Aizaya 19:23 - O̩TAKADA O̩LA O̩JO̩ 1970

²³ O̩jo̩ kʼa ka-i ikpadala ate̩ akwʼ Ijipti nyi Asiria, oñ e̩ne̩ Asiria awʼIjipti, oñ e̩ne̩ Ijipti anyʼAsiria, tak abo ijipti kpai abo Asiria adojikane̩ ñw O̩jo̩ ugbokate.

Aizaya 19:23 ပူးပေါင်းရင်းမြစ်များ

Aizaya 11:16

Tak ikpadala ade̩ tod abo-wñ ku ma bo̩bo̩ ku ma kwo Asiria wa, alu ki de̩ ñw abo Israe̩l iko ku ma kwʼane̩ Ijipti te̩gu wa le̩.

Aizaya 27:13

Oñ i awatu iko le̩ kʼama afa o̩kakachi lile, tak abo ku ma jo̩ alenyo̩ oj ane̩ Asiria kpai abo ku ma ne bʼane̩-ma te̩ ku ma jo̩ ane̩ Ijipti awa ku ma dojikane̩ ñw Jihofa oj uwo kiafo̩ Je̩rusale̩m le̩.

Eli Eko̩ DʼO̩jo̩ 87:4

Narʼomu do̩ Rehab kpai Babilo̩n ef abo ku ma ma mi; go Filistia kpai Taya manyʼ Itiopia— ma fʼene̩-i bi o̩mo̩.

Aizaya 11:11

Tak i awache iko le̩ kʼOndu adʼo̩wo̩-wñ tʼo̩ onukeji kʼi fʼe̩bobo̩ amone̩-wñ la ñw o̩la-wñ, owñ chʼabo ku ma bo̩bo̩ kwʼAsiria kpai Ijipti kpai Patro̩s kpai Kush kpai Elam kpai Shainar kpai Hemat kpai ala ala ohimini abadi.

Aizaya 19:24

O̩jo̩ le̩ Israe̩l achʼe̩ne̩ke̩ta manyʼIjipti kpai Asiria, e̩nyo̩ ki kwʼugbo O̩jo̩ ki atʼalumeji ane̩-ile̩-i ma ache,

Aizaya 49:7

Abu ki Jihofa, kʼi chʼAgba Israe̩l tane̩ kpai E̩ne̩-wñ Kiafo̩, aka ñw e̩ne̩ kʼabo ile̩ ache̩de̩te̩-wñ le̩, owñ chʼe̩ne̩ kʼabo ichi-i ahihie̩ne̩-wñ, kʼi laño̩ chʼadu abo̩da de̩ kakini, Amonu ali, ma la akwane̩; kpai amagboji taku ma adojikane̩; todu Jihofa ki achubi one̩, kʼi chʼE̩ne̩ Kiafo̩ e-Israe̩l kʼi chi we̩.

Aizaya 49:11

Oñ nache kʼuwo uwo-mi du ki mud ejo̩na, ojikpadala ojikpadala-mi adʼata-te̩.

Aizaya 62:10

Lale, lale gu ef alaku du, me̩ ki ñwʼo̩na amone̩-i che; me̩ fʼu du, me̩ fʼojikpadala du, me̩ fʼokuta-wñ re rinyo̩, dʼagaliga dago ñw amone̩ amone̩.

Aizaya 66:23

Akwʼiko kʼochuʼka ne gbogbo wʼiko kʼochu omune̩ ne kpai akwʼo̩jo̩ uñmiʼka wʼo̩jo̩ uñmi omune̩, o̩re̩la du awa adojikane̩ o̩gba-mi, Jihofa aka-i.

Maika 7:12

Iko le̩ ma akwo Asiria gbogbo wʼewo ewo Ijipti wʼugbo we̩, kpʼakwo Ijipti gbogbo wa ohimini le̩, kpʼakwo ohimini abadi tʼohimini abadi, kpʼakwo uwo kad uwo.

Aizaya 2:3

tak amone̩ ojoji ojoji wewe anyʼaka kakini: Me̩ lewa kʼa mute̩gu nyʼuwo Jihofa, nyʼunyi O̩jo̩ e-Jeko̩b; tak i ako wa o̩na o̩na-wñ oñ a ale ikpa-wñ ikpa-wñ. Todu efu Zayo̩n oñ uko̩-o̩la le̩ akwo dufu nyʼugbo du, o̩la Jihofa la akwo Je̩rusale̩m wa.