Aizaya 19:18 - O̩TAKADA O̩LA O̩JO̩ 1970

¹⁸ O̩jo̩ le̩ ewo me̩lu ku ma kʼichi Kenan ajʼojane̩ Ijipti, ku ma ago̩ ñw Jihofa ki nʼe̩wñ du. Odu oka-wñ ako̩ Ewo Ulenyo̩.

Aizaya 19:18 ပူးပေါင်းရင်းမြစ်များ

Ze̩fanaya 3:9

Todu e̩gba le̩ omi arʼichi ki de̩ hiolo da tʼugbo abo ile̩, kʼi nʼugbo kʼo̩chaka-ma ki kwadʼodu Jihofa ku ma nʼojika okate arʼo̩.

Ze̩karaya 2:11

Abo uche̩ichi uche̩ichi wewe la akʼo̩la-ma dama ñwu Jihofa iko le̩, tak ama achʼamone̩ e-mi. Omi la adodo alumeji-we̩, tak uwe̩ ama ka ki Jihofa ki nʼe̩wñ du kpe̩ mi wʼugbo we̩.

Aizaya 19:21

Taku Jihofa aje̩ ñw abo ijipti ki fʼowñ ma, oñ abo Ijipti la ama Jihofa o̩jo̩ kʼa ka-i; ochochi, ma anʼe̩wñ iche̩bo̩ kpai e̩wñ ele wa adojikane̩ ñw u, ma la adoji ñw Jihofa, taku ma ache.

Je̩re̩maya 12:16

I la chʼe̩wñ kʼama ache̩do̩chacha o̩na o̩na abo-mi eko̩che̩, ku ma fʼodu mi go̩ kakini, Oji Jihofa, alu kʼama ko̩ abo-mi ku ma fu Beal go̩ le̩, mak ama anʼo̩la-ma nyo̩gba alumeji abo-mi le̩.

Aizaya 11:11

Tak i awache iko le̩ kʼOndu adʼo̩wo̩-wñ tʼo̩ onukeji kʼi fʼe̩bobo̩ amone̩-wñ la ñw o̩la-wñ, owñ chʼabo ku ma bo̩bo̩ kwʼAsiria kpai Ijipti kpai Patro̩s kpai Kush kpai Elam kpai Shainar kpai Hemat kpai ala ala ohimini abadi.

Aizaya 27:13

Oñ i awatu iko le̩ kʼama afa o̩kakachi lile, tak abo ku ma jo̩ alenyo̩ oj ane̩ Asiria kpai abo ku ma ne bʼane̩-ma te̩ ku ma jo̩ ane̩ Ijipti awa ku ma dojikane̩ ñw Jihofa oj uwo kiafo̩ Je̩rusale̩m le̩.

Aizaya 19:19

O̩jo̩ kʼa ka-i ubo̩ iche̩bo̩ Jihofa adago alumeji ane̩ Ijipti, kpai e̩wñ ku ma gwanyidago waala ñw Jihofa alo̩me̩-wñ.

Aizaya 2:11

Ma ahi eju eke e-one̩ wane̩, oñ ma adʼeñwo̩ kʼamone̩ añwo̩ oji lo; Jihofa kate la achʼe̩ne̩ kʼi adʼatate̩ o̩jo̩ kʼa ka-i.

O̩lo̩da Eduwa Onukeji 10:20

Uwe̩ ki railo Jihofa O̩jo̩-we̩; uwe̩ ki rʼo̩ kʼe̩ la jimʼowñ, uwe̩ ki la go̩ odu-wñ.

Eli Eko̩ DʼO̩jo̩ 68:31

Amidachi akwʼIjipti wa; Itio̩pia ahika nʼo̩wo̩ data ñw O̩jo̩.

Nihe̩maya 10:29

ama le̩ manyʼamo̩maye-ma ku ma chʼabojima-ma, ma la fʼama na te̩ ñw o̩la-ma, oñ ma fugo̩ ka kʼama alule̩ teju uko̩-o̩la O̩jo̩, owñ chʼe-ku ma duwa lʼo̩wo̩ Mose̩s, adu O̩jo̩ le̩, kʼama la adejutʼo̩ ku ma ache uko̩ du ki Jihofa Ondu-wo te̩ kpai o̩la oji ajo̩-wñ kpai e̩wñ uhio̩me̩-wñ.

Abakwane̩ 11:1

Oñ o̩gbo ile̩-i du chʼalu ichi okate uko̩la-ma la chʼoka.

Aizaya 65:16

Todabe̩le̩ e̩ne̩ ki neku kʼO̩jo̩ ki de̩nyo̩ ñw u ojane̩ le̩, akakini, O̩jo̩ e-Ami ki dʼe̩nyo̩ wa, oñ e̩ne̩ ki neku ego̩ ile̩-i, O̩jo̩ e-Ami i ago̩ le̩; todu ma fʼo̩pe̩cha o̩gbo̩gba le̩ gbenyo̩, todabu kʼi maja bʼumi eju te̩.

Aizaya 14:1

Todu Jihofa ali Jeko̩b ejumomi, i ñʼadu Israe̩l, i la ako ma jʼoj ane̩ e-ma kpo̩: oñ amilowa amanyʼuma, ma la agamʼabunyi Jeko̩b.