Aizaya 24:15 - O̩TAKADA O̩LA O̩JO̩ 1970

¹⁵ Todule̩, me̩ nadʼojima ñw Jihofa o̩wo̩ olodudu; owñ chʼodu Jihofa, O̩jo̩ Israe̩l le̩, oj ane̩ o̩lʼohimini.

Aizaya 24:15 ပူးပေါင်းရင်းမြစ်များ

Malakai 1:11

Todu akwugbo kʼolu akwane̩ odudu gbogbo tʼugbo kʼi atunyʼane̩, odu-mi anana ef abo uche̩ichi; oñ ugbo tʼugbo du ma akʼe̩wñ ki akpo wa ñw odu-mi, kpai e̩wñ ele ki fe̩; todu odu-mi anana ef abo uche̩ichi, Jihofa ki nʼe̩wñ du ka-i.

Aizaya 60:9

Ala ala aneju-mi chuu, o̩ko̩ o̩ko̩ Tarshish atʼo̩gba, ku ma kʼamo̩ma-we̩ e-e̩ne̩ke̩le̩ kwʼo̩najiji wa, ajifa kpʼo̩jamalia-ma ajʼugbo ma, ku ma ko ma wa ñw odu Jihofa O̩jo̩-we̩, kpai todu E̩ne̩ Kiafo̩ e-Israe̩l, todu i fʼo̩ñwe̩ chenyʼe̩ me̩.

Aizaya 51:5

O̩kpakpa e-mi me̩ru awa, ujadu-mi ledufu me̩, o̩wo̩ e-mi la akajo̩ amone̩ du; ala, ala anede mi; ma la akibenʼo̩wo̩-mi.

Aizaya 49:1

O ala, ala, me̩ netirʼumi, me̩ gbo̩, ame̩ amone̩ ki kwʼo̩najiji. Jihofa fʼumi do̩ kwef uwile̩, akwʼefu iye-mi oñ i rʼomu dʼodu-mi.

Aizaya 42:10

Me̩ ki kʼeli etito̩ ñw Jihofa, kpai uñwulo̩-wñ kwʼukpoji ane̩ ile̩! Owñ chʼame̩ ku me̩ gwo̩ru nyʼef ohimini abadi ale, kpai e̩wñ du ki jʼef uwñ, ala ala kpai abo ku ma dodo o̩mo̩.

Aizaya 42:4

Ejuduu achʼo n, e̩do̩-wñ akpabie̩ n gbogbo tak i mʼajo̩ o̩kpakpa eka du dago ane̩ ile̩; ala ala aneju uko̩-o̩la-wñ.

1 Pita 3:15

me̩ ki muda che ku Kraisti ki chʼOndu kʼi nafo̩ ef e̩do̩-me̩: o̩la-me̩ ki che mutane̩ e̩gba du ku me̩ nʼohi ku me̩ adu ñw e̩ne̩ du ki atʼume̩ ene oji-wñ ugbo o̩la ibe ekono ki dʼef ume̩, me̩ muda dohi efu o̩chikimi kpai ailo.

1 Pita 1:7

Todu ku ma ki li ka kʼe̩do̩ ekono-me̩ ku ma añwago kʼi chʼe̩wñ akoko tʼo̩jamalia ki akpabie le nana dagba ma chaka nʼuna gwe̩, anʼuñwulo̩ kpʼojima kpʼubumo̩ ef ebite̩ Jisusi Kraist,

E̩wñ kʼAme̩nukpuche̩ Che 16:25

Ama ame̩ru alumeji odu Po̩l kpai Sailas jʼachadua, akele O̩jo̩, oñ abunyi uga jʼanetirʼuma;

Ze̩fanaya 2:11

Jihofa achʼe̩wñ ubailo ñw ma; todu owñ aje̩ ñw elu amo̩jo̩ ane̩ ile̩-i du ki muda, tak ala ala abo uche̩ichi du adojikane̩ ñw u, e̩ne̩ne̩ne̩ne̩-ma ache e̩gu-wñ.

Aizaya 66:19

tak u nadʼujiwe dago efu-ma. Oñ nakʼabo-ma ku ma fʼo̩wo̩ tane̩ kpuche̩ rʼabo uche̩ichi, nyi Tarshish kpai Pul kpai Lud ku ma tʼo̩fa, kpai Tubal kpai Jafan, tʼugbo ala ala ki jʼo̩najiji, kʼama ma gbʼuwohi-mi n, ku ma ma la li ojima-mi n; tak abo le̩ adʼojima-mi ka dufu ef abo uche̩ichi.

Aizaya 41:5

Ala ala fʼu li me̩ ma la arailo, ukpoji ukpoji ane̩ ile̩-i agagogodo; ma la ate̩wa oñ ma wa-i.

Aizaya 25:3

Todule̩ amone̩ ku ma chʼamagbiti abumʼuwe̩; ewo abo uche̩ichi uche̩ichi ku ma bailo le̩ arailo uwe̩.

2 Abo Te̩se̩lonaika 1:12

todu kʼama ki bʼojima mʼodu Ondu-wa Jisus ef ume̩, kpʼame̩ ef owñ ge̩, teju ufe̩de̩nyo̩ O̩jo̩-wa kpʼOndu Jisus Kraisti.

E̩sta 10:1

Oñ onu Ahasurus fʼe̩wñ ire̩ bu ñw abo ile̩ kpai abo oj e̩da e̩da ohimini.

Aizaya 12:4

O̩jo̩ le̩ me̩ la aka kakini: Me̩ gogbodo̩ Jihofa, me̩ kwado̩ odu-wñ; kʼe̩wñ kʼi che kpogo rʼef amone̩, me̩ ki ka dufu ka ku ma fʼodu-wñ hi tʼatate̩ me̩.

Aizaya 26:8

Jihofa, awa te̩tejʼej o̩na ugbo kʼuwe̩ akpʼoji o̩la anede we̩; odu-we̩ kpai urewa-we̩ chʼe̩wñ kʼonugo-wa añeju-wñ-i.

Aizaya 42:12

Ama ki dʼojima ñw Jihofa, ku ma dʼuñwulo̩-wñ ka dufu ala ala.