Aizaya 2:22 - O̩TAKADA O̩LA O̩JO̩ 1970

²² Me̩ ki we eke̩do̩nʼone̩ kʼiñmi dʼef iñmo̩-wñ ofo, todu ab i de̩ kʼi awʼe̩ne̩ du eju?

Aizaya 2:22 ပူးပေါင်းရင်းမြစ်များ

Je̩re̩maya 17:5

Abu ki Jihofa ka de̩ kakini: Ama dʼoji one̩ ki ke̩do̩nʼone̩ kʼi la dʼore̩la chʼo̩wo̩ ugbiti-wñ, kʼe̩do̩-wñ la ana bi Jihofa te̩.

Eli Eko̩ DʼO̩jo̩ 146:3

Me̩ ki ke̩do̩no ame̩numo̩la n, kpai o̩ma e-one̩, e-kʼate̩ko ma dʼefu-wñ n.

Jeme̩s 4:14

me̩ la ma e̩wñ ki ade̩ o̩na n. Ab iñmi-me̩ de̩? Todu ame̩ chʼatula ki atejugede pe̩e̩ tak i alenyo̩ rʼeju.

Eli Eko̩ DʼO̩jo̩ 8:4

one̩ chʼe̩wñ kʼuwe̩ adʼibe tʼo̩ ta? kpai o̩ma one̩ kʼuwe̩ awa gʼo ta?

Aizaya 40:15

Go, abuche̩ichi uche̩ichi dab e̩kito̩ omiʼka ki kito̩ kwef otube̩, ma fʼuma lorʼebutu re ki dʼo̩la e̩bo̩; go, i akʼala ala omi kwane̩ dab ebutu ki akwu.

Eli Eko̩ DʼO̩jo̩ 62:9

Ochochi amone̩ chʼafu ki adufu lef iñmo̩, one̩ e-one̩ la chʼolemi; ma ko ma jʼoji e̩bo̩ ma ale tʼate̩; ma de̩ fuye̩e̩ tʼafu ki lʼef iñmo̩ dufu le.

Abakwane̩ 7:22

e-du kʼafu iñmi dʼef iñmo̩-wñ, e-du ki de̩ ane̩ e̩gbe̩ leku.

Abakwane̩ 2:7

taku Jihofa O̩jo̩ nʼebutu fʼone̩ bo̩, oñ i ñmiñmi afu e-iñmi nyʼiñmo̩-wñ; oñ one̩ mud onugo one̩ kʼi nʼiñmi.

Job 27:3

(gbogbo abu kʼiñmi dʼefu-mi ta, kʼafu O̩jo̩ la dʼef iñmo̩-mi);

Aizaya 40:17

Abuche̩ichi du chʼo̩wai eju-wñ, i fʼuma lorʼe̩wñ ki nyarʼofofo, o̩wai ma che.

Aizaya 51:12

Omi, owñ chʼomi pitii chʼe̩ne̩ ki anyʼuma e̩do̩; e̩ne̩ e̩ che kʼe̩ arailo one̩ ofo ki aku? kpai o̩ma one̩ ki adab egbe taa?

Malakai 3:15

Fa-i awa la dʼabo ku ma ke ko abo ku ma gbede; abo ku ma chʼe̩wñ bibi anana nyʼo̩gba; ochochi, ma la jʼO̩jo̩ ma oñ ma mufu tane̩.