naka ñw o̩wo̩ o̩pata o̩gane̩ kakini, E̩ ki dʼo̩ hi tʼubi n; kʼamo̩ma e̩ne̩ke̩le̩-mi kwʼo̩najiji wa kpai amo̩ma onobule̩-mi kwʼukpoji ane̩ ile̩ wa,

Aizaya 49:7

Abu ki Jihofa, kʼi chʼAgba Israe̩l tane̩ kpai E̩ne̩-wñ Kiafo̩, aka ñw e̩ne̩ kʼabo ile̩ ache̩de̩te̩-wñ le̩, owñ chʼe̩ne̩ kʼabo ichi-i ahihie̩ne̩-wñ, kʼi laño̩ chʼadu abo̩da de̩ kakini, Amonu ali, ma la akwane̩; kpai amagboji taku ma adojikane̩; todu Jihofa ki achubi one̩, kʼi chʼE̩ne̩ Kiafo̩ e-Israe̩l kʼi chi we̩.

Aizaya 56:8

Ondu Jihofa ki aya abo Israe̩l ku ma fʼuma ne le̩ kakini, Naño̩ kʼabo omune̩ wa jo̩ ñw u manyʼabo-wñ ku ma yajo̩ le̩ ge̩.

Aizaya 66:18

Todu u chema e̩wñ ku ma che kpʼibe ku ma kpe̩, iko kʼu nakʼabo uche̩ichi du kpai ichi ichi du wa jʼugbokate awa me̩; oñ ma awa, ma la ali ojima-mi,

Aizaya 66:23

Akwʼiko kʼochuʼka ne gbogbo wʼiko kʼochu omune̩ ne kpai akwʼo̩jo̩ uñmiʼka wʼo̩jo̩ uñmi omune̩, o̩re̩la du awa adojikane̩ o̩gba-mi, Jihofa aka-i.

Je̩re̩maya 31:6

Todu o̩jo̩-wñ ade̩ e̩gba kʼamadide adudo̩ oj ane̩ uwo Ifraim kakini: Me̩ kwane̩, kʼa te̩gu nyi Zayo̩n, ugbo Jihofa O̩jo̩-wa.

Je̩re̩maya 43:7

Oñ ma lewa Ijipti, todu ma gbʼomu Jihofa gbo̩ n; oñ ma lewa Tapanhe̩s.

Je̩re̩maya 44:28

Oñ abo ku ma fu bʼalu o̩kwo̩chageli te̩ adabi kwʼoj ane̩ Ijipti tʼoj ane̩ Juda, aluka-ma ade̩ ke̩e̩; tak abʼe̩bo̩bo̩ Juda, ku ma nyʼane̩ Ijipti ku ma ge̩ne̩ o̩mo̩, ama o̩la e̩ne̩ ki adago, e-mi abe̩k e-ma.

Izikie̩l 20:34

Omi la ako me̩ kwʼef amone̩ amone̩ dufu, oñ nanʼo̩wo̩ e̩gbiti kpʼo̩wo̩ e̩nadala te̩ kpʼe̩dafo e̩do̩fulu aya me̩ kwʼojane̩ ojane̩ ugbo ku me̩ mukpatuka ru le̩ jo̩.

Izikie̩l 20:41

Nagba me̩ dabe̩ne̩ kʼe̩wñ ki akpo tinyo̩ e̩gba kʼu ko me̩ kwef amone̩ amone̩ dufu, kʼu fʼume̩ ya kwʼojane̩ ojane̩ ugbo ku me̩ mukpatuka ru le̩ jo̩. Tak omi amud e̩ne̩ kiafo̩ ef ume̩ eju abo uche̩ichi uche̩ichi.

Izikie̩l 39:25

Todule̩ abu kʼOndu Jihofa ka de kakini, Fai tak u narʼamu Jeko̩b da, oñ nail o̩gbo abo unyi Israe̩l du ejumomi; oñ najogu tod odu-mi kiafo.

Danie̩l 11:45

Tak i afa unyabo onu-wñ agbagba ohimini abadi kpʼuwo alifai kiafo̩ le̩; ida-wñ muda awa chuu, i la anʼe̩ne̩ ki ate̩ko owñ n.

Hosiya 11:11

ma achi kwo Ijipti wa kpʼo̩la ega dab ame̩we̩, ma la akwo oj ane̩ Asiria wa dab ikede; tak omi aje̩ ñw ma gugu ef unyi unyi e-ma, Jihofa aka-i.

Hosiya 8:13

I chʼe-e̩wñ ku ma ko wa akpa chʼiche̩bo̩ ñw mi le̩, ma fʼe̩wñ o̩re̩la kpa oñ ma mʼu ko je̩; Jihofa muda agba ma n. Fa-i tak i arewa udu ku ma fe̩, oñ i awa fejudo adure-ma; ama adabi nyʼIjipti.

Hosiya 9:3

Ma agugu oj ane̩ Jihofa n; Ifraim muda adabi nyʼIjipti, ma la aje̩ uje̩wñ elifo̩ Asiria.

Abo Lifai 25:9

Tak uwe̩ aje̩ ñwu ma fʼo̩kakachi fa taa o̩jo̩ e̩ke̩gwa ochu e̩kebie le̩; o̩jo̩ ku ma che e̩wñ e̩boma le̩ oñ me̩ aje̩ ñw o̩kakachi le̩ fa taa ugbo du oj ane̩-me̩.

Maika 7:14

Nʼo̩kpa-we̩ dejutʼabo-we̩, owñ chʼame̩wño̩re̩ egini e̩wñ ogu-we̩, kʼama kate gugu efoko alumeji ane̩ uro̩je̩; ama ki ño̩ jʼije̩ Beshan kpai Gilead dab igbele.

Ze̩karaya 14:16

Oñ i awatu ka kʼe̩ne̩ du ki bo̩ ef abo uche̩ichi du ku ma wa kobo̩ Je̩rusale̩m anyʼo̩mo̩ o̩do̩ o̩do̩ ku ma dojikane̩ ñw Onu, Jihofa ki nʼe̩wñ du, ku ma laño̩ de uje̩wñ e-ebu emu le̩.

Ze̩karaya 8:7

Abu ki Jihofa ki nʼe̩wñ du aka de̩ kakini, Go, najadu abo-mi kwo ane̩ olodudu kpai akwo ane̩ o̩wo̩ olane̩;

Malakai 1:11

Todu akwugbo kʼolu akwane̩ odudu gbogbo tʼugbo kʼi atunyʼane̩, odu-mi anana ef abo uche̩ichi; oñ ugbo tʼugbo du ma akʼe̩wñ ki akpo wa ñw odu-mi, kpai e̩wñ ele ki fe̩; todu odu-mi anana ef abo uche̩ichi, Jihofa ki nʼe̩wñ du ka-i.

Matiu 24:31

Tak i akpʼamonuche̩-wñ uche̩ manyʼuko̩la o̩kakachi lile, oñ ma kʼabo-wñ kʼi chi ma tane̩ wajo̩, ma akwo o̩wo̩ afu me̩le̩ kwo ukade efojale gbogbo wʼukade-wñ e̩jekeji.

Luku 4:18

Afu Ondu dʼo̩la-mi, todu i fʼekpo batʼumi oji kʼu najʼuche̩nyo̩ rʼame̩nale; i kpʼumi uche̩ kʼu fʼakoya uto̩no̩-tane̩ ta ñw ame̩namu, kpai ugane̩ ñw amafeju: kʼu fʼabo kʼuchobi che ma kpe̩ lolo ef uto̩no̩tane̩;

Abo Rom 10:18

Ama u kakini, Ama gbo̩ n? Ma gbo̩ mana, Omu-ma dufu tʼugbo du ane̩ ile̩; uko̩la-ma le dufu gbogbo tʼotitala ugbo kʼone̩ dodo kade ile̩-i.

1 Te̩s 4:16

Todu Ondu onugo agwo̩ru kwʼefojale wa kpai udo̩ e-o̩da kpai omuko̩la agboji amonuche̩ O̩jo̩ kpai o̩kakachi O̩jo̩, tak abo ki ku efu Kraisti adabi kwane̩ ejodudu,

Abo Hibru 12:22

ame̩ muda dufu wa ugbo uwo Zayo̩n kpʼugbo ewo e-O̩jo̩ ki deju owñ che Je̩rusale̩m e-efojale, kpʼugbo amonuche̩ icham nyʼo̩gwo̩ko̩ wewe,

O̩la E̩bite 10:7

ama iko o̩jo̩ omuko̩la onuche̩ e̩kebie-i, e̩gba du kʼi le kʼi fʼo̩kakachi, afili O̩jo̩ kpoji, alu kʼi fʼuche̩nyo̩-wñ je̩rʼamadu-wñ ku ma chʼamako̩che̩-wñ.

O̩la E̩bite 8:2

Tak u li amonuche̩ ku ma dago o̩gba O̩jo̩; oñ ma mʼo̩kakachi mebie ko̩ ñw ma.

O̩la E̩bite 8:6

Tak amonuche̩ mebie ku ma nʼo̩kakachi mebie le̩ fʼo̩la-ma ñwo̩che jo̩ ku ma fʼokakachi.

O̩la E̩bite 9:14

kʼi aka ñw onuche̩ e̩ke̩fa ki nʼo̩kakachi le̩ kakini, Mʼamonuche̩ me̩le̩ ku ma chʼe̩ji ugbo ohimini lile e-Yufretis le̩ tu jʼane̩.