Aizaya 19:21 - O̩TAKADA O̩LA O̩JO̩ 1970

²¹ Taku Jihofa aje̩ ñw abo ijipti ki fʼowñ ma, oñ abo Ijipti la ama Jihofa o̩jo̩ kʼa ka-i; ochochi, ma anʼe̩wñ iche̩bo̩ kpai e̩wñ ele wa adojikane̩ ñw u, ma la adoji ñw Jihofa, taku ma ache.

Aizaya 19:21 ပူးပေါင်းရင်းမြစ်များ

Malakai 1:11

Todu akwugbo kʼolu akwane̩ odudu gbogbo tʼugbo kʼi atunyʼane̩, odu-mi anana ef abo uche̩ichi; oñ ugbo tʼugbo du ma akʼe̩wñ ki akpo wa ñw odu-mi, kpai e̩wñ ele ki fe̩; todu odu-mi anana ef abo uche̩ichi, Jihofa ki nʼe̩wñ du ka-i.

Aizaya 11:9

Ma ache e̩wñ du e̩bie̩ne̩ abe̩k ekpʼe̩wñ bie̩ ugbo du oj uwo-mi kiafo̩-i n; todu ile̩ ako̩ ñw Jihofa ema alu kʼomi bʼohimini abadi ma.

1 Pita 2:9

Ame̩ muda chʼo̩lo̩pu kʼO̩jo̩ chi. Me̩ chʼuche̩ amatama kʼo̩wo̩ onu ne̩ me̩, abo uche̩ichi kiafo̩, amone̩ todu kʼo̩wo̩-wñ ki ne̩ me̩ ki nʼugbo ku me̩ akʼunyo̩-wñ dufu, owñ ki fʼume̩ do̩ kwef e̩chubi tef ugane̩-wñ ki chʼawuwu le̩.

1 Pita 2:5

Ama ño̩ jʼako me̩ ne unyi e-Afu dabe̩ne̩ kʼame̩ chʼokuta ki deju, ku me̩ chʼuche̩ amatama kiafo̩, kʼame̩ ki kʼe̩wñ iche̩bo̩ Afu e-ki nyo̩ O̩jo̩ eju kʼi gba lefu Jisus Kraisti wa.

Jo̩n 17:3

E̩wñ ki la chʼiñmi ogbegbele̩ le̩ de̩, todu kʼama ki mʼuwe̩ kʼuwe̩ kate chʼO̩jo̩ ogbolo, kpʼe̩ne̩ kʼe̩ kpe̩ wa le̩—owñ che Jisus Kraist.

Ze̩fanaya 3:10

Abo ku ma bi mi ebi owñ chʼo̩ma onobule̩ abo-mi ku ma kpatuka le̩, akʼe̩wñ ele-mi kwʼudaba aji aji Itiopia wa.

Habakuk 2:14

Todu ile̩-i ako̩ ñw ojima Jihofa ema, alu kʼomi bʼohimini abadi ma.

Jona 1:16

Tak aboke̩le̩ le̩ railo Jihofa ololo ololo, oñ ma dʼe̩wñ iche̩bo̩ wa ñwu Jihofa taku ma kwodoji.

Aizaya 56:7

nakʼabo e-le̩ wʼugbo uwo-mi kiafo̩, oñ naje̩ ñw ma yo̩ ef unyi aduwa-mi; ma agbʼe̩wñ e̩gujo ku ma kowa kpai e̩wñ iche̩bo̩-ma tʼoji ubo̩ iche̩bo̩-mi; todu ma adʼodu unyi-mi ko̩ unyi aduwa todu amone̩ du.

Aizaya 55:5

Go, uwe̩ adʼo̩ abo ichiʼka kʼe̩ ma ma ma n, oñ abo̩ ichiʼka ku ma ma mʼuwe̩ n ara wʼugbo we̩, todu Jihofa O̩jo̩-we̩, kpai E̩ne̩ Kiafo̩ e-Israe̩l, todu i mʼojima du ñw e̩ me̩.

Aizaya 44:5

E̩ne̩ʼka akakini, E̩ne̩ Jihofa omi che, e̩ne̩ omune̩ la adʼodu o̩la-wñ ko̩ Jeko̩b; e̩nomune̩ ako̩ nyʼe̩do̩wo̩-wñ kakini, E-Jihofa de̩, i ahiʼo̩la-wñ odu ko̩ Israe̩l.

Aizaya 37:20

Fa-i todule̩, O Jihofa O̩jo̩-wa, gba wa bʼo̩wo̩-wñ te̩, kʼabojane̩ ojane̩ ile̩ du ki ma ka kʼuwe̩ che Jihofa, owñ chʼuwe̩ kate.

Ako̩la ñw Ujeju 5:4

E̩gba kʼe̩ dʼoji ñw O̩jo̩, e̩ ki che̩du era n; todu i nʼe̩do̩ e̩bo ugbo amake̩do̩nola-ma n. Fʼe̩wñ kʼe̩ dʼoji le̩ ra.

Eli Eko̩ DʼO̩jo̩ 67:2

kʼama ki ma o̩na-we̩ ane̩-ile, kpai ujadu-we̩ ef abo uche̩ichi du.

1 Amonu 8:43

uwe̩ ki gbo̩ efojale ugbo kʼe̩ gugu le̩, kʼe̩ la che teju alu du kʼononojo le̩ araku dʼe̩ todu-wñ; todu kʼamone̩ ile̩ du ki ma odu-we̩, kʼama ki railo we̩, alu kʼabo-we̩ Israe̩l ache, todu kʼama ki ño̩ ma ka kʼunyi kʼu ko̩-i ma du rʼodu-we̩.

1 Samiue̩l 17:46

Eñini kide̩ Jihofa adʼuwe̩ tef o̩wo̩-mi oñ nadʼe̩ kpa, u la akʼuwe̩ oji da bʼo̩la-we̩ te̩; tak u nakʼoku o̩wo̩ abo Filistia-i ñw ame̩we̩ ojale kpai ame̩wñ iñmi ile̩-i eñini kide̩; kʼabo ile̩ du ki ma ka kʼO̩jo̩ do̩mo̩ ñw abo Israe̩l,

Eli Eko̩ DʼO̩jo̩ 61:8

Abe̩le̩ tak u nakʼeli dʼodu-we̩ gbogbo alo, abu kʼu nʼe̩wñ kʼu dʼoji-wñ le̩ ara o̩jo̩ñwa o̩jo̩ñwa.

Eli Eko̩ DʼO̩jo̩ 68:31

Amidachi akwʼIjipti wa; Itio̩pia ahika nʼo̩wo̩ data ñw O̩jo̩.

Aizaya 11:11

Tak i awache iko le̩ kʼOndu adʼo̩wo̩-wñ tʼo̩ onukeji kʼi fʼe̩bobo̩ amone̩-wñ la ñw o̩la-wñ, owñ chʼabo ku ma bo̩bo̩ kwʼAsiria kpai Ijipti kpai Patro̩s kpai Kush kpai Elam kpai Shainar kpai Hemat kpai ala ala ohimini abadi.

Aizaya 27:13

Oñ i awatu iko le̩ kʼama afa o̩kakachi lile, tak abo ku ma jo̩ alenyo̩ oj ane̩ Asiria kpai abo ku ma ne bʼane̩-ma te̩ ku ma jo̩ ane̩ Ijipti awa ku ma dojikane̩ ñw Jihofa oj uwo kiafo̩ Je̩rusale̩m le̩.

Aizaya 45:14

Abu ki Jihofa ka de̩ kakini: Akanya uko̩lo̩ kʼabo Ijipti che kpai e̩wñ aja abo Itiopia, kpai abo Sabean, abo ku ma chʼamakachi le̩, adaba wʼugbo we̩, oñ uwe̩ ane̩ ma, ama atʼuwe̩ ubi; igbaligba adʼo̩wo̩-ma kpai e̩re̩-ma oñ ma adaba wa, ma la afʼeju bʼane̩ ma ñw e̩, ma la agbo̩ko̩bʼe̩ kakini: Ochochi, O̩jo̩ dʼubi-we̩, i la nʼomune̩ du n, O̩jo̩ omune̩ du do̩mo̩ n.

Aizaya 49:7

Abu ki Jihofa, kʼi chʼAgba Israe̩l tane̩ kpai E̩ne̩-wñ Kiafo̩, aka ñw e̩ne̩ kʼabo ile̩ ache̩de̩te̩-wñ le̩, owñ chʼe̩ne̩ kʼabo ichi-i ahihie̩ne̩-wñ, kʼi laño̩ chʼadu abo̩da de̩ kakini, Amonu ali, ma la akwane̩; kpai amagboji taku ma adojikane̩; todu Jihofa ki achubi one̩, kʼi chʼE̩ne̩ Kiafo̩ e-Israe̩l kʼi chi we̩.

Aizaya 60:7

Ma akʼame̩wño̩re̩ Kedar egini wa jo̩ ñw e̩, amokolo Nebaio̩t la ache e̩wñ ñw e̩; nagba ma oj ubo̩ iche̩bo̩-mi, tak u nachʼo̩ñwe̩ nyʼunyi ojima-mi.

Aizaya 66:23

Akwʼiko kʼochuʼka ne gbogbo wʼiko kʼochu omune̩ ne kpai akwʼo̩jo̩ uñmiʼka wʼo̩jo̩ uñmi omune̩, o̩re̩la du awa adojikane̩ o̩gba-mi, Jihofa aka-i.

Eli Eko̩ DʼO̩jo̩ 68:32

Me̩ keli do̩ O̩jo̩, ame̩ ojane̩ ojane̩ ile̩-i; me̩ ki keli dʼOndu, Sila