Aizaya 2:16 - O̩TAKADA O̩LA O̩JO̩ 1970

¹⁶ kpai abʼoji o̩ko̩ Tarshish ma chaka, kpai abʼoji e̩wñ uñeju du ma.

Aizaya 2:16 ပူးပေါင်းရင်းမြစ်များ

1 Amonu 10:22

Todu onu nʼo̩ko Tarshish wewe nʼoj ohimini le̩ manyʼo̩ko̩ o̩ko̩ Hairam ge̩. Onuʼka ef o̩do̩ me̩ta o̩ko̩ o̩ko̩ Tarshish te̩take̩che̩ wa, ane̩ o̩jamalia kpai ajifa, kpʼenyi adagba, kpai amoge, kpʼamewe̩ ku ma do̩ ko̩ piko̩k wa.

Aizaya 23:1

O̩la Taya de̩. Kwa, ame̩ o̩ko̩ Tarshish du, todu ma fu Taya kpe̩fo̩ te̩, unyi du bo̩ ge̩ n, i nʼegudu nyʼo̩mo̩ n! Ma dʼu tejugede ñw ma kwʼoj ane̩ Saipro̩s.

O̩la E̩bite 18:11

Oñ amachinyama ane̩ ile̩ araku ma la adaido̩ tod owñ, todabu kʼe̩ne̩ du ma ñʼala e̩wñ aja-ma ge̩ n;

Aizaya 60:9

Ala ala aneju-mi chuu, o̩ko̩ o̩ko̩ Tarshish atʼo̩gba, ku ma kʼamo̩ma-we̩ e-e̩ne̩ke̩le̩ kwʼo̩najiji wa, ajifa kpʼo̩jamalia-ma ajʼugbo ma, ku ma ko ma wa ñw odu Jihofa O̩jo̩-we̩, kpai todu E̩ne̩ Kiafo̩ e-Israe̩l, todu i fʼo̩ñwe̩ chenyʼe̩ me̩.

Eli Eko̩ DʼO̩jo̩ 47:7

Todu O̩jo̩ chʼonu ane̩-ile̩ du; me̩ ki keli dʼo̩ ibe ibe!

Ekaluka 33:52

tak ame̩ ki nʼabo ku ma dodo ane̩ o̩mo̩ bʼume̩ o̩gba te̩, ku me̩ la fʼokuta-ma ku ma kina nyʼu kpo̩fo̩ chaka, ku me̩ la fʼojibo-ma ku ma da le̩ guche̩, ku me̩ la fʼotete-ma ki gbo̩gba le̩ chaka gbe̩ wane̩,

O̩la E̩bite 8:9

oñ ukpe̩ e̩ke̩ta e̩wñ kʼO̩jo̩ nyi ku ma nʼiñmi ku ma jʼef ohimini le̩ leku; oñ ukpe̩ e̩ke̩ta o̩ko̩ chihi rinyo̩.

Aizaya 2:17

Tak ehine e-one̩ adʼoji lo̩, ma la ahi eke e-amone̩ wane̩; oñ Jihofa kate chʼe̩ne̩ kʼi adʼatate̩ o̩jo̩ kʼa ka-i.

Aizaya 23:14

Kwa, ame̩ o̩ko̩ Tarshish, todu ma fʼaku-me̩ kpo̩fo̩ me̩.

Aizaya 66:19

tak u nadʼujiwe dago efu-ma. Oñ nakʼabo-ma ku ma fʼo̩wo̩ tane̩ kpuche̩ rʼabo uche̩ichi, nyi Tarshish kpai Pul kpai Lud ku ma tʼo̩fa, kpai Tubal kpai Jafan, tʼugbo ala ala ki jʼo̩najiji, kʼama ma gbʼuwohi-mi n, ku ma ma la li ojima-mi n; tak abo le̩ adʼojima-mi ka dufu ef abo uche̩ichi.

Izikie̩l 27:25

O̩ko̩ o̩ko̩ Tarshish koji aminyakulumi nʼadu e̩wñ aja-we̩. E̩wñ-we̩ ki dabu la dabi ko̩, oñ uwe̩ nʼojima nana o̩ge̩ge̩de̩ ohimini abadi o̩mo̩.